Bæjarins besta.
Halldór Halldórsson, bæjarstjóri Ísafjarðarbæjar, segir að ekki verði lengur unað við núverandi raforkukerfi á Vestfjörðum. Hefur hann sent sérfræðingi í iðnaðarráðuneytinu fyrirspurn um það hvort 61. grein EES samningsins gæti nýst til að þoka áfram málefnum Hvalárvirkjunar í Ófeigsfirði á Ströndum. Greinin varðar aðstoð til að greiða fyrir þróun ákveðinna greina efnahagslífsins eða ákveðinna efnahagsvæða enda hafi hún ekki svo óhagstæð áhrif á viðskiptaskilyrði að stríði gegn sameiginlegum hagsmunum.
Meira

Nú eru bændur hér í Árneshreppi að rýja (klippa) féð seinni klippingu eða vetrarrúning,þar sem snoðið er klippt.

Lítil ull kemur af hverri kind.Aðalklipping á fénu var í haust um leið og fé var tekið inn á gjöf.

Bændur hafa rúið sitt fé sjálfir hér í Árneshreppi,heldur enn að kaupa vinnu við það.

Elsti bóndinn hér í sveit sem rýir fé sitt sjálfur og hjálpar jafnvel öðrum við rúning er Sigursteinn Sveinbjörnsson bóndi í Litlu-Ávík sem er tæplega sjötugu og tveggja ára.

Dagskráin vegna ráðstefnunnar Umhverfisvottaðir Vestfirðir sem Ferðamálasamtök Vestfjarða standa fyrir í tengslum við aðalfund sinn þann 17. apríl á Hótel Núpi  er tilbúin.Eins og sjá má þá er þetta glæsileg dagskrá og mun gefa góða hugmynd að því hvað felst í hugtakinu.Heiti einstakra erinda geta ennþá breyst.Smellið á tengilinn hér fyrir neðan til að nálgast pdf skjal með dagskránni.Áhugasömum er bent á að hafa samband við Hótel Núp og panta gistingu.Glæsilegt tilboð á mat og gistingu er í boði í tengslum við dagskrá FMSV á Núpi þessa helgi. Sjá tengil inn á tilboðið hér.
Hér er dagskrá ráðstefnunnar.

Vegna óviðráðanlegra orsaka verður að færa opna hugmyndafundinn um hvernig styrkja má byggð í Árneshreppi til fimmtudagsins 18. mars kl. 20:00.  Hann verður því ekki miðvikudaginn 17. mars eins og áður var auglýst. Eru fundargestir beðnir velvirðingar á þessum breytingum.

Fundurinn er framhald af fundi sem skólastjórarnir Elísa Ösp Valgeirsdóttir og Elín Agla Briem héldu fyrir unga Árneshreppsbúa í félagsheimilinu í Trékyllisvík þann 27. desember sl. Að þessu sinni gefst öllum brottsfluttum og öðrum áhugasömum um eflingu byggðar í hreppnum tækifæri til að koma saman og viðra hugmyndir sínar. Til dæmis verður skoðað hvernig þeir sem búa utan hreppsins geta lagt sitt af mörkum til að hlúa að byggðinni. Eru allir velunnarar Árneshrepps hvattir til að mæta en fundurinn verður haldinn sem fyrr segir á Hilton hótelinu, Suðurlandsbraut 2, 2 hæð, salur D. 

Jón Eiríksson á bátnum Snorra ST 24 fékk stóran hákarl á hákarlalóðir í morgun.
Jón lagði hákarlalóðir fyrir nokkru og er þetta fyrsti hákarlinn sem hann hefur fengið.Hákarlinn er um 5 metrar að lengd og ca 900 kg að þyngd.
Jón hefur verið með nokkur rauðmaganet í sjó,enn fer að byrja á grásleppu og mun leggja upp á Norðurfirði og verða hrognin verkuð þar.
Þetta verður þriðja árið sem hann ætlar að stunda grásleppuveiðar.
Jón sem er frá Víganesi hér í sveit og á hús sem hann byggði fyrir allnokkrum árum í landi Víganes sem heitir Nátthagi.

Annað Húmorsþing Þjóðfræðistofu verður haldið laugardaginn 20. mars næstkomandi.Húmorsþingið er bæði vetrarhátíð og málþing um húmor sem fræðilegt viðfangsefni.Það er nú haldið í annað sinn á Ströndum.

Á málþinginu munu fræðimenn stíga á stokk og varpa ljósi á nýjustu rannsóknir og miðlun á húmor.Rætt verður um hin ýmsu form húmors, svo sem brandara,uppistand,satíru og íróníu ásamt margvíslegri iðkun þeirra í daglegu lífi.Fjallað verður um húmor sem valdatæki í baráttu þjóðfræðihópa og ýmsar birtingarmyndir húmors í fjölmiðlum.Nemendur í þjóðfræði eru sérstaklega velkomnir og stendur til boða að sitja málþingið og skrifa um það námsritgerð í þjóðfræði við Háskóla Íslands.

Um kvöldið verður boðið til skemmtunar en á boðstólnum verður meðal annars barþraut um íslenska kímni,uppistand Uppistöðufélagins, Þorsteins Guðmundssonar og Helga Svavars Helgasonar.Auk þess verður í annað sinn efnt til brandarakeppninnar sívinsælu "Orðið er laust".
Dagskrá Húmorsþing má sjá nánar á vef Þjóðfræðistofu.

Í vikunni sem var að líða urðu fjögur umferðar óhöpp í umdæmi lögreglunnar á Vestfjörðum.

Mánudaginn 8 mars varð minniháttar óhapp á Ísafirði,minni háttar tjón á ökutæki.Fimmtudaginn 11 mars varð bílvelta við bæinn Bæ,í Hrútafirði,ekki slys á fólki,en tjón á ökutæki.12 mars var útafakstur á  Holtavörðuheiði,þar hafnaði bifreið út fyrir veg,ökumann og farþega sakaði ekki, en tjón á ökutæki.14 mars varð bílvelta á veginum um Þröskulda,þar hafnaði bíll útaf og valt eina veltu,ökumann sakaði ekki. Við þessar bílveltur voru akstursskilyrði ekki góð,hálka á vegi.

Fimm voru teknir fyrir of harðan akstur í umdæminu,tveir á Ísafirði og  þrír í nágreni við Hólmavík.Sá sem hraðast ók, var mældur á 111 km/klst.,þar sem leyfilegur hámarshraði er 90 km

Tveir voru teknir fyrir grun um akstur undir áhrifum fíkniefna í Ísafjarðardjúpi,í öðru tilvikinu var lagt hald á ætluð  fíkniefni.

Miðvikudaginn 17. mars n.k. verður haldinn opinn hugmyndafundur á Hilton hótelinu við Suðurlandsbraut um hvernig styrkja má byggð í Árneshreppi.Fundurinn er framhald af fundi sem skólastjórarnir Elísa Ösp Valgeirsdóttir og Elín Agla Briem héldu fyrir unga Árneshreppsbúa í félagsheimilinu í Trékyllisvík þann 27. desember s.l.  Að þessu sinni gefst öllum brottfluttum og öðrum áhugasömum um áframhaldandi byggð í hreppnum tækifæri til að koma saman og viðra hugmyndir sínar. T.d. verður skoðað hvernig þeir sem búa utan hreppsins geta lagt sitt af mörkum til að hlúa að byggðinni.Eru allir velunnarar Árneshrepps hvattir til að mæta en fundurinn hefst kl. 20:00. 

Sextánda Strandagangan fór fram í Selárdal á laugardag,fjöldi fólks tók þátt eða 79 og er þetta því fjórða fjölmennasta Strandagangan frá upphafi.
Keppnin í 20 km göngunni var gríðarlega spennandi bæði í karla- og kvennaflokkum.Í karlaflokki sigraði Andri Steinþórsson eftir harða keppni við Birki Þ Stefánssoná seinni hluta göngunnar og fær hann því Sigfúsarbikarinn til varðveislu næsta árið.Fyrst kvenna í mark var Stella Hjaltadóttir frá Ísafirði.
Keppendur í Strandagöngunni voru víða að af landinu, eins og oft áður voru nágrannar okkar frá Ísafirði fjölmennastir, einnig komu góðir hópar frá Reykjavík, Ólafsfirði og Akureyri.Frá Siglufirði komu heiðurshjónin Magnús og Guðrún en þau hafa verið fastagestir í Strandagöngunni undanfarin ár.
Nánar um úrslit má sjá hér.

Hreppsnefnd Árneshrepps hefur óskað eftir því við sjávarútvegs- og landbúnaðarráðuneytið að 16 tonna byggðakvóti sem kom í hlut Árneshrepps og tilkynnt var með bréfi 31.janúar 2010, verði skipt jafnt milli báta í sveitarfélaginu.Hreppsnefnd telur að með því að skipta afla jafnt milli báta berist mesti mögulegi afli á land, þar sem kvótalitlir bátar þurfa jafnvel að leigja til sín einhvern kvóta til að geta náð byggðakvótanum.Árneshreppur óskaði jafnframt eftir því að aflétt verði vinnsluskyldu til að hægt sé að afhenda fiskiskipum í Árneshreppi byggðakvóta fiskveiðiársins 2009/2010,Þar sem engin bolfiskvinnsla er til staðar í Árneshreppi,en vinna skapast í landi við að slægja og ísa fiskinn,auk þess sem flutningur fisks á markað styrkir landflutninga í Árneshrepp.