Ágætu Ferðaþjónar á Vestfjörðum,

Nú er komið að því ferðaþjónustusýningin "Ferðalög og Frístundir" verður haldin um helgina (8. - 10.maí) í Laugardalshöll.
Markaðsstofa Vestfjarða verður með bás á sýningunni undir merkjum Vestfjarða og er hann hluti af sameiginlegum sýningarhluta allra landshluta.

Bás Vestfjarða ásamt staðsetningu má sjá á þessum hlekk:

http://www.vestfirskferdamal.is/skraarsafn/skra/48/

Meira

Á fundi stjórnar Sambands íslenskra sveitarfélaga sem haldinn var 29. apríl sl. var samþykkt að boða fulltrúa sveitarfélaga á samráðsfund þar sem fjallað yrði um rekstrarvanda sveitarfélaga og leiðir til hagræðingar í rekstri þeirra.

Nú hefur verið ákveðið að fundurinn verði haldinn miðvikudaginn 13. maí nk. kl. 13:30 á Grand Hóteli í Reykjavík. Gert er ráð fyrir að hvert sveitarfélag og hver landshlutasamtök sveitarfélaga sendi að jafnaði 1-2 fulltrúa á fundinn.

Fundurinn verður jafnframt sendur út á netinu og geta þeir sem ekki hafa tök á að sækja fundinn fylgst með honum á samskipta- og upplýsingavef sambandsins - http://www.samband.is/. Hægt verður að senda fyrirspurnir og innlegg á fundinn á netfangið ingibjorg@samband.is meðan á fundinum stendur.

Á fundinum mun formaður sambandsins, Halldór Halldórsson, fara yfir stöðu mála og fjallað verður um nýjustu upplýsingar um fjárhagsstöðu sveitarfélaga. Síðan verða almennar umræður þar sem fundarmenn geta skipst á skoðunum og sagt frá hvernig einstök sveitarfélög hafa verið að bregðast við rekstrarvanda þeirra og greint frá leiðum til hagræðingar í rekstri.

Þátttaka á fundinum tilkynnist á netfangið sigridur@samband.is sem fyrst.

Nokkuð tíðindalítið var hjá lögreglunni á Vestfjörðum í liðinni viku, þó urðu tvö umferðaróhöpp sem betur fer minniháttar.  Mánudaginn 27 apríl hjólaði ungur reiðhjólamaður í veg fyrir bifreið á Þórsgötu á Patreksfirði og slapp sem betur fer ómeiddur.  Þá varð eitt minniháttar óhapp á Ísafirði,  ökumenn gengu sjálfir frá sínum málum þar.

Mánudaginn 4 maí varð erlendur ökumaður fyrir því óláni að loka lyklana inni í bíl sem hann var á þá staddur á Klettshálsi, veður var frekar leiðinlegt rigning og talsverður vindur.  Var ökumaður orðinn frekar blautur og kaldur þegar lögregla kom á staðinn og aðstoðaði hann.

Miðvikudaginn 29 apríl voru  framin skemmdarverk á nokkrum bílum við  Sindragötu á Ísafirði og er það mál í rannsókn.

Í vikunni voru fjórir teknir fyrir of hraðann akstur í umdæminu, einn  innan bæjarmarka Ísafjarðar og þrír í nágreni við Hólmavík.  Þá voru tveir teknir fyrir akstur án réttinda í umdæminu.

Yfirlit yfir veðrið frá Veðurstöðinni í Litlu-Ávík.

Mánuðurinn byrjaði með hita yfir frostmarki fyrstu daga mánaðar síðan vægt frost framí miðjan mánuð,þá hlýnaði í veðri.Kólnaði og snjóaði talsvert 23 Sumardaginn fyrsta og 24,eftir það fór nú hiti að hækka aftur með austlægum og suðlægum vindáttum.

Úrkomusamt var í mánuðinum.

Meira

Talsvert aurskriða og snjóflóð féll í svonefndum Urðum,það er á veginum til Norðurfjarðar,þar sem Stórakleifarbrekkan byrjar í gærkveldi.

Allt hefur byrjað þannig að stór steinn hefur losnað lengst uppí fjalli í klettabeltinu og oltið niður og komið aurskriðu á stað og síðan lent í snjó sem varð síðan að snjóflóði sem fór niðrá veg og yfir veginn og niðrí sjó.

Snjóflóðið er mjótt en nokkuð hátt þar sem það fór yfir veginn.

Steinninn sem er mjög stór og er klofinn í tvennt og liggur nú í fjöruborðinu.

Vegurinn var síðan opnaður strax í gærkvöld.

Mjög algengt er að snjóflóð falli þarna.
Fréttamaður Litlahjalla fór á vettfang í morgun og skoðaði aðstæður og tók meðfylgjandi myndir.

Færanlega skoðunarstöð Frumherja hf verður staðsett á Hólmavík frá mánudeginum 4 til föstudagsins 8 maí.
Samkvæmt auglýsingu frá Frumherja er færanlega skoðunarstöðin nú beintengd við ökutækjaskrá og því hægt að afla allra upplýsinga og ganga frá viðskiptum eins og í fastri skoðunarstöð.
Tekið er á móti öllum greiðslukortum(kredit og depet),hvort tveggja er háð því að GSM samband sé í lagi.
Mælst er til þess að menn komi með ökutæki með númer sem enda 1 til 7 í fyrri ferð,en í seinni ferð sem fyrirhuguð er 1 og 2 september með endastafi 8,9,eða 0.
Ný skoðunarstöð er nú komin í Búðardal þar er skoðað 8 sinnum á ári í tvo daga í senn,tímapantanir í síma:570-9090.
Færanlega skoðunarstöðin verður ekki staðsett á Borðeyri hné á Reykhólum að þessu sinni heldur vísað í hina nýju stöð í Búðardal.
Sími í færanlegu skoðunarstöð Frumherja er 854 4507.

Ekkert veðurskeyti mun berast frá veðurstöðinni í Litlu-Ávík frá hádegi á morgun og fram á laugardag vegna að veðurathugunarmaðurinn Jón G Guðjónsson fer í smá frí.
Síðasta veðurskeyti verður sent kl 09:00 í fyrramálið og vonandi byrjað aftur kl 06:00 að morgni laugardags 2 maí,að öllu ófyrisjánlegu.

Lögregla sinnti verkefnum um liðna helgi vegna kosninganna,  m.a. flutning á kjörgögnum og sá síðan um að safna saman kjörkössunum í umdæminu. Nokkuð greiðlega gekk að koma kjörkössum til Borgarness, þar sem talning fór fram.  Flogið var með kjörgögnin af  norðanverðum Vestfjörðum frá Ísafirði og  var gert ráð fyrir að millilent yrði á Bíldudal til að taka kjörgögn af suður svæðinu.  Þar sem ekki reyndist unnt að lenda þar var ekið með kjörgögnin til Borgarness.  Kjörgögnum úr Strandasýslu var ekið til Borgarness.

Umferðin gekk ekki alveg óhappalaus fyrir sig.  Fjögur umferðaróhöpp urðu í umdæminu.  23 apríl varð útafakstur á Djúpvegi við Engidal, fjarlægja þurfti ökutækið með krana af vettvangi og annað minniháttar umferðaróhapp varð á Ísafirði.  24 apríl var ekið utan í vegrið á Hnífsdalsvegi, talsverðar skemmdir á ökutækinu.  26 apríl varð bílvelta á Djúpvegi í Álftafirði á Kambsnesi.  Ökumaður kenndi sér eymsla og fór sjálfur til skoðunar á sjúkrahúsið á Ísafirði.  Talsvert tjón varð á ökutækjum í þessum óhöppum.

Þá voru þrír ökumenn kærðir fyrir of hraðann akstur og einn stöðvaður vegna gruns um akstur undir áhrifum fíkniefna.

23 apríl sumardaginn fyrsta  seinni part dags var komin stóðhríð og ekkert ferðaveður á Klettshálsi og voru vegfarendur þar í verulegum vandræðum, vegna veðurs og ófærðar og var björgunarsveitin Lónfell kölluð til aðstoðar og voru björgunarsveitarmenn fram eftir kvöldi að aðstoða vegfarendur til byggða.

 

	Flokkur	Atkvæði		Hlutfall	Þingmenn
B	Framsóknarflokkur	3967		22,53%	2
D	Sjálfstæðisflokkur	4037		22,93%	2
F	Frjálslyndi flokkurinn	929		5,28%	0
O	Borgarahreyfingin	587		3,33%	0
P	Lýðræðishreyfingin	66		0,37%	0
S	Samfylkingin	4001		22,73%	2
V	Vinstrihreyfingin - grænt framboð	4018		22,82%	3

Á kjörskrá voru 21294
Kjörsókn var 18213
Auðir seðlar voru 558
Ógild atkvæði voru 50.

Landið allt

	Flokkur	Atkvæði		Hlutfall	Þingmenn
B	Framsóknarflokkur	27699		14,80%	9
D	Sjálfstæðisflokkur	44369		23,70%	16
F	Frjálslyndi flokkurinn	4148		2,22%	0
O	Borgarahreyfingin	13519		7,22%	4
P	Lýðræðishreyfingin	1107		0,59	0
S	Samfylkingin	55758		29,79%	20
V	Vinstrihreyfingin - grænt framboð	40580		21,68	14