Stjórn Félags Árneshreppsbúa í Reykjavík vill minna á árshátíðina annað kvöld í Bræðraminni,Kiwanissalnum Engjateigi 11,Reykjavík.
Húsið opnar kl 19,00 og borðhald hefst stundvíslega kl 19,30.
Sjá auglýsingu hér neðar á vefnum.

Verbúð breytt í kaffihús.
Sveitarfélagið Árneshreppur er nú að láta breyta verbúð í kaffihús og matsölustað á Norðurfirði.
Í húsinu verður sem áður aðstaða útibús Sparisjóðs Strandamanna á Norðurfirði sem er í öðrum enda hússins og breytist ekki.
Eins verður áfram aðstaða fyrir lækni með eitt herbergi þegar hann kemur í vitjanir.
Einnig verða tvö herbergi fyrir sjómenn eða aðra útleigu,með aðstöðu til eldunar og setustofu,en sú aðstaða minkar verulega enda hafa sjómönnum fækkað verulega undanfarin ár sem landa á Norðurfirði og leigja þar herbergi.
Hinn nýi veitingasalur snír að höfninni eða til sjávar og verður fallegt útsýni þaðan,salurin á að taka 40 manns í sæti,þar verður mjög góð eldunaraðstaða,stórt og mikið eldhús með öllum nútíma þægindum,ásamt snyrtingum og fleyru.
Að sögn Oddnýar S Þórðardóttur oddvita hreppssins verður stefnt að því að opna kaffstofuna í júní næstkomandi og einnig verður auglýst fljótlega eftir reksraraðilum til að reka kaffihúsið á sumrin og eftir þörfum utan háannatíma.Ekki er komið ákveðið nafn á kaffihúsið en margir eru farnir að kalla það Kaffihús Norðurfjarðar.
Nú undanfarið hafa iðnaðarmenn verið að vinna á fullu við breytingarnar á verbúðinni,enn yfirsmiður er Páll Pálson sem ættaður er héðan úr sveit.

Í gærkvöld hélt Sauðfjárræktarfélagið Von Góublót í félagsheimilinu í Árnesi Trékyllisvík.Halda átti Góufagnaðin á laugardagin en var ekki hægt vegna veðurs.
Allir mættu úr hreppnum sem voru heima í sveitinni og nokkrir aðkomugestir og voru um 40 manns.
Þorramatur var á borðum og var honum gerð góð skil.
Margt var gert til skemmtunar svo sem fjöldasöngur,karlar síndu tískufatnað og ýmislegt annað gert til skemmtunar.
Hér á eftir koma nokkrar myndir frá Góublótinu sem skíra sig sjálfar.

Snjódýpt í morgun skiptist flott á milli landshluta.
Mesta snjódýpt í morgun var á Stórhöfða 50 cm,en þar var bullandi snjókoma í morgun,og næst mest í Litlu-Ávík 47 cm.
Á suðurlandi er og hefur verið mikil snjódýpt að undanförnu enn talsvert meiri á Vestfjörðum.

Ekkert verður af Góugleði sem halda átti í félagsheimilinu Árnesi hér í Árneshreppi í kvöld vegna veðurs.
Fyrst átti að halda þorrblót snemma í febrúar,en vegna framkvæmda í félagsheimilinu var því alltaf seinkað.
Síðan átti að halda góumót í kvöld en gífurleg snjókoma í gær og í nótt og skafrenningur í dag ullu því að útilokað er að byrja mokstur og halda vegum opnum fram á nótt innansveitar,þótt veður sé byrjað að ganga niður.
Athugað verður hvort verði hægt að halda hátíðina annað kvöld.

Veðrið í Febrúar 2008.

Yfirlit yfir veðrið frá veðurstöðinni í Litlu-Ávík.
Yfirleitt var talsvert frost í mánuðinum en frá 14 til 19 gerði vetrarblota og gerði talsverð hlýindi þessa daga.
Rok eða stormur var þessa daga 8-10 og 12.
Vindur náði 12 vindstigum þann 10, í kviðum.

Yfirlit dagar vikur.
1:Norðvestan kaldi él frost 7 niðrí 9 stig.
2-4:Norðan og Norðaustan stinníngskaldi,él snjókoma um kvöldið þann 4,frost frá 8 stig upp í 0 stig.
5-6:Suðvestan stinníngsgola eða kaldi,smá él og skafrenningur,frost frá 0 niðrí 4 stig.
7:Austlægur gola í fyrstu með snjókomu,síðan Suðvestan hvassviðri eða stormur með dimmum éljum og miklum skafrenningi,frost 0 og niðrí 4 stig.
8:Sunnan og Suðaustan stormur eða rok,fyrst með éljum og síðan rigningu,frost í fyrstu enn síðan hita upp í 5 stig.
9:Sunnan og Suðvestan,allhvass í fyrstu síðan kaldi,snjóél,hiti frá 2 stigum og niðrí 3 stiga frost.
10:Suðvestan stormur eða rok,vindhraði yfir 12 vindstig í kviðum,mjög dimm él og skafrenningur,hiti 1 til 2 stig .
11:Suðvestan,kaldi í fyrstu enn allhvast og hvassviðri um kvöldið,dimm él og skafrenningur,hiti 2 stig niðrí 3 stiga frost.
12:Suðvestan stormur fram yfir hádegi síðan kaldi,dimm él og skafrenningur,frost frá 2 stigum niðrí 5 stig.
13:Breytileg vindátt,gola jafnvel logn,smá snjókoma og slydda um kvöldið hiti um 0 stigið.
14-19:Suðvestan eða suðlægar vindáttir oftast kaldi enn allhvass um tíma 18 og 19,rigning eða skúrir,hiti 2 upp í 9 stig.Snarkólnaði seinnipart 19.
20:Suðvestan síðan Norðvestan,stinníngskaldi,él síðan snjókoma,frost 0 til 2 stig.
21-24:Mest Suðvestlægar áttir,andvari upp í stinníngsgolu,él,frost frá 2 stigum niðrí 8 stig.
25-27:Norðaustan stinníngskaldi eða allhvass,snjókoma eða él,frost 1 til 3 stig.
28:Austan kaldi í fyrstu og snjókoma,síðan kul og bjartviðri,frost 3 til 7 stig.
29:Austan og Norðaustan kaldi síðan allhvass,él og skafrenningur,síðan Norðan hvassviðri og mikil snjókoma um kvöldið og nóttina,frost 1 til 7 stig.
Úrkoman mældist 69,8 mm.
Úrkomulausir dagar voru 2.
Mestur hiti var þann 19 þá 9,8 stig.
Mest frost var þann 1 þá -9,0 stig.
Jörð var talin alhvít í 23 daga.
Jörð var talin flekkótt í 6 daga.
Auð jörð því í 0 daga.
Mesta snjódýpt mældist dagana 8 og 28 og 29 þá 35 cm.
Sjóveður: Ekkert sjóveður 1 til 12,en sæmilegt frá 13 til 24,slæmt í sjóin 25 til 27,sæmilegt 28 og ekkert sjóveður 29 hlaupársdag.
Tekið saman af Jóni G Guðjónssyni veðurathugunarmanni í Litlu-Ávík.

Ríkisútvarpið hefur nú aukið fréttaþjónustu sína á Ströndum og tæknivætt fréttaritara sinn á Hólmavík Kristínu Sigurrósu Einarsdóttur með svokölluðu nagra-upptökutæki sem nýtist við viðtöl á vettfangi.Fréttirnar eru síðan klipptar á staðnum og sendar vestur á Ísafjörð eða suður til Reykjavíkur eftir því sem við á.
Þessi tæknivæðing er mikil breyting til bóta,og munar miklu að geta farið út á vettvang og tekið viðtöl,í stað þeirra vikulega pistla sem hafa verið aðalfréttaefnið frá Ströndum síðan fréttaritari tók til starfa í júní í fyrra.
Ekki spillir að öll svona verkefni eru atvinnuskapandi á svæðinu.
Efnið er síðan klippt í tölvu og sent inn á ftp server Ríkisúpvarpssins.
Kristín Sigurrós Einarsdóttir gefur einnig út eina prentaða fréttamiðil á Ströndum Gagnveg sem stofnað var 24 ágúst 2007.
Þessi frétt er úr blaði Kristínar Gagnvegi 9 tbl 2 árg.28 febrúar 2007.

Nú stendur yfir mokstur Norðurfjörður-Gjögur og opnað er líka frá Bjarnarfirði til Gjögurs.
Talsvert hefur snjóað undanfarna daga.

Árshátíð 2008

Árshátíð félagsins verður haldin laugardaginn 8.mars í Kiwanissalnum Engjateigi 11.
Húsið opnar kl.19.00 með fordrykk.
Borðhald hefst kl. 19.30.

Forsala miða verður laugardaginn 1.mars milli kl. 14.00 og 16.00 í Kiwanissalnum.
Miðaverð í mat og dansleik: 5.500.-
Miðaverð á dansleik eingöngu: 2.000.-

Matseðill:
Aðalréttur: Stórsteikarhlaðborð með öllu tilheyrandi.
Eftirréttur: Meistarapönnukaka ásamt heimatilbúnum ískúlum.

Veislustjóri:
Okkar ástsæli Guðbrandur Torfason.

Skemmtiatriði:
Ragnar Bjarnason og Þorgeir Ástvaldsson skemmta matargestum. Hljómsveit hússins leikur fyrir dansi að borðhaldi loknu.

Allar nánari upplýsingar hjá Sigríði Höllu Lýðsdóttur í síma: 5554997 og 8643785 og hjá Kristmundi Kristmundssyni í síma 5650709 og 8982441.

Landhelgisgæsla Íslands var í ískönnunarflugi í dag.
Nú eru þeyr hjá LHÍ búnir að vinna úr gögnum eða mælingum úr fluginu og setja á kort.
Nú er lítil hætta á að hafís teppi siglingar fyrir Horn.
Ísin sem var á Húnaflóasvæðinu virðist hafa brotnað niður og annan ís rekið vestur fyrir Horn.
Á meðfylgjandi mynd sést þetta mjög vel.
Ísröndin var næst landi 26 sjómílur NNV frá Kögri og 29 sjómílur NV frá Straumnesi.