Oddviti Árneshrepps hefur nú sent út auglýsingu,þar sem óskað er eftir starfskrafti (konu,manni eða hjónum) til að sjá um og reka Kaffi Norðurfjöð sem staðsett er við höfnina við Norðurfjörð með fallegu útsýni yfir fjörðinn.

Kaupfélag er þar og bensín-dísel sjalfsafgreyðslustöð frá NI á sama stað,og þaðan fer Reimar í áætlunarsiglingar á Hornsrtandir norður,nánar um þá áætlun á www.freydís.is .

Kaffi Norðurfjörður var fyrst opnaður í fyrra þann 17 júní og var þá haldið opnum út ágúst,eins er fyrirhugað á þessu væntanlega öðru starfsári 2009.

Upplýsingar gefur oddviti Árneshrepps Oddný S Þórðardóttir á skrifstofu í S-4514001 og heima í S-4514048 og í gsm-6613477,og netfang Árneshrepps er arneshreppur@simnet.is.

Auglýsingin er hér á vefnum neðst til vinstri og um leið og þið farið með músarbendilinn yfir myndina kemur upp smá upplýsingar og þegar smellt er á myndina kemur netfang hreppssins.

Nú er Iframe veðurþjónustan komin inn aftur,en hún lá niðri vegna breytinga á vef Veðurstofu Íslands síðan á laugardagskvöld.
Nú geta lesendur Litlahjalla farið inná Veðuspá hér til vinstri og skoðað veðurspá,textaspár og eða veðurathuganir fyrir Strandir og Norðurland vestra eins og áður.
Eins á þetta að vera komið inná aðra netmiðla sem eru með þessa Iframe þjónustu.

Dagskrá aðalfundar og málþingsins Börn og ferðalög sem haldið verður í tengslum við aðalfund Ferðamálasmtaka Vestfjarða er nú tilbúin. Hana er hægt að nálgast með því að smella hér. Fundurinn verður haldinn á Drangsnesi dagana 17. - 19. apríl. Aðalfundir FMSV færast á milli svæða innan Vestfjarðakjálkans og var haldinn á Reykhólum á síðasta ári. Drangsnes var fyrir valinu á Ströndum að þessu sinni vegna sérstaklega mikils dugnaðar við uppbyggingu ferðaþjónustu þar undanfarin ár. Dagskrá málþingsins er afar metnaðarfull en sex fyrirlesarar víðsvegar að fjalla um börn og ferðaþjónustu á Íslandi út frá mörgum hliðum. Ferðaþjónustuaðilar á Vestfjörðum og aðrir sem áhuga hafa fyrir uppbyggingu greinarinnar eru hvattir til að fjölmenna á fundinn og taka þátt í dagskránni og þeim viðburðum sem verða í boði á Drangsnesi yfir helgina.

Allar frekari upplýsingar fást hjá Sigurði Atlasyni í síma 897 6525 eða netfangi arnkatla2008@strandir.is
www.vestfirskferdamal.is

Umhverfisráðherra, Kolbrún Halldórsdóttir, opnaði nýja útgáfu af vef Veðurstofu Íslands í dag, á alþjóðaveðurdeginum 23. mars.

Nýja útgáfan er birtingarmynd þess að sameining Veðurstofu Íslands og Vatnamælinga Orkustofnunar er um garð gengin. Er það vel við hæfi þar sem í gær var dagur vatnsins.

Stofnunin starfar samkvæmt lögum nr. 70 frá árinu 2008 og hefur fengið nýtt merki (lógó) sem nú birtist í fyrsta sinn á vefsetri hennar. Merkið var hannað á Vinnustofu Atla Hilmarssonar.
Nánar á www.vedur.is

S.l. vika var tiltölulega óhappalítil í umdæmi lögreglunnar á Vestfjörðum, þó urðu tvö óhöpp annað á Hólmavík, þriðjudaginn 17 mars,  þar sem um var að ræða minnihátta óhapp og ein bílvelta laugardaginn 21 mars,  á Borgarhálsi í Hrútafirði, þar hafnaði bifreið út fyrir veg og valt, engin slys á fólki, en bifreiðin mikið skemmd.   Tveir voru teknir fyrir of hraðann akstur á Ísafirði og nágreni og einn tekinn fyrir ölvun við akstur á Patreksfirði um helgina.  Þá voru nokkrir ökumenn áminntir fyrir ljósanotkun og ástand.

Þriðjudaginn 17 mars var veðurútlit ekki gott fyrir Bolungarvík og var ákveðið að rýma húsnæði á reit 4, en sá reitur hefur hvað oftast verið rýmdur að undanförnu.  Þar voru rýmd 4 hús og íbúar þeirra húsa fengu að snú til síns heima aftur miðvikudaginn 18 mars.

Vegna vinnu við að uppfæra og breytinga á vef Veðurstofu Íslands liggur niðri veðurspá sem er hér til vinstri á vefnum,Iframe kerfið datt út á laugardagskvöld,en að sögn þeyrra sem vinna við upfærsluna á Veðurstofunni verður kerfið komið inn aftur á morgun vonandi.

Litlihjalli tók upp Iframe kerfið um miðjan september 2008.

Þetta kerfi er líka úti á öðrum netmiðlum sem eru með þessa þjónustu.

Farið beint inná www.vedur.is til að skoða veðurspá.

Úrslit liggja fyrir í prófkjöri Sjálfstæðisflokksins í Norðvesturkjördæmi og sigraði Ásbjörn Óttarsson, forseti bæjarstjórnar í Snæfellsbæ, í kjörinu og náði fyrsta sætinu. Einar K. Guðfinnsson þingmaður hafnaði í öðru sæti og Eyrún Ingibjörg Sigþórsdóttir bæjarstjóri á Tálknafirði varð þriðja. Birna Lárusdóttir forseti bæjarstjórnar á Ísafirði hafnaði í fjórða sæti. 

Ásbjörn er forseti bæjarstjórnar Snæfellsbæjar. Hann er 46 ára, uppalinn á Hellissandi og búsettur á Rifi. Hann hefur starfað við sjómennsku og útgerð og rak fiskverkun á Rifi um nokkurra ára skeið. Hann rekur útgerðarfyrirtækið Nesver ehf. ásamt Margréti G. Scheving, eiginkonu sinni.

Röð efstu manna var sem hér segir: 

1. Ásbjörn Óttarsson með 1.048 atkvæði í 1. sæti

2. Einar K. Guðfinnsson með 1.088 atkvæði í 1. - 2. sæti

3. Eyrún Ingibjörg Sigþórsdóttir með 1.045 atkvæði í 1. - 3. sæti

4. Birna Lárusdóttir með 1.193 atkvæði í 1. - 4. sæti

5. Bergþór Ólason með 1.082 atkvæði í 1. - 5. sæti

6. Sigurður Örn Ágústsson með 1.104 atkvæði í 1. - 6. sæti

Ýmislegt nýtt verður og er hægt að skoða á hinum nýuppfærða vef Veðurstofu Íslands,eins og tildæmis rennsli Hvalár í Ófeigsfirði sem línurit,þá er farið inná Vatnafar þá kemur upp kort af vatnasvæði og smellt er á viðkomandi vatnsfall eða stöð annars er hægt að smella á rennsli Hvalár hér.
Vefur Veðurstofu Íslands www.vedur.is

Kosið verður í prófkjöri Sjálfstæðisflokksins í Norðvesturkjördæmi í dag. Alls eru sautján frambjóðendur í framboði í prófkjörinu að þessu sinni og má sjá allar nánari upplýsingar á vef kjördæmisráðs Sjálfstæðisflokksins.
Úrslit verða birt hér á vefnum þegar þaug liggja fyrir.Atkvæði verða talin í Borgarnesi í fyrramálið.

Upp á síðkastið hefur borið á því að íslenskum aðilum hafi borist tölvupóstar frá erlendum aðilum sem óska eftir að ráða fólk til vinnu. Atvinnutilboð þessi eru gjarnan um að viðkomandi taki að sér að leggja til bankareikninga í sínu nafni sem hinn erlendi aðili geti millifært inn á peninga.  Viðkomandi er síðan beðinn að taka peningana út af reikningunum og senda þá áfram, til dæmis með milligöngu peningasendingafyrirtækja, til þeirra aðila sem í hlut eiga. 

 

Oft fylgja þessum tilboðum loforð um þóknun sem oft er föst prósenta af þeim fjármunum sem millifærðir eru. Tilboð þessi tengjast oftast fjársvikastarfsemi þeirra sem þau gera og hafa það að markmiði að þvætta ágóða af brotunum og koma í veg fyrir að hægt sé að rekja peningaslóðina til þeirra sem brotin frömdu. Peningaþvætti getur varðað allt að 12 ára fangelsi, sbr. 264. gr. almennra hegningarlaga.

 

Hafi einhver svarað tölvupósti með þeim hætti sem lýst er að framan þá er hann vinsamlega beðinn um að hafa samband við efnahagsbrotadeild  RLS.

 

Sjá meðfylgjandi er sýnishorn af einni tegund umræddra tölvupósta.

Meira