Fjórir ökumenn voru kærðir fyrir of hraðan akstur í liðinni viku í nágrenni Hólmavíkur. Mánudaginn 19. maí varð umferðaróhapp með þeim hætti að jeppabifreið var ekið á vegfaranda á reiðhjóli, reiðhjólamaðurinn hlaut minni háttar meiðsl og fór á sjúkrahúsið á Ísafirði til skoðunar. Einn ökumaður var kærður vegna gruns um akstur undir áhrifum ávana- og fíkniefna. Skemmtanahald um liðna helgi fór nokkuð vel fram og án teljandi afskipta lögreglu.

Þá vill lögregla koma með ábendingar til ökumanna og umráðamanna ökutækja vegna lagninga
Meira

Menningarráð Vestfjarða hefur nú auglýst eftir umsóknum um styrki á grundvelli menningarsamnings ríkisins við
Fjórðungssamband Vestfirðinga og er frestur til að sækja um til og með föstudeginum 13. júní. Styrkir verða veittir í tveimur flokkum, annars vegar stofnkostnaðar- og rekstrarstyrkir til menningarstofnanna og hins vegar verkefnastyrkir til afmarkaðra menningarverkefna. Tilgangurinn er að efla menningarstarfsemi á Vestfjörðum og eru umsóknir og verkefni hverju sinni borin
saman á samkeppnisgrundvelli við úthlutun. Umsækjendum er
Meira

Albertína Friðbjörg Elíasdóttir formaður Fjórðungssambands Vestfirðinga átti í gær fund með Magnúsi Geir Þórðarsyni útvarpsstjóra þar sem þau funduðu um stöðu RÚV á Vestfjörðum í tilefni af fréttum af því að fyrir dyrum standi að rýma húsnæði RÚV á Ísafirði. Á fundinum var farið vítt og breytt yfir stöðu mála varðandi þjónustu RÚV á Vestfjörðum. Voru báðir aðilar sammála um mikilvægi þess að RÚV sinni fréttaflutningi og dagskrárgerð á Vestfjörðum af myndarskap. Útvarpsstjóri ítrekaði að stefna hans og annarra nýrra stjórnenda RÚV væri að bæta þjónustu RÚV á landsbyggðinni. 
Meira

Árið 2013 varð hagnaður af venjubundnum rekstri Orkubús Vestfjarða níunda árið í röð. Framleiðsla vatnsaflsvirkjana Orkubúsins var með minna móti sökum tíðarfarsins eða rúmar 84 GWh. Í aftakastormi síðustu daga janúar brotnuðu flutningslínur og urðu verulegar truflanir í flutnings og dreifikerfi raforku. Samkvæmt rekstrarreikningi ársins 2013 varð hagnaður af venjubundnum rekstri fyrir skatta, sem nam um 278,5 Mkr., en þegar tekið er tillit til tekjuskatts og er hagnaður ársins um 222,9 Mkr..  Afskriftir námu alls 240 Mkr.. Eignir Orkubús Vestfjarða ohf. í árslok 2013 voru alls 6.505 Mkr. og heildarskuldir alls 983 Mkr. Eigið fé nam því alls 5.522 Mkr. sem er um 84,9 % af heildarfjármagni.

Á árinu 2013 var 681 Mkr. varið til fjárfestinga, þar af voru  tengigjöld og vinna greidd af öðrum 27,5 Mkr.. Fjárfestingar ársins voru að mestu  kostaðar af eigin fé fyrirtækisins eða greiddar af þeim sem þeirra óskuðu. 
Í lok febrúar 2014 tilkynnti Landsvirkjun að skerða þyrfti raforku 

Meira

Fimm ökumenn voru ákærðir fyrir of hraðan akstur í liðinni viku, þrír í nágrenni Ísafjarðar og tveir við Hólmavík. Tveir ökumenn voru kærðir vegna gruns um meintan akstur undir áhrifum ávana- og fíkniefna. Skemmdarverk voru unnin um liðna helgi á Ísafirði og einnig í Bolungarvík. Á Ísafirði voru brotnar rúður í þrem ökutækjum, í einu ökutæki  við Hafnarstræti og tveim ökutækjum við Aðalstræti. Þá voru unnar skemmdir á húsi við Hafnargötu í Bolungarvík. Þá óskar lögregla eftir að ef einhverjir hafa orðið vitni að umræddum skemmdarverkum gefi sig fram við lögreglu í síma 450-3730.

Þá óskar lögreglan eftir vitnum af óhappi sem varð
Meira

Vorhátíð Finnbogastaðaskóla verður haldinn hátíðleg í dag föstudaginn 9. maí klukkan 18:00.,í Félagsheimilinu Árnesi Trékyllisvík.Boðið verður upp á góða skemmtun, mat og drykk á góðu verði. Allir eru hjartanlega velkomnir. Segir í tilkynningu frá
Meira

Í síðasta mánuði auglýsti sveitarfélagið Árneshreppur starf kennara við skóla sveitarfélagsins,Finnbogastaðaskóla laust til umsagnar. Þrjár umsóknir bárust en einn aðilinn dró sig til baka,þannig að tvær umsóknir  voru eftir. Nú á dögunum var tekin ákvörðun um ráðningu nýs kennara fyrir skólaárið 2014 til 2015, úr þessum tveim umsóknum,en það er hin vinsæla vinkona okkar í hreppnum Vígdís Grímsdóttir svart klæddi rithöfundurinn sem var ráðin. Vigdís er rúmlega sextug kona og er rithöfundur af lífi og sál  og lauk kennaraprófi frá Háskóla Íslands 1973. Árið 1978  lauk Vígdís BA prófi ííslensku og bókasafnsfræði við Háskóla Íslands. Árið 1982 lauk hún prófi í uppeldis –og kennslufræði frá Kennaraháskóla Íslands. Vígdís hefur dvalist
mikið í Árneshreppi undanfarin ár,
Meira

Nú undir kvöld kom fyrsti bíll með áburð til bænda í Árneshrepp. Í fyrstu ferð kom allur áburður til Sigursteins Sveinbjörnssonar bónda í Litlu-Ávík og til Björns Torfasonar bónda á Melum að hluta til. Björn (Bylli) Sverrisson er að flytja áburðinn þetta vorið fyrir Kaupfélag Steingrímsfjarðar á Hólmavík,hann reiknar með fjórum ferðum í viðbót næstu daga. Þetta er nokkuð
snemma sem áburður er fluttur norður enda vegur norður orðinn þurr og góður yfirferðar fyrir alla bíla stóra sem smáa. Í fyrra aftur á móti var áburður
Meira

Einn bátur er á grásleppuveiðum frá Norðurfirði þetta vorið. Það er aldursforseti hreppsins Gunnsteinn Gíslason sem er núna komin yfir áttræðisaldurinn. Gunnsteinn sem er enn hafnarvörður og tekur á móti afla og vigtar af bátum sem landa á Norðurfirði,segir að enginn aðkomubátar hafi skráð sig í vor til að gera út á grásleppu eins og undanfarin ár. Gunnsteini fannst þetta dálitið lélegt og lagði nokkur net. Gunnsteinn hefur alltaf verkað grásleppuhrogn á Norðurfirði af bátum sem hafa róið frá Norðurfirði,en nú aðeins frá sjálfum sér og finnst þetta ósköp lélegt og lítið um að vera.
Meira

Eitt umferðaróhapp var tilkynnt til lögreglu í liðinni viku, þar var um að ræða bifreið sem hafnaði út fyrir veg á þjóðvegi nr. 63. Bíldudalsvegi á Trostansfjarðarfjalli, þar voru erlendir ferðamenn á ferð. Bifeiðin óökuhæf og ekki slys á fólki. Tveir ökumenn voru stöðvaðir fyrir of hraðan akstur innabæjar á Ísafirði. Tvær kærur um líkamsárásir bárust lögreglu í liðinni viku og eru þær til rannsóknar. Einn ökumaður var kærður vegna gruns um akstur undir áhrifum ávana og fíkniefna.

Tvær tilkynningar bárust lögreglu um sinueld í vikunni

Meira