Um helgina byrjuðu Melabændur slátt þeir Björn Torfason og Kristján Albertsson og byrjuðu að rúlla og pakka í kvöld.Aðrir bændur eru að byrja líka fyrir alvöru að heyja og allt ætti að vera komið á fullt seinna í vikunni

Nú í ár eins og í fyrra er verið að setja upp skylti sem vísa á og leiðbeina fólki á sögulega staði hér í hreppnum.Nú í dag setti Valgeir Benidiktsson þúsunþjalasmiður í Árnesi upp rekaviðarstaur sem í var skorið fyrir skilti sem segir frá Dugguholu og Þórðarhellir í Litlu-Ávíkulandi.
Dugguhola er hellisskúti sem sjór stendur upp í.Í brimi þá brýtur upp í hellinn og sjórinn lokar inni loft undir miklum þrýstingi sem síðan brýst út með dunum og dynkjum.Þjóðsagan segir að göng liggi úr Mýrarhnjúksþúfu undir Reykjaneshyrnu og út um Dugguholu.Tröllkona ein á að renna færi sínu niður um þessi göng og veiða fisk.
Þórðarhellir er lítill hellir í hömrum undir Reykjaneshyrnu.Í honum er sagt að sakamaður einn,Þórður að nafni hafi hafst þar við.Ein sagan seygir að það hafi verið Þórður sá sem brenndur var 1654 í Kistu og að hann hafi losað sig á bálkestinum og leyndst með reyknum í burtu.
Það tekur 2 til 3 klst.Að ganga alla leið í Þórðarhelli og til baka.
Svona er víða búið að setja upp skilti til upplýsinga fyrir ferðafólk,Landverd hefur drifið þetta áfram og Ferðamálaráð Vestfjarða með merkingar á þessum gönguleðum og við heimamenn.

Vegagerðin er nú að hækka vegin upp frá Gjögursafleggjara og langleiðina að Kjörvogi veginum er ýtt upp og keyrt í hann þetta er talsverð mikil upphækkun enn vegurinn var að verða niðurgrafinn framkvæmdir eru langt komnar.

Gunnur Salbjörg Friðriksdóttir var ráðskona hjá okkur hér í Litlu-Ávík frá 13 maí til 17 júní og hún leysti mig einnig af með veðrið meðan ég var fyrir sunnan.Gunnur er fyrrverandi starfsmaður Veðurstofunnar og hefur leyst mig af áður með veðrið. Sonardóttir hennar Kolbrún Andradóttir var líka um tíma hér og þótti gaman í sveitinni.

Ég fór suður 5 júní kom aftur heim 16 júní var í rannsóknum og myndatökum og beið eftir niðurstöðum enn er slæmur í hné liðþófi farin aðgerð seinna enn nóg um þetta.Skrifa svo þegar ég hef frá einhverju að segja.

Sauðburður var búin að mestu um 5 júní enn hér í Litlu-Ávík voru eftirlegukindur að bera til 17 júní og svipað annarsstaðar í hreppnum,kalt var framanaf enn um 20 mai var fé sett út jafnt og þétt og við hér keyrðum fé inn í Kúvikurdal þann 2 júní og aftur 4 júní og þá var verið að sleppa fé úr túnum.
Búið var að dreifa tilbúnum áburði á tún um miðjan júní

Norðvestan 2 m/s rigning skygni 12 km hiti 6 stig dálítill sjór.Yfirlit frá kl 0900:Úrkoma 10 mm HÁ 6 stig LÁ 4 stig.
Mun ekki skrifa veður á síðuna á næstunni bendi á veður á VEDUR.IS og TEXTAVARPI.Veður frá Litlu-Ávík eru send 5 sinnum á sólarhring sem hér segir:Kl-0600-0900-1200-1800 og 2100.

Nú á næstunni mun eg lítið skrifa á heimasíðuna því eg er að byrja að vera í fjárhúsinum vegna sauðburðar hjá bróðir mínum sem eg hef alltaf gert undanfarin ár.Veður mun ég ekki setja á síðuna verður síðast núna kl 1800.Bendi á textavarpið og vedur.is þar sjást öll 5 skeytin sem ég sendi svona ca 20 mín til hálftíma eftir sendingu.

Norðan 2 m/s rigning skygni 7 km hiti 5 stig sjólítið.Yfirlit frá kl 1800 í gær:Úrkoma 9 mm HÁ 5 stig LÁ 3 stig.

Norðan 3 m/s þoka skygni 0,5 km hiti 5 stig dálítill sjór.Yfirlit frá kl 0900:Úrkoma 0,2 HÁ 7 stig LÁ 4 stig