Ýmislegt nýtt verður og er hægt að skoða á hinum nýuppfærða vef Veðurstofu Íslands,eins og tildæmis rennsli Hvalár í Ófeigsfirði sem línurit,þá er farið inná Vatnafar þá kemur upp kort af vatnasvæði og smellt er á viðkomandi vatnsfall eða stöð annars er hægt að smella á rennsli Hvalár hér.
Vefur Veðurstofu Íslands www.vedur.is

Kosið verður í prófkjöri Sjálfstæðisflokksins í Norðvesturkjördæmi í dag. Alls eru sautján frambjóðendur í framboði í prófkjörinu að þessu sinni og má sjá allar nánari upplýsingar á vef kjördæmisráðs Sjálfstæðisflokksins.
Úrslit verða birt hér á vefnum þegar þaug liggja fyrir.Atkvæði verða talin í Borgarnesi í fyrramálið.

Upp á síðkastið hefur borið á því að íslenskum aðilum hafi borist tölvupóstar frá erlendum aðilum sem óska eftir að ráða fólk til vinnu. Atvinnutilboð þessi eru gjarnan um að viðkomandi taki að sér að leggja til bankareikninga í sínu nafni sem hinn erlendi aðili geti millifært inn á peninga.  Viðkomandi er síðan beðinn að taka peningana út af reikningunum og senda þá áfram, til dæmis með milligöngu peningasendingafyrirtækja, til þeirra aðila sem í hlut eiga. 

 

Oft fylgja þessum tilboðum loforð um þóknun sem oft er föst prósenta af þeim fjármunum sem millifærðir eru. Tilboð þessi tengjast oftast fjársvikastarfsemi þeirra sem þau gera og hafa það að markmiði að þvætta ágóða af brotunum og koma í veg fyrir að hægt sé að rekja peningaslóðina til þeirra sem brotin frömdu. Peningaþvætti getur varðað allt að 12 ára fangelsi, sbr. 264. gr. almennra hegningarlaga.

 

Hafi einhver svarað tölvupósti með þeim hætti sem lýst er að framan þá er hann vinsamlega beðinn um að hafa samband við efnahagsbrotadeild  RLS.

 

Sjá meðfylgjandi er sýnishorn af einni tegund umræddra tölvupósta.

Meira

Á vef Veðurstofu Íslands og nú Vatnamælinga kemur fram að vefurinn mun breytast um helgina.
Í kjölfar sameiningar Veðurstofunnar og Vatnamælinga verða gerðar breytingar á vefnum vedur.is nú um helgina. Veigamestu breytingarnar verða á forsíðunni, en einnig verða fjölmargar breytingar á undirsíðum. Bæði verða breytingar á kvikum síðum og textasíðum.

Efri hluta forsíðunnar verður skipt upp í fjóra hluta: veðurspá, veðurathuganir, jarðskjálfta og vatnafar. Hver hluti tekur yfir allan efri helminginn þegar hann er valinn. Segja má, að um sé að ræða fjórar forsíður.

Meginorsakir þessarar róttæku breytingar á forsíðunni eru:

• Erfitt er að bæta vatnafars-upplýsingum inn á forsíðuna við núverandi uppsetningu.
• Af öryggisástæðum verður vinda-, hita- og úrkomu-spákortum gert hærra undir höfði á forsíðunni á kostnað núverandi staðaspákorts. Á vindaspákortum er hægt að sjá hvar og hvenær stormar verða verstir. Það er oft nánast ógerlegt á staðaspákortum.
• Þessi uppsetning forsíðunnar opnar þann möguleika að bæta fleiri meginþáttum inn á forsíðuna seinna meir.

Hægt er að skoða breytingarnar á www2.vedur.is

Athugið að á þessum prófunarvef er ekki að finna nýjar fréttir og greinar. Verið er að leggja lokahönd á breytingarnar, því kann prófunarvefurinn að verða óvirkur annað veifið.
Sjá nánar á www.vedur.is

Menningarráð Vestfjarða hefur nú auglýst eftir styrkumsóknum vegna fyrri úthlutunar á árinu 2008 til menningarverkefna á Vestfjörðum. Um er að ræða styrki til afmarkaðra menningarverkefna og eru umsóknir bornar saman á samkeppnisgrundvelli, þannig að fara þurfa saman áhugaverð verkefni og góðar umsóknir til að líkur séu á að styrkur fáist.
Meira

Aðalfundur Ferðamálasamtaka Vestfjarða verður haldinn á Drangsnesi dagana 17.-19. apríl n.k. Í tengslum við aðalfundinn verður haldið málþing þar sem fjallað verður um börn og ferðalög. Einnig verður kynning á helstu nýjungum í ferðaþjónustu á Ströndum og farið verður í skemmti- og skoðunarferð um nágrenni Drangsness.
Ferðamálasamtök Vestfjarða eru samtök hagsmunaaðila í ferðaþjónustu á Vestfjörðum. Félagar í samtökunum geta verið sveitarfélög á Vestfjörðum, einstaklingar, fyrirtæki eða félög sem skilgreina sig í ferðaþjónustu. Eitt atkvæði í samtökunum tilheyrir hverjum félaga á aðalfundi. Fullgildur félagi telst sá er sótt hefur um aðild til stjórnar og hún samþykkt og fært á félagaskrá. Þá þarf árgjald yfirstandandi árs að vera greitt. Hægt er að ganga í Ferðamálasamtök Vestfjarða með því að smella hér en eingöngu fullgildir félagsmenn hafa atkvæðisrétt á aðalfundi. Aðalfundurinn og málþingið er öllum opið og það eru allir sem hafa áhuga á uppbyggingu ferðaþjónustu á Vestfjörðum hvattir til að mæta og taka þátt í dagskránni um þessa skemmtilegu helgi sem er framundan hjá Ferðamálasamtökunum. Allar nánari upplýsingar fást hjá Sigurði Atlasyni í síma 897 6525 eða netfangi arnkatla2008@strandir.is. Endanleg dagskrá fundarins og viðburðum honum tengdum verður birt fljótlega eftir næstu helgi.

Meira

Nú eru bændur að fullu við rúning á sauðfé eða hinni svonefndu snoðklippingu.

Bændur hafa rúið fé sitt sjálfir heldur en að fá aðkeypta vinnu við það.

Samkvæmt verðbæklingi frá Íslenskum búrekstrarvörum Lambeyrum í Búðardal,sem sendur var til bænda fyrir nokkru um verð fyrir snoðklippingu er verðið ef fé er lagt fyrir rúningsmann 210 kr,pr kind,og ef rúningsmaður leggur sjálfur þá á verðið að vera 350 kr,pr kind.

Þannig að ef bóndi er með 300 kindur og leggur fyrir rúningsmann þá væri verðið 63.000.00 kr og ef rúningsmaður leggur sjálfur væri kostnaður fyrir 300 kindur 105.000.00 kr.

Þannig að bændur mega reikna sér ágætiskaup við klippinguna því flestir bændur verða að leggja féið sjálfir.

Ragnheiður Edda Hafsteinsdóttir hefur verið ráðin í starf útibústjóra við útibú Kaupfélags Steingrímsfjarðar á Norðurfirði,enn umsækjendur voru tveir.

Edda eins og hún er kölluð og Guðlaugur Ágústsson maður hennar eru við búskap á Steinstúni en búa í einni af íbúðum í kaupfélagsbyggingunni,og eru þar einnig með gistingu fyrir ferðafólk á sumrin.

Edda sá um Kaffi Norðurfjörð í sumar,en það var fyrsta sumarið sem Kaffi Norðurfjörður var opinn.
Edda Hafsteinsdóttir tekur við starfinu 1 maí næstkomandi af Margréti Jónsdóttur.

Vinnuhópur sem skipuð var af iðnaðarráðherra til að meta þörf á tengingu við þriggja fasa rafmagn á landsbyggðinni hefur skilað af sér skýrslu um málið.

Í vinnuhópnum áttu sæti þau Helga Barðadóttir, iðnaðarráðuneyti, formaður, Halldór V. Magnússon, Orkubúi Vestfjarða og Pétur Þórðarson, Rarik. Með vinnuhópnum starfaði Kjartan Rolf Árnason, Rarik.

Niðurstöður skýrslunnar eru þær helstar að enn vantar töluvert upp á að fullnægt sé þörfum um aðgang að þriggja fasa rafmagni og ljóst að miðað við sama hraða endurnýjunar mun það taka allt að 20 ár að koma á þriggja fasa rafmagni um allt land. Í því sambandi er nauðsynlegt að hafa í huga að þegar rætt er um uppbyggingu á þriggja fasa dreifikerfi að sú uppbygging helst í hendur við almenna endurnýjun og uppbyggingu á dreifikerfinu og er sjaldnast um sérstakar aðgerðir að ræða sem einvörðungu snúa að því að tengja þriggja fasa rafmagn.

Nefndin telur að efni skýrslunnar geti nýst orkufyrirtækjunum við forgangsröðun sinna verkefna hvað varðar endurnýjun í dreifikerfinu. Ljóst má vera að verði fyrirtækjunum gert að hraða endurnýjun án þess að leggja þeim til sérstaka fjármuni til verksins mun það óhjákvæmilega leiða til hækkunar á raforkuverði þeirra.

Skýrsluna má lesa hér Skýrslan

Jón Bjarnason, þingmaður, sem skipaði hefur efsta sæti Vinstri grænna í Norðvesturkjördæmi frá upphafi, sigraði með yfirburðum í nýafstöðnu forvali og fékk 254 atkvæði í fyrsta sætið. Atkvæði greiddu 375 en 524 voru á kjörskrá.

Í öðru sæti varð Lilja Rafney Magnúsdóttir á Suðureyri með 124 atkvæði í 1 - 2 sæti og í þriðja sæti Ásmundur Einar Daðason, Lambeyrum í Dölum, með 165 atkvæði í 1 - 3. Halldóra Lóa Þorvaldsdóttir, Reykholti hreppti 4 sætið, Telma Magnúsdóttir Blönduósi varð í því fimmta og í sjötta sæti Grímur Atlason í Búðardal. Prófkjörið var framkvæmt með póstkosningu og eru niðurstöður birtar með fyrirvara um samþykki kjördæmisráðs.