Í dag hefur Æðarkóngur verið að synda við svonefnda Selasteina á Norðurfirði og verið að reyna að heilla kollurnar,hvernig það tekst fara engar sögur af.
Mjög saldgæft er að Æðarkóngur sjáist hér um slóðir,en hann mun vera komin frá Grænlandi.
Edda Hafsteinsdóttir húsmóðir í Norðurfirði tók þessa mynd og sendi vefnum.

Frétt af  www.bb.is
Síldarverksmiðjan endurbætt
Eigendum gömlu síldarverksmiðjunnar á Djúpavík í Árneshreppi á Ströndum hefur verið úthlutað tveimur milljónum króna til endurbóta á verksmiðjunni. Þó styrkurinn sé myndarlegur er ljóst að hann dugar vart til að gerbylta ástandi hússins sem er gríðarstórt steinhús frá fjórða áratug síðustu aldar. Alls var úthlutað ríflega 44 milljónum til endurbóta á mannvirkjum á Vestfjörðum

Mokað er í morgun frá Norðurfirði til Gjögurs,víða eru þiljur á veginum eftir hvassviðrið í gær og í nótt þótt úrkoman hafi ekki verið mikil hefur skafið mikið undanfarna daga síðan mokað var síðast.
Spáð er hita yfir frostmarki í dag en frammtíðarspáin hljóðar upp á Norðausanáttir áfram með frosti og éljum út vikuna.

Rafmagn kom aftur á hér í Árneshreppi rétt upp úr kl 07:30 og hefur viðgerð því tekið ótrúlega stuttan tíma.

Rafmagnslaust er nú fyrir norðan Hólmavík og þar á meðal í Árneshreppi.En dísélvél er keyrð á Drangsnesi.
Að sögn vakthafandi starfsmanns Orkubús Vestfjarða á Hólmavík er nú vitað um bilunina sem er við svonefnd Fellabök innan við Ós í Steingrímsfirði.Er nú unnið að viðgerð og ætti rafmagn að komast á með morgninum.
Einnig voru truflanir á rafmagni í gær frá kl 16:45 og fram undir 17:40 þá sló út lína norður hvað eftir annað.

Óvæntur sauðburður varð að Finnbogastöðum hjá Guðmundi bónda Þorsteinssyni,þegar ærin Adda bar tveim hvítum gimbrarlömbum þann 25 þriðjudag.,eins og Guðmundur sagði sjálfur við fréttaritara bar Adda fyrra lambinu fyrir kvöldmat en seinna lambinu eftir Kastljós í Ríkissjónvarpinu.
Hvenær ærin hefði komist í hrút vissi Guðmundur ekki.
Hefðbundin sauðburður hefst um miðjan maí.

Nú er verið að moka hér innansveitar í Árneshreppi,Norðufjörður-Gjögur talsvert snjóaði frá kvöldi 25 í Norðanátt og síðan Norðaustanátt og fram á morgun þann 26 og talsverður skafrenningur.
Spáð er austlægum áttum kalda eða stinníngskalda áfram og vægu frosti.

Flugfélagið Ernir komu tvær ferðir á Gjögur í dag,fólk var að fara úr páskafríi.
Einngir var vegurin opnaður norður,og landleiðina suður fóru nokkrir bílar.
Þannig að mikið útfjar var úr hreppnum í dag.

Páskabingó var haldið í dag í félagsheimilinu Árnesi á vegum foreldrafélags grunnskólans á Finnbogastöðum.
Ágætsvinningar voru í boði.

Í gær var Vorjafndægur,eins lengi dimmt og jafnlengi bjart.
Ingibjörg Jónsdóttir landfræðingur hjá Jarðvísindastofnun Háskólans sendi þessa frábæru gervitunglamynd af Vestfjarðakjálkanum og minni mynd inní af landinu.