Flugfélagið Ernir fljúga ekki á Gjögur í dag þótt viðri vel til flugs,vegna þess að flugvél hjá þeim er í skoðun.
Athugað verður á morgun,enn ekkert hefur verið flogið á Gjögur síðan á mánudaginn 4 og ekki var hægt að fljúga vegna veðurs í gær og fyrradag.

Simasambandslaust var alveg hér í Árneshreppi í tæpa þrjá tíma,frá því rúmlega 09:00 í morgun og framundir tólf á hádegi.
Allir símar duttu út,heimilissímar,ISDN samband(netsamband)og NMT farsímar líka,einnig sjónvarp og FM rás RÚV.
Að sögn tæknideildar hjá Símanum var unnið að viðgerð á Hnjúkum eftir óveður,enn þaðan er endurvarpið í Árneshrepp,og töldu sig ekki þurfa að auglýsa eða láta vita af þessari símaröskun í þetta stuttan tíma.
Enn það finnst mönnum skrítið að taka NMT af líka,að hafa ekki eitt kerfi í lagi ef eitthvað kæmi upp á,slys eða annað sem gæti skipt dauða eða lífi að ná sambandi við læknl sem dæmi.

Þá er búið að aflýsa flugi til Gjögurs í dag.
Sunnan stormur eða rok er nú.

Flugi hefur nú verið aflýst á Gjögur í dag.
Vitlaust veður er SSV og SV 19 til 23 m/s í jafnavind og dimm él og mikill skafrenningur,skyggni oft minna enn hundrað metrar.

Í fallega veðrinu í gær stóðt undirritaður ekki að taka mynd af Drangajökli.
Drangajökull er í um 38 km fjarðlægð í sjónlínu frá Litlu-Ávík.
Myndin er tekin frá Litlu-Ávík séð til Norðurfjarðar yfir eyðið og til Drangajökuls.
Hrolleifsborg ofantil fyrir miðri mynd og Hljóðabúnga til vinstri.

Eftir að STRANDIR.ÍS kom með fréttina um að Vodafone hefði sett upp langdrægan sendi á Steinnýjarstaðafjalli ofan við Skagaströnd,hafa nokkrir hér í sveit verið að prufa hvar næðist símasamband.
Þar á meðal Oddný Þórðardóttir oddviti Árneshrepps á Krossnesi,enn hún er með GSM síma frá Vodafone ,það er gott samband á Krossnesi og við sundlaugina og þá örugglega á eiðibýlinu Felli.
Að sögn Oddnýjar næst ekkert samband við Kaupfélagið hné í Norðurfirðinum,bara rétt innfyrir svonefnt leyti.
Í gær voru flugmennirnir sem voru lengi á Gjögurflugvelli vegna bilunarinnar á flugvélinni,með GSM síma annar var með síma frá Símanum sá sími var dauður,enn hinn flugmaðurinn var með síma frá Vodafone og á þeim síma var fullur stirkur enda talaði hann oft suður.
Þá er örugglega gott samband niðrá Gjögri og innfyrir Kjörvog og norður í Hyrnu við svonefnt Reyðholt(þar sem símaskúrinn er).
Þá er sambandslaust þar sem byggð er svo sem í Ávíkunum,og í Trékyllisvík ekki vitað með Mela og Norðurfjarðabæirnir eru úti eins og áður hefur komið fram og Djúpavík örugglega sambandslaust með GSM,enn ekkert hefur verið athugað inn með Reykjarfirði og lengra inneftir.
Undirritaður er með GSM síma frá Símanum og hefur ekkert getað prufað því ekki kann maður við að hringja í neyðarlínuna til að prufa,enn allir símar eiga geta náð í hana.

Þegar flugvél Flugfélagsins Ernis var í lendingu á Gjögurflugvelli rétt fyrir kl 14:00 í dag sprakk á nefhjóli vélarinnar TF-ORD.Að sögn eina farþegans sem var með vélinni,að lendingin hefði verið mjúk enn skyldi ekkert í því hvað flugmennirnir stoppuðu vélina fljótt.
Að sögn flugmanna var aldrei nein hætta á ferðum,þetta er bara það sem getur alltaf skeð sagði annar flugmanna.
Losaðar voru vörur úr nefgeymslum vélarinnar og vélin síðan dregin upp á flughlað.
Önnur vél frá Ernum kom um 16:25 með tvo flugvirkja til að skipta um nefhjólið.
TF-ORD er af gerðinni Cessna 406 Caravan II 9 farþega.
Vélin var í áætlunarflugi til Gjögurs í dag.

Unirrituðum bárust gamlar svarthvítar hafísmyndir frá Margréti Jónsdóttur Bergistanga í Norðurfirði.
Allar myndirnar eru teknar í Norðurfirði og bryggjuna og er verið að flytja vörur í land úr Strandferðaskipinu Herðubreið á Bringingabát mikill ís er þarna á Norðurfirðinum þegar skipið hefur komið.
Myndirnar eru sennilega teknar í febrúar eða í mars 1965 enn mánuðurin júní og ártalið 1965 sem er á myndunum er framköllunardagurin.
Undirritaður skannaði myndirnar svo hægt væri að setja þær í tölfutækt form.
Allar myndirnar sex eru komnar í Myndaalbúm undir Hafísmyndir frá 1965 hér á síðunni til hægri.Munið að fara með músina yfir myndina til að sjá smá texta með myndunum.
Enn hér koma tvær myndir með.

Veðrið í janúar 2008.
Yfirlit yfir veðrið frá veðurstöðinni í Litlu-Ávík.
Mánuðurinn var kaldur enn snjóléttur.
Vindur náði 12 vindstigum 40 og 42 m/s eða meira í kviðum í ofsaveðrinu 27.
Dálítill frostakafli var frá 13 og út mánuðin nema 22 og 27 þá var smá bloti.

Samdráttur dagar vikur.
1-4:Sunnan og Suðaustan,allhvass þann 1 síðan kaldi og stinníngsgola,rigning,slydda,él,hiti 1 til 9 stig.
5:Austan stinníngskaldi,rigning,hiti 2 til 4 stig.
6-7:Suðvestan gola eða kaldi,rigning síðan slydda og él þann 7,hiti 1 til 3 stig.
8-11:Norðaustan stinníngsgola eða kaldi,él eða slydda,þurrt þann 10,hiti 0 til 3 stig.
12-16:Austan andvari eða gola enn kaldi þann 15,þurrt þann 14,smá él enn smávegis snjókoma þann 16,frost 0 niðrí 5 stig.
17:Sunnan stinníngsgola eða kaldi,úrkomulaust,hiti frá 3 stigum niðrí 2 stiga frost.
18:Breytileg vindátt með golu í fyrstu síðan Norðaustan stinníngskaldi og norðvestan allhvass um tíma um kvöldið snjókoma,frost 2 til 5 stig.
19-20:Suðvestan og Norðvestan seinni dagin,stinníngsgola,smá él,frost frá 1 stigi til 5 stig.
21:Austlæg vindátt,gola,þurrt,frost 0 til 2 stig.
22:Austan í fyrstu kaldi síðan Suðvestan og allhvass um tíma,smá rigning síðan él,hiti 2 til 5 stig.
23-26:Suðvestan og Sunnan mest kaldi,él,frost 1 til 4 stig.
27:Austan í fyrstu með allhvössum vindi,síðan snérist í sunnan og suðvestan,þá með ofsaveðri fram á nótt,snjókoma í fyrstu síðan rigning og skúrir og él eftir miðnætti.Frost í fyrstu síðan hlýnaði ört hiti fór í 6,6 stig
28-30:Suðvestan og Vestan stinníngsgola eða kaldi,smá él,frost 2 til 6 stig.Snérist í Norðan og Norðaustan með snjókomu um kvöldið þann 30.
31:Norðan hvassviðri eða allhvass með mjög dimmum éljum,frost 4 til 8 stig.
Úrkoman mældist 55,9 mm.
Úrkomulausir dagar voru 3.
Mestur hiti var þann 3 þá 8,6 stig.
Mest frost var þann 31 þá 8,4 stig.
Jörð var talin alhvít í 16 daga.
Jörð var talin flekkótt í 8 daga
Auð jörð því í 7 daga.
Mesta snjódýpt mældist dagana 20 og 21= 16 sm báða dagana.
Sjóveður:Oft slæmt í sjóin þótt veðuhæð hafi oftast ekki verið mikil.
Tekið saman af Jóni G Guðjónssyni veðurathugunarmanni í Litlu-Ávík.

Nú er Vegagerðin að moka norður frá Bjarnarfirði og norður í Árneshrepp samkvæmt vef Vegagreðarinnar.
Talsverður éljagangur er ennþá eins og í gær.
Vindur er N eða NNV 9 til 11 m/s frost 8 til 9 stig.