Litlu-Jólin voru haldin í félagsheimilinu í Árnesi í kvöld.Kvennfélag Árneshrepps og Árneshreppur ásamt Finnbogastaðaskóla buðu hreppsbúum upp á jólahlaðborð.Nemendur skólans sáu um skemmtatriði,skólastjóri las Jólasögu.
Siðan var gengið í kringum jólatréið og þá komu jólasveinar í heimsókn.Að síðustu var farið í ýmsa leiki.

Flug á Gjögur var á áætlun í dag og á mánudaginn var.Nú er að aukast vöruflutningar með fluginu enn lítið ber ennþá á auknum pósti enn sem komið er enn jólapóstur farin að sjást.Búið er að setja jólaljós á flugstöðina á Gjögri fyrir nokkru og er nú fallegt að koma á flugvöllin og líka þegar kveikt er á brautarljósum.

Strandafrægt á Hólmavík sendi í dag tvo flutningabíla til að sækja vetrarullina til bænda hér í Árneshreppi.Kristján og Jósteinn Guðmundssynir komu á bílunum og sóttu ullina, ullin fer í Ullarmóttökustöðina á Blöndósi.
Að sögn bílstjóranna þurfti ekkert að keðja á leiðinni norður.

Fyrir skömmu kom út á vegum Félags Árneshreppsbúa myndin "Fjallaferðir í Árnesheppi á Ströndum" eftir Pálma Guðmundssyni frá Bæ í Trekyllisvík í Árneshreppi. Myndin, sem 117 mínútur að lengd og fæst bæði á myndbandi og DVD, skiptist niður í fimmtán efnisþætti, flestir eru um gönguleiðir í nyrsta hreppi Stranda.
Skemmst er frá að segja að viðtökur hafa verið afar góðar en myndin er til sölu hjá umboðsmönnum félagsins viðsvegar um land. Nú þegar líða tekur að jólum og landsmenn huga að jólagjöfum er rétt að minna á að myndin er ekki einungis nauðsynleg í pakka hvers Strandamanns, hvar sem hann býr á landinu, heldur einnig sannkallaður gullmoli í safn alls útivistarfólks. Með myndinni er m.a. hægt að hefja skipulagningu holls og góðs sumarleyfis á næsta ári, í fegurð og kyrrsæld Stranda þar sem nóg er af hreinu lofti, lítt spilltri náttúru og einstöku dýralífi svo ekki sé minnst á hið góða mannlíf sem þar þrífst.
Pálmi er höfundur myndefnis og leiðangursstjóri í ferðum myndarinnar en hann þekkir hverja þúfu og hvern hól í Árneshreppi. Vandað var mjög til vinnslu myndarinnar og eru m.a. kort af öllum gönguleiðum í myndinni sem kostar einungis 3.500 krónur.
"Fjallaferðir í Árnesheppi á Ströndum" er til sölu hjá stjórnarmönnum félags Árneshreppsbúa og hjá umboðsmönnum víðsvegar um landið en þeim fjölgar stöðugt. Nýverið bættust Hárskerastofa Lýðs Lágmúla 7, Reykjavík og Kænann, veitingastaður, Óseyrarbraut 2, í Hafnarfirði í þétt riðið net umboðsmanna Félags Árneshreppsbúa.
Meira

Jón G Guðjónsson veðurathugunarmaður í Litlu-Ávík setur alltaf ljósaseríu á Möggustaur.
Hann er kallaður Möggustaur því konan hans sem lést fyrir nokkrum árum fann hann í fjörinni um 1990,þetta er svoldið sérstakur hniðjustaur með auga í endanum sem er hluti rótarinnar enn rótarendinn snýr upp,spítan var stitt um einn og hálfan meter þar sem hún var mjóst.Staurinn er á milli 9 til 10 metra hár.
Það væri gott ef Árneshreppsbúar myndu láta vita í sima 4514029 eða wwwjonvedur@simnet.is um sérstakar útiljósaskreytingar og undirritaður fengi að taka myndir og setja á heimasíðuna.

Það var flogið á Gjögur um þrjúleitið í dag,enn ekki var hægt að fljúga að sunnan í gær vegna hvassviðris.Þannig að allar vörur komu í dag og póstur.
Gífurleg hálka er á vegum hér innansveitar og innúr til Bjarnarfjarðar.

Flugi til Gjögurs var aflýst um kl 14:00 vegna hvassviðris fyrir sunnan.Athugað verður á morgun.

Þá er búið að fljúga á Gjögur í dag,enn ekki var hægt að fljúga þangað vegna þoku í gærdag.

Ekki tókst að fljúga á Gjögur vegna þoku í dag athugað verður á morgun.
Landsflug flýgur annars tvisvar í viku á mánudögum og fimmtudögum.

Aðventuhátíð kórs Átthagafélags Strandamanna verður haldin á morgun sunnudagin 4,desember í Bústaðakirkju kl 1630.
Þar mun stjórna Kriztína Szklenar söng kórsins auk þess sem barnakórinn syngur nokkur lög undir stjórn Jensínu Waage.Judith Þorbergsdóttir annast undirleik og hugvekju flytur Ingimundur Benidiktsson.
Miðaverð er 1800 kr fyrir fullorðna enn frítt fyrir börn yngri enn 14 ára.
Kaffihlaðborð er á eftir og er það innifalið í miðaverði.Hér kemur mynd af kórnum mynd Gíslína V Gunnsteinsdóttir.
Góða skemmtun.