Seinni úthlutun Menningarráðs Vestfjarða á árinu 2009 fer fram í Hlunnindasafninu á Reykhólum nú á föstudaginn 4. desember og hefst athöfnin kl. 16:00. Verða þar afhent vilyrði um styrki frá Menningarráði Vestfjarða, en alls fá 37 verkefni framlög að þessu sinni á bilinu 150 þúsund til 1 milljón, samtals að upphæð 18,5 milljón. Umsóknir sem bárust að þessu sinni voru 89 og var samtals beðið um 75 milljónir í verkefnastyrki.


Meira

Þá er Flugfélagið Ernir búnir að fljúga á Gjögur í dag,en flugi var aflýst þangað í gær vegna veðurs.
Norðaustanátt er 14 til 16 m/s og gengur á með dimmum éljum.
Næsti áætlunardagur er á næstkomandi fimmtudag.

Í mánuðinum sem var að líða hefur Litli-Hjalli aldrei verið lesin eins mikið í einum mánuði og þá.

Gestir voru yfir 15.000 það er sem stöldruðu við og skoðuðu fréttir og annað,hefur verið þetta frá sjö til níu þúsund á mánuði.Innlit voru yfir sjöþúsund og fimmhundruð,sem rétt litu inn.En flettingar voru yfir fjörutíu þúsund og sexhundruð,þar sem flett er og skoðað vel og staldrað við.

Það má segja að óvenju mikið var skrifað á vefinn í nóvember,og einnig var sett inn ein stór myndasyrpa,frá afmæli Margrétar Jónsdóttur og einnig voru settar inn fleiri myndir sem vefnum voru sendar.Einnig voru mikil skrif um netsambandsleysið og því tengdu,fólk vildi greinilega fylgjast með því.

Síðan var Litli-Hjalli settur á Facebook í byrjun mánaðar.

Vefurinn þakkar lesendum sínum sem venjulega kærlega fyrir góðar móttökur.

Flugfélagið Ernir hafa nú aflíst flugi til Gjögurs í dag vegna veðurs,hvassviðris og éljagangs og skafrennings.
Athugað verður með flug á morgun.

Nú stendur yfir snjómokstur Norðurfjörður-Gjögur,talsverð fyrirstaða er víða á þessari leið.
Það snjóaði talsvert um helgina,aðallega á föstudag og laugadag,og él voru í gær og í morgun.
Nokkuð hvasst er af Norðaustri 15 til 19 m/s.
Ekki er vitað um flug ennþá á Gjögur í dag hvort fært verði.

Nú hefur verið settur inn hér undir tenglar ljósmyndavefir á ljósmyndavef Kristbjargar.
Kristbjörg er búin að vera búsett í Bandaríkjunum um þrjátíu ára skeið. Lengst af hefur hún búið í Bængor Maine. Hennar sérstaða er Abstrakt myndir. Hún er búin að vera forseti Listamannafélags Maineríkis um fjögurra ára skeið. Hún ætlar að hætta því starfi í Maí 2010. Kristbjörg er systurdóttir Gerðar Helgadóttur. Einnig er hún þremenningur við listamanninn Erró. Ásgeir Júlíusson og móðir Erró eru systkinabörn.

Nú hefur Margrét Stefánsdóttir forstöðumaður samskiptasviðs Símans sent vefnum upplýsingar,enn vefurinn Litli-Hjalli gerði fyrirspurn í morgun til hennar hvenær stækkun kæmi til framkvæmda,og Margrét sagði að stöðin hefði verið stækkuð í gær um hádegið og aukið þar með útsendingarstyrk hennar.

Eins og fram hefur komið var einungis vandræði með stöðina sem er í Trékyllisvík af þeim sjö stöðum sem voru settar upp á Ströndum.

Og eins og fram hefur komið var sala í kringum Trékyllisvík vonum meiri enn reiknað var með og var stöðin á álagstímum ekki að anna álagi.

Síminn hefur sett upp á árinu 50 stöðvar í verkefninu og er þetta fyrsta stöðin sem við lendum í svona aðstæðum sökum álags.

Og ennfremur segir Margrét að í verkefninu (um háhraðanetið)eru bæir sem þarfnast sérstakra lausna svo hægt sé að tengja þá t.d. eins og Djúpavík,Kjörvog og Gjögursvæðið.Þeir aðilar eru tengdir síðastir á hverju svæði fyrir sig. Síminn vinnur í lausnum fyrir þau svæði.Ekki sé vitað nákvæmlega hvenær því líkur,sagði Margrét í lokin.

Vefurinn Litli-Hjalli getur staðfest það að netsamband hefur verið mjög gott í dag,og reyndar í allan gærdag.

Þann 25 nóvember voru komin 15 ár síðan Snerpa ehf hóf starfsemi á Ísafirði. Í tilefni þess var starfsmönnum boðið upp á rjómatertu og heitann rétt í kaffinu. Er þetta aðeins byrjunin á fagnaðarlátunum, en í dag föstudaginn 27 nóvember mun verða smá húllum hæ hjá þeim að Mánagötu 6 á milli kl 15:00 og 17:00. Verður boðið upp á pylsur frá hinum margrómaða pyslusala, Hermanni Grétari Jónssyni, en hann mun mæta með heilann pylsuvagn  fyrir utan húsnæði Snerpu að Mánagötu 6 og gefa gestum Snerpu pylsu að eigin vali. Einnig verður opið hús hjá þeim í Snerpu og verður þar hægt að skoða húsakynnin og starfsemina nánar.
Snerpa hannaði vefinn www.litlihjalli.it.is ásamt mörgum öðrum vefum og eru þetta allt frábærlega hannaðir vefir.
Litli-Hjalli vill nota tækifærið og óska fyrirtækinu,eigendum og starfsfólki til hamingju með þennan stóráfanga,og þakkar um leið fyrir frábær samskipti.
Vefur Snerpu er www.snerpa.is

Skúli Alexandersson hefur sent Litla-Hjalla nokkrar skínandi góðar ljósmyndir, sem teknar voru í Ófeigsfirði. Hann þakkar Jóni Guðbirni jafnframt fyrir dugnað við að flytja fréttir úr sveitinni okkar, og segir: "Ég er eins og fleiri fyrverandi Árneshreppsbúar áhugasamur og hefi gaman af fréttum úr ættarbyggðinni og skoða vefinn þinn oft."

Skúli fæddist í Reykjafirði 9. september 1926, ólst upp hér í sveitinni og hefur ávallt haldið sterkum tengslum við Árneshrepp. Hann var alþingismaður 1979-1991 og æviágrip hans má lesa á vef Alþingis, með því að smella hér.

Litli-Hjalli þakkar Skúla kærlega fyrir myndirnar og hvetur fleiri lesendur til að senda ljósmyndir, gamlar eða nýjar, á póstfangið hrafnjokuls@hotmail.com.

Nú er sá tími komin að bændur eru að fara að hísa féið.Fyrir nokkru voru hrútar teknir inn og rúnir,einnig ásetnings lömb,og þaug rúin.Þetta er svona á svipuðum tíma og í fyrra eða um viku seinna,eitthvað misjafnt eftir bæjum.

Nú eru bændur að taka fullorðna féið inn smátt og smátt til að rýja það,en ærnar verða helst að vera þurrar þegar rúið er,og er féið haft úti sem ekki er hægt að rýja strax ef þurrt er og sett inn að kvöldi.

Þannig að nú fer allt fé að vera komið á gjöf.

Öll ull fer til Ístex sem hefur hækkað ullarverð til bænda að meðaltali um 8% eins og hefur komið fram hér á vefnum.