Lestur heimasíðunnar litlihjalli.it.is var allmikil og miklu meiri enn ég átti von á.
Frá áramótum fóru 31695 inn á síðuna eða 2641 að jafnaði á mánuði.Takk fyrir lesendur góðir.

Gleðilegt Ár.
Snjómugga var frá því upp úr kl 1800 í gær og talsverð snjókoma um tíma um kvöldið,enn um miðnætti fór að draga úr ofankomu og vindur um 1 m/s og jafnvel logn sást þá norður í sveit frá Litlu-Ávík.Við bræður skutum upp nokkrum flugeldum og fleyra dóti og sáum vel þegar skotið var upp norðurfrá.
Hægviðrið var slíkt að eitt prikið af flugeld kom næstum alveg niður við lappirnar á manni þegar það féll til jarðar.

Spá Veðurstofu Íslands fyrir áramótaveðrið er sæmileg fyrir Strandir.
Austlæg átt í fyrstu enn annað kvöld suðvestan og smá él hiti um frosmark eða vægt frost.
Þannig að það ætti að líta vel út með að skjóta upp flugeldum annað kvöld.

Ég óska ykkur lesendum heimasíðunnar litlihjalli.it.is nær og fjær.Gleðilegs nýs árs og friðar á nýju ári.
Guð veri með ykkur öllum á nýju ári.
Gangið hægt um gleðinnar dyr.
Jón Guðbjörn
Litlu-Ávík.

Nú í dag var síðsta áætlunarflug Landsflugs fyrir áramót á Gjögur.
Nokkrir farþegar fóru,eingin kom enn póstur kom og fór,einnig kom blessuð áramótamjólkin í Kaupfélagið.
Það hefur verið fallegt að fljúgja í háloftunum í dag,aðeins blika á lofti og andvari eftir stormin í gær.

Ungmennafélagið Leifur Heppni hélt félagsvist í félagsheimilinu Árnesi í Trékyllisvík í gærkvöldi.Spilað var á átta borðum þannig að 32 tóku þátt.Bjarnheiður Fossdal á Melum stjórnaði vistinni.

Ein flugvél frá Landsflugi kom á Gjögur í dag.
Dáldill póstur kom ,og talsvert af farþegum fóru suður með vélinni.
Flug rétt slapp áður enn fór að snjóa að ráði nú um 1700 akkar niður snjó í næstum logni,enn það hlínar í kvöld og nótt.

Gleðilega hátíð.
Mikið Suðaustan hvassviðri gekk yfir Strandir í morgusárið og framyfir hádegið.
Á hádegi í Litlu-Ávík var meðalvindhraði 23m/s og kviður um 40 m/s.
Hiti kl 09 í morgun var 10,9 stig og kl 1200 10,1 stig,enn hitin fór hæðst í 11,4 stig.
Kl 1800 var farið að kólna hiti þá 5,0 stig.
Alauð jörð var á lálendi kl 0900 í morgun þannig að rauð jól eru hér.

Ég óska ykkur öllum lesendum heimasíðunnar Litlihjalli.it.is nær og fjær Gleðilegra Jóla.
Guð veri með ykkur öllum.
Jólakveðja.
Jón Guðbjörn Guðjónsson
Litlu-Ávík
Árneshreppi
Strandasýslu.

Samkvæmt snjóhuluspá Veðurstofu Íslands fyrir dagin á morgun og jóladag er spáð rauðum jólum víðast hvar á landinu.
Hér í Árneshreppi er smáföl eða rétt flekkótt jörð þannig að það er farið um leið og hlínar,þótt jörð sé núna frosin.Fjöll eru flekkótt.
Ef hlýnar seinnipartin á morgun og jörð alauð kl 09 á jóladagsmorgun,enn þá er Veðurstofan búin að fá jarðlag frá veðurathugunarmönnum.Teljast þá rauð jól ef auð jörð er kl 0900 á jóladagsmorgun.