Lögregla sinnti verkefnum um liðna helgi vegna kosninganna,  m.a. flutning á kjörgögnum og sá síðan um að safna saman kjörkössunum í umdæminu. Nokkuð greiðlega gekk að koma kjörkössum til Borgarness, þar sem talning fór fram.  Flogið var með kjörgögnin af  norðanverðum Vestfjörðum frá Ísafirði og  var gert ráð fyrir að millilent yrði á Bíldudal til að taka kjörgögn af suður svæðinu.  Þar sem ekki reyndist unnt að lenda þar var ekið með kjörgögnin til Borgarness.  Kjörgögnum úr Strandasýslu var ekið til Borgarness.

Umferðin gekk ekki alveg óhappalaus fyrir sig.  Fjögur umferðaróhöpp urðu í umdæminu.  23 apríl varð útafakstur á Djúpvegi við Engidal, fjarlægja þurfti ökutækið með krana af vettvangi og annað minniháttar umferðaróhapp varð á Ísafirði.  24 apríl var ekið utan í vegrið á Hnífsdalsvegi, talsverðar skemmdir á ökutækinu.  26 apríl varð bílvelta á Djúpvegi í Álftafirði á Kambsnesi.  Ökumaður kenndi sér eymsla og fór sjálfur til skoðunar á sjúkrahúsið á Ísafirði.  Talsvert tjón varð á ökutækjum í þessum óhöppum.

Þá voru þrír ökumenn kærðir fyrir of hraðann akstur og einn stöðvaður vegna gruns um akstur undir áhrifum fíkniefna.

23 apríl sumardaginn fyrsta  seinni part dags var komin stóðhríð og ekkert ferðaveður á Klettshálsi og voru vegfarendur þar í verulegum vandræðum, vegna veðurs og ófærðar og var björgunarsveitin Lónfell kölluð til aðstoðar og voru björgunarsveitarmenn fram eftir kvöldi að aðstoða vegfarendur til byggða.

 

	Flokkur	Atkvæði		Hlutfall	Þingmenn
B	Framsóknarflokkur	3967		22,53%	2
D	Sjálfstæðisflokkur	4037		22,93%	2
F	Frjálslyndi flokkurinn	929		5,28%	0
O	Borgarahreyfingin	587		3,33%	0
P	Lýðræðishreyfingin	66		0,37%	0
S	Samfylkingin	4001		22,73%	2
V	Vinstrihreyfingin - grænt framboð	4018		22,82%	3

Á kjörskrá voru 21294
Kjörsókn var 18213
Auðir seðlar voru 558
Ógild atkvæði voru 50.

Landið allt

	Flokkur	Atkvæði		Hlutfall	Þingmenn
B	Framsóknarflokkur	27699		14,80%	9
D	Sjálfstæðisflokkur	44369		23,70%	16
F	Frjálslyndi flokkurinn	4148		2,22%	0
O	Borgarahreyfingin	13519		7,22%	4
P	Lýðræðishreyfingin	1107		0,59	0
S	Samfylkingin	55758		29,79%	20
V	Vinstrihreyfingin - grænt framboð	40580		21,68	14

MBL.ÍS.
Rúmlega 400 kjósendur í Norðvesturkjördæmi strikuðu yfir nöfn þriggja frambjóðenda.

Flestir strikuðu yfir nafn Ólínu Þorvarðardóttur, sem skipaði annað sætið á lista Samfylkingarinnar. Þá voru á annað hundrað útstrikanir yfir nafn Jóns Bjarnasonar, oddvita á lista VG og tæplega 100 strikuðu yfir nafn Ásbjörns Óttarssonar, oddvita Sjálfstæðisflokksins.

Útstrikanirnar breyta engu um röð þingmanna. Ekki er gert ráð fyrir að búið verð að telja útstrikanir í öðrum kjördæmum fyrr en á morgun eða þriðjudag.
Þetta kemur fram á vef Morgunblaðsins www.mbl.is

Þriðjudaginn 5. maí  nk. kl. 17:00 til 20.00  verður málþing „Sókn í eflingu atvinnulífs á suðursvæði Vestfjarða". Það eru Atvinnumálanefndir Vesturbyggðar og Tálknafjarðarhrepps sem boðar til þingsins sem haldið verður í Félagsheimilinu Baldurshaga á Bíldudal. Þangað eru boðaðir fulltrúar starfandi fyrirtækja og fulltrúar lögbýla á suðursvæðinu. Fyrr í haust var gerð könnun meðal þeirra í Vesturbyggð og verða niðurstöður hennar m.a. kynntar á þinginu.

 

Málþingið er öllum opið.

Meira

Þetta er birt með fyrirvara um úrslit vegna talningu á útstrikunum á listum.
Kjördæmakjörnir
Ásbjörn Óttarsson (D)
Jón Bjarnason (V)
Guðbjartur Hannesson (S)
Gunnar Bragi Sveinsson (B)
Einar K. Guðfinnsson (D)
Lilja Rafney Magnúsdóttir (V)
Ólína Þorvarðardóttir (S)
Guðmundur Steingrímsson (B)
Uppbótar 
Ásmundur Einar Daðason (V)

Kjörstaður í Árneshreppi var opnaður kl 10.30 vegna alþingiskosninga 25.apríl 2009 og er kosið í Félagsheimilinu í Trékyllisvík.

Á kjörskrá eru 42.

Karlar eru 24 og konur eru 18.
Á myndinni er Þórolfur Guðfinnsson-Guðmundur Þorsteinsson og Hrefna Þorvaldsdóttir,á myndina vantar formann Kjörnefndar Ingólf Benediktsson hann var við snjómokstur.

Nú er verið að opna vegina frá Bjarnarfirði og norður til Norðurfjarðar.
Um talsverðan snjó er að ræða.
Það hefur snjóað mikið síðan á fimmtudagskvöld.

Góðir gestir komu í Árneshrepp frá Hólmavík í gærkveldi og spiluðu Bridds við heimamenn.
Alls tóku þátt 9 pör,átta heimamenn og tíu frá Hólmavík.
Með flest stig urðu heimamennirnir Björn Torfason og Kristján Albertsson á Melum.
Annars er stigataflan hér með.
Ingimundur Pálsson á Hólmavík var svo vinsamlegur að senda vefnum þessar myndir af mótinu.
Reimar Vilmundarson tók hópmyndina á vél Ingimundar.

Nafn	skor
Björn Pálsson og Jón Stefánsson	63
Vignir Pálsson og Guðbrandur Björnsson	88
Maríus Kárason og  Lýður Magnússon	92
Ingimundur Pálsson og Engilbert Ingvason	73
Helgi Ingimundarson og Áskell Benediktsson	56
Björn Torfason og  Kristján Albertsson	99
Úlfar Eyólfsson og Ingólfur Benediktsson	45
Gunnar Dalkvist og Oddný Þórðardóttir	71
Ágúst Gíslason og Gunnsteinn Gíslason.	61
Samtals	648

 

Gleðilegt sumar góðir lesendur og takk fyrir samfylgdina í vetur.

Það er nú ekki hægt að segja að það sé sumarlegt hér í Árneshreppi að morgni Sumardagsins fyrsta,allt alhvítt og minnir mann frekar á jólasnjó eins og meðfylgjandi mynd sýnir.

Rigning var í gærkveldi og slydda í nótt og síðan var bullandi snjókoma en stytt upp núna þegar þetta er skrifað.

Gleðilegt Sumar.