Veðrið í Febrúar 2009.

Yfirlit yfir veðrið frá Veðurstöðinni í Litlu-Ávík.

Mánuðurinn var kaldur í heild.

Mánuðurinn byrjaði með kulda og var talsvert frost fram til 12,en vindur oftast hægur.Þá gerði smá blota hlýnaði og kólnaði á víxl með svellalögum þannig að gífurleg hálka myndaðist.Snjóaði svo talsvert þ,20,smá bloti aftur þ,21.

Síðan að mestu Norðaustan út mánuðinn með frosti,éljum og snjókomu.

Nú í þessum mánuði voru Norðan og NA áttirnar kaldar en voru nokkuð hlýjar í janúar síðastliðnum.

Meira

Frestur til að tilkynna um þátttöku í póstkosningu Framsóknarmanna í Norðvesturkjördæmi rann út kl. 22.00 föstudaginn 27. febrúar. Níu einstaklingar tilkynntu um þátttöku en þeir eru í stafrófsröð:

Björg Reehaug Jensdóttir, launafulltrúi og nemi, Ísafirði
Elín Líndal, bóndi og framkvæmdastjóri, Lækjamóti, Húnaþingi -vestra
Friðrik Jónsson, alþjóðastjórnmálafræðingur, Akranesi
Guðmundur Steingrímsson, blaðamaður, Reykjavík
Gunnar Bragi Sveinsson, formaður byggðaráðs, Skagafirði
Halla Signý Kristjánsdóttir, skrifstofu- og fjármálastjóri, Bolungarvík
Kristinn H. Gunnarsson, alþingismaður, Bolungarvík
Margrét Þóra Jónsdóttir, aðstoðarleikskólastjóri, Akranesi
Sigurgeir Sindri Sigurgeirsson, bóndi, Bakkakoti, Borgarbyggð.

Kjörnefnd fer um helgina yfir þau gögn sem frambjóðendur sendu nefndinni og stefnir að því að staðfesta framboðin á kynningarfundi í Borgarnesi 1. mars ásamt því að draga um röð frambjóðenda á kjörseðli. Póstkosningin fer fram dagana 3. til 13. mars og rétt til þátttöku hafa allir félagar í Framsóknarfélögum í kjördæminu. Kosið verður um fimm efstu sætin.

Nánari upplýsingar um póstkosninguna og frambjóðendur má fljótlega nálgast á vefslóðinni http://framsokn.is/Kjordaemi/Nordvesturkjordaemi.

Framboðsfrestur í forvali Vinstrihreyfingarinnar - græns framboðs í Norðvesturkjördæmi rann út föstudaginn 27. febrúar. Alls gáfu 22 félagar kost á sér. Þeir sem eru skráðir félagar í Vinstri grænum í kjördæminu fá sendan kynningarbækling með frambjóðendunum auk kjörseðils sem þarf að póstleggja í síðasta lagi 10. mars næstkomandi. Þau sem gáfu kost á sér eru:

Arnar Snæberg Jónsson, Hólmavík

Ársæll Guðmundsson, Borgarnesi

Ásmundur Einar Daðason, Búðardal

Bjarki Már Sveinsson, Reykjavík

Björg Gunnarsdóttir, Borgarnesi

Eva Sigurbjörnsdóttir, Djúpavík.

Grímur Atlason, Búðardal

Halldóra Lóa Þorvaldsdóttir, Reykholti

Hjördís Garðarsdóttir, Akranesi

Ingibjörg Gestsdóttir, Akranesi

Jón Bjarnason, Blönduósi

Jóna Benediktsdóttir, Ísafirði

Katla Kjartansdóttir, Hólmavík

Lilja Rafney Magnúsdóttir, Suðureyri

Lárus Ástmar Hannesson, Stykkishólmi

Matthías Sævar Lýðsson, Hólmavík

Ólafur Sveinn Jóhannesson, Tálknafirði

Páll Rúnar Heinesen Pálsson, Sauðárkróki

Ragnar Frank Kristjánsson, Borgarnesi

Sigurður Ingvi Björnsson, Hvammstanga

Telma Magnúsdóttir, Blönduósi

Viðar Guðmundsson, Hólmavík

Vefurinn vill minna á miðasöluna á Árshátíð Félags Árneshreppsbúa í dag. 

Árshátíð félagsins verður haldin laugardaginn 7.mars í Kiwanissalnum Engjateigi 11.

Húsið opnar kl 19.00 með fordrykk.Borðhald hefst stundvíslega kl 19.30.

Forsala miða verður laugardaginn 28 febrúar milli kl 14.00 og 16.00 í Kiwanissalnum Engjateigi 11.

Miðaverð í mat og á dansleik kr 6000,-

Miðaverð einungis á dansleik kr 2.000,-
Nánar var búið að segja frá Árshátíðinni  hér fyrr á síðunni.

Framboðsfrestur vegna prófkjörs Sjálfstæðisflokksins í Norðvesturkjördæmi rann út í gær og alls gáfu 17 frambjóðendur kost á sér. Prófkjörið fer fram þann 21. mars næstkomandi.

Eftirtaldir hafa gefið kost á sér:

Ásbjörn Óttarsson, Snæfellsbæ
Bergþór Ólason, Akranesi
Birna Lárusdóttir, Ísafirði
Einar Kristinn Guðfinnsson, Bolungarvík
Eydís Aðalbjörnsdóttir, Akranesi
Eyrún Ingibjörg Sigþórsdóttir, Tálknafirði
Garðar Víðir Gunnarsson, Sauðárkróki
Gunnólfur Lárusson, Búðardal
Helgi Kr. Sigmundsson, Ísafirði
Jón Magnússon, Skagafirði
Júlíus Guðni Antonsson, V- Húnavatnssýslu
Karvel L. Karvels, Borgarbyggð
Sigurður Örn Ágústsson, A-Húnavatnssýslu
Skarphéðinn Magnússon, Akranesi
Þórdís Kolbrún Reykfjörð Gylfadóttir, Akranesi
Þórður Guðjónsson, Akranesi
Örvar Már Marteinsson, Snæfellsbæ

Fréttatilkynning.
Arnar Snæberg Jónsson á Hólmavík hefur ákveðið að gefa kost á sér í 3.-4. sæti í forvali Vinstri grænna. Arnar er framkvæmdastjóri Sauðfjárseturs á Ströndum og stundar nám í tómstunda- og félagsmálafræði í HÍ. Arnar telur endurnýjunar þörf í íslenskum stjórnmálum: "Ég hef verið félagi í Vinstri grænum í nokkur ár, en hef annars ekki tekið þátt í pólitísku starfi. Einmitt nú er þörf á venjulegu fólki á þing, fólki sem hefur ekki stefnt að því í mörg ár að verða atvinnustjórnmálamenn. Fólki sem kemur með opinn huga til lausnar á þeim vandamálum sem íslenskt samfélag stendur frammi fyrir, bæði hvað varðar efnahagsmál og upprætingu á siðspillingu stjórnmála- og embættismanna."
Meira

Ellefu manns hafa gefið kost á sér í prófkjör Samfylkingarinnar í Norðvesturkjördæmi fyrir Alþingiskosningarnar vorið 2009. Prófkjörið verður rafrænt og hefst á hádegi föstudaginn 6. mars og líkur kl. 16 sunnudaginn 8. mars.  Vonast er til að niðurstöður prófkjörsins liggi fyrir um kl. 18 sama dag.

Rétt til þátttöku í prófkjörinu hafa allir félagar í Samfylkingunni í Norðvesturkjördæmi sem eru kjörgengir í kjördæminu. Við röðun á lista verður parað í 6 efstu sætin, þannig að ávallt verði karl og kona í hverjum tveimur sætum, raðað eftir atkvæðamagni í prófkjöri.

Frambjóðendum er óheimilt að auglýsa í ljósvaka- , prent- og vefmiðlum. Allar nánari upplýsingar verður að finna á www.xsnv.blog.is  og í  kynningarriti sem dreift verður í öll hús í kjördæminu.
Meira

Gistinóttum árið 2008 fjölgaði í flestum landshlutum árið 2008. Þetta kemur fram í nýútgefinni skýrslu Hagstofunnar þar sem rýnt er í gistináttatölur í ferðaþjónustu á Íslandi. Aukningin var langmest á Vestfjörðum eða 16,4%. Aðrir landshlutar voru með fækkun um tæp 3% upp í aukningu um tæp 8%. Gistinóttum hlutfallslega mest milli ára á Vestfjörðum eða um 11,8%. Hlutallslega meiri aukning var í gistinóttum á hótelum og gistiheimilum á Vestfjörðum en fækkun var um að ræða í gistinóttum á tjaldsvæðum sem nam 2% á milli ára. Þetta kemur fram í gistináttaskýrslu sem Hagstofan gaf út í dag. Skýrsluna er hægt að nálgast í heild með því að smella hér.

Þá er búið að fljúga á Gjögur í dag og fór Flugfélagið Ernir tvær ferðir,í fyrri ferðinni komu farþegar,sumir höfðu beðið eftir fari frá því á mánudag síðan fór flugvélin aftur suður að ná í vörunar og póstinn.

Ekki var hægt að fljúga fyrr í vikunni vegna veðurs.

Síðast var flogið á Gjögur fimmtudaginn 19 febrúar.

Þannig að nú kom vikupóstur til hreppsbúa og aðrar vörur.

Nú í morgun er verið að moka frá Norðurfirði til Gjögurs.
Talsverðar þyljur eru eða skaflar á leiðinni.
Í veðurhæðinni reif mikið snjóinn af vegum þannig að sumstaðar er autt nema þar sem skjól myndast.
Einnig er verið að moka flugvöllinn á Gjögri.