Fæðingarhátíð Jesú Krísts, jólin, eru haldin 25. desember. Undirbúningur hátíðahaldsins er aðventan eða jólafastan og lokadagur hennar, 24. desember, og nefnist hjá okkur aðfangadagur jóla. Nafnið er gagnsætt. Þá skal undirbúningi lokið og aðföng öll komin til hátíðahaldsins. Helgin hefst síðan um miðjan aftan eða kl. 18.00. Þá er orðið heilagt og í hönd fer jólanóttin. Góðir lesendur
Flugfélagið Ernir flugu póstflug á Gjögur í hádeginu í dag. Þá er allur jólapóstur komin sem getur komið fyrir jól því þetta var síðasta flug fyrir jól. Næsta flug verður föstudaginn 28. Þokuloft hefur verið í gær og í morgun og gat því brugðist til beggja vona með flug í dag. Enn svo létti þokunni fyrir hádegið, en nú um þrjú er þokuloftið að síga niður aftur. Síðan
Það er búið að vera frábært veður svona í heild sem af er desember, veðurhæð mest á rólegu nótunum, þótt aðeins hafi blásið af ýmsum áttum hluta úr dögum. Mest hafa verið austlægar vindáttir eða suðlægar, og jafnvel breytilegar vindáttir. Alhvít jörð var fyrstu sex daga mánaðarins, enn það snjóaði talsvert um síðustu mánaðamót og fór snjódýpt í 20 cm, en frá sjöunda var flekkótt jörð, en í morgun gaf veðurathuganmaður í Litlu-Ávík upp auða jörð í veðurskeyti, rétt aðeins smávegis snjór í djúpum lautum. Það er jafnvel ótrúlegt að sjá veginn héðan úr Árneshreppi gefin upp auðan á þessum ártíma. (Sjá vef Vegagerðarinnar.)
Fólk er alltaf að pæla í hvort verði hvít eða rauð jól og veðurfræðingar og jafnvel veðureftirlitsmenn einnig mikið spurðir um það. En fólk pælir lítið í því hvaða dag eða tíma er miðað við. Á
Varðar stöðu byggðar í Árneshreppi og þjónustu við íbúana
Íbúar Árneshrepps hafa um árabil búið við skerta þjónustu á vegum á veturna. Íbúum hefur fækkað mjög síðustu ár og má ekki síst rekja það til þeirrar staðreyndar að ungt fólk sættir sig ekki við þá algeru innilokun sem verulega skert vetrarþjónusta hefur í för með sér á tímabilinu janúar – mars ár hvert. Íbúar bundu um skeið miklar vonir við aðgerðir sbr. ályktun þingsins nr. 35/128, þann 15. mars 2003 „um aðgerðir til verndunar búsetu og menningarlandslags í Árneshreppi“[1] en því miður varð lítið sem ekkert úr efndum á grundvelli hennar.
Unnið hefur verið að verkefninu Áfram Árneshreppur sem lið í verkefnum Byggðastofnunar og samstarfsaðila, Brothættum byggðum frá árinu 2017. Mörg markmið í verkefnisáætlun snúa að samstarfi og framtaki heimamanna en þau verkefni sem hvað brýnust eru fyrir viðgang byggðarinnar eru þó stóru innviðaverkefnin sem eru á valdi ríkis og stofnana þess. Það þolir að mati verkefnisstjórnar enga bið að þessi markmið verkefnisins hljóti athygli og stuðning ríkisins. Nú er svo komið að íbúarnir óttast að byggð leggist af verði ekkert að gert. Þar með væru varanlega glötuð mikil verðmæti sem felast í menningu og mannlífi í þessu sérstæða og afar fallega byggðarlagi.
Verslun í Norðurfirði var lokað síðsumars og verslunarrekendur fluttu úr byggðarlaginu. Ekki þarf að orðlengja að þessi staða er illþolandi fyrir íbúana og fyrirsjáanlegt er að enga vöru verður að hafa nema með því að panta sendingar með flugi. Verðlagning á flugsendingum er með þeim hætti að ekki verður við unað. Í gær, 13. desember 2018 var tilkynnt að verslun í Norðurfirði hlyti 2,4 mkr styrk árlega í þrjú ár og kann verkefnisstjórnin ráðuneytinu bestu þakkir fyrir þann styrk.
Hér með fer verkefnisstjórn verkefnisins Áfram Árneshreppur þess á leit við ríkisstjórn að eftirfarandi tillögur fái þegar framgang fyrir atbeina ríkisstjórnar:
Samgöngu- og sveitarstjórnarráðherra hefur staðfest tillögur valnefndar um verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni var 10 milljónum króna úthlutað til að efla verslun í strjálbýli fyrir árið 2018 en alls voru gefin fyrirheit um styrki að upphæð 25,7 milljónum króna á árunum 2018-2021. Samningar vegna styrkjanna verða undirritaðir á næstunni.
Markmið með framlögunum er að styðja verslun í skilgreindu strjálbýli fjarri stórum þjónustukjörnum, þar sem verslun hefur átt erfitt uppdráttar. Framlögin koma m.a. til með að bæta rekstur verslana og skjóta frekari stoðum undir hann, m.a. með samspili við aðra þjónustu, breyttri uppsetningu í verslunum og bættri aðkomu.
Þriggja manna valnefnd fór yfir umsóknirnar og gerði tillögur til ráðherra. Valnefnd bárust tuttugu umsóknir vegna framlaga til verslunar í strjálbýli. Sótt var um samtals kr. 65.286.756,- fyrir árið 2018 en samtals var sótt um kr. 202.245.756,- fyrir tímabilið 2018-2022.
Orkubúið vill með styrkjunum sýna stuðning í verki við þá aðila og félög sem sinna ýmsum samfélagsmálum á Vestfjörðum. Þar getur verið um að ræða ýmiskonar starfsemi eða félagasamtök, s.s. björgunarsveitir, íþrótta- og æskulýðsstarf, menningarstarfsemi og listir eða einhver önnur áhugaverð verkefni sem skipta máli fyrir vestfirskt samfélag.
Rétt er að minna á að leitast verður við að styrkja verkefni vítt og breitt um Vestfirði.
Verkefnin þurfa að uppfylla þau skilyrði að þau séu til eflingar vestfirsku samfélagi,
Yfirlit yfir veðrið frá veðurstöðinni í Litlu-Ávík.
Fyrstu fjóra daga mánaðar voru norðlægar vindáttir með slyddu, frostrigningu og síðan éljum. Þann 5 var hæg breytileg vindátt, með éljum. Þann 6 og 7 var norðaustan hvassviðri, og hlýnaði í veðri. Síðan 8 og 9 voru breytilegar vindáttir og hægviðri. Þá gerði norðaustan 10 til 16 með kólnandi veðri, með rigningu og síðan slyddu. Þann 17 og 18 voru suðlægar vindáttir með hlýju veðri sérstaklega um morguninn þann 17. þegar hiti fór í 15 stig. Frá 19 til 26 var hægviðri með lítilsáttar úrkomu með köflum, en svölu veðri. Þá gekk í norðaustanátt þann 27 og var NA út mánuðinn með hvassviðri og snjókomu.
Úrkomusamt var fyrri hluta mánaðar eða framyfir miðjan mánuð.
Mæligögn:
Aðventuhátíð Kórs Átthagafélags Strandamanna verður sunnudaginn 9. desember í Bústaðakirkju klukkan 16:00. Stjórnandi er Ágota Joó. Einsöngur: Snorri Snorrason. Píanó: Vilberg Viggósson. Hugvekju flytur Marta Ragnarsdóttir. Miðaverð við innganginn er 4.500 kr. fyrir fullorðna, frítt er fyrir börn hátíðargesta, 14 ára og yngri. Kaffihlaðborð er innifalið. Miðaverð í forsölu er 3.500 kr. Forsölu lýkur föstudaginn 7. desember.
Það var virkilega gaman að koma út í morgun klukkan níu að lesa af hitamælum segir „Jón Guðbjörn veðurathugunarmaður í Litlu-Ávík, því hitinn var13,9 stig og hámarkshitinn hafði farið í 15,0 stig með morgninum. Jón segir þetta óvenjulegt í nóvembermánuði og þetta hafi varla gerst betra í sumar síðastliðið“. Þessi hiti bætir liðan manna og heilsu örugglega. Vindur er fremur hægur hér á Ströndum eins og er en
Jón Guðbjörn Guðjónsson í Litlu-Ávík hefur nú um síðustu mánaðamót tekið við öllum pósti í Árneshreppi, það er bréfhirðingu og að dreifa pósti á bæina og sér um póststöðina á Norðurfirði fyrir Íslandslandspóst ohf. Jón hætti akkurat fyrir ári síðan og Ólafur Valsson tók við póstinum þegar hann opnaði verslunina á Norðurfirði. Hann tolldi ekkert við það frekar en að vera í versluninni. Eva Sigurbjörnsdóttir oddviti var með póstinn í sumar en getur ekki verið lengur enda nóg að gera á skrifstofu hreppsins. Íslandspóstur hafði
