Eins og fram kom hér á vefnum á laugardaginn sendi hreppsnefnd Árneshrepps bréf til Samgöngunefndar Alþingis 12. Janúar og Ögmundi Jónassyni innananríkisráðherra og einnig til vegamálastjóra,Fjórðungssambands Vestfjarða og þingmanna Norðvesturkjördæmis,vegna samgöngumála í hreppnum. Bréfið hefur nú verið sett inn hér á vefinn undir Bréf til Samgöngunefnd hér til vinstri á vefnum fyrir ofan fleiri fréttir. Bréfið er í tveim hlutum. Vegna bilunar gátu lesendur ekki farið inn á linkinn og skoðað bréfin,en nú er þetta allt komið í lag. Vefurinn biður afsökunar á þessu. Og hér má lesa bréfin.

Hreppsnefnd Árneshrepps sendi bréf til Samgöngunefndar Alþingis 12 janúar. Vegna samgöngumála í hreppnum. Bréfið hefur nú verið sett hér á vefinn undir Bréf til Samgöngunefndar hér vinstra megin á vefnum fyrir ofan fleiri fréttir. Þannig að bréfið er í tveim hlutum. Hér má lesa bréfin einnig.

Fréttabréf frá oddvita Árneshrepps. 

Í dag býr sveitarfélagið við þær aðstæður að eiga að vera eyja  þrjá mánuði á ári, þar sem við búum við G-reglu í snjómokstri. Hluti íbúa sveitarfélagsins býr við algjöra innilokun þessa þrjá mánuði á ári. Hreppsnefnd hefur ítrekað beðið um að hreppurinn verði færður upp í  F -reglu, sem ekki er talið hægt, þar sem vegurinn sé ekki þjónustufær.  Á einfaldri íslensku , það þarf að byggja veginn upp til að hægt sé að þjónusta hann. Því  ætti að vera forgangsverkefni að byrja á að byggja upp erfiða kafla af veginum á fyrirhuguðu framtíðarvegstæði, en núverandi  vegur var ruddur með jarðýtu á árunum 1960-1965.

Nú er okkur alltaf núið því um nasir að við séum svo fá.  En eins og einn góður maður sagði ,,vegurinn er ekki bara fyrir íbúa Árneshrepps heldur alla landsmenn og erlenda gesti líka".

Í sveitarfélaginu Árneshreppi eru um 40 sumarhús í eigu einkaaðila,
Meira

Bændur í Árneshreppi eru farnir að óttast kal í túnum í vor. Mikil svellalög eru á túnum og hafa verið það meira og minna frá því í haust,þá var talsvert frost á nokkuð auða jörð,og nú í nýliðnum janúar hafa verið talsverðir blotar og fryst aftur á milli. Þar sem snjó hefur tekið upp eru tún mjög svelluð og þar sem sýnist autt er talsverð svell í grasrótinni,enda hefur einungis yfirborðið þiðnað. Það er lítið annað en mjög hlítt og gott vor sem gæti dregið úr kali á túnum,segja bændur! Á myndum sem fylgja með þessari frétt sést vel hvað tún eru svelluð og ein myndin er tekin ofan í grassvörðinn og sést vel klakinn ofan í grasrótinni. Myndirnar
Meira

Vegagerðin byrjaði í gær að opna sunnan frá,eða frá Bjarnarfirði í Árneshrepp og komust í Veiðileysu í gær. Í dag var haldið áfram mokstri norður og einnig er mokað norðan frá líka. Sveitarfélagið Árneshreppur þarf að borga helminginn af kosnaði við moksturinn frá Djúpavík og til Gjögurs,að sögn Jóns Harðar Elíssonar rekstrarstjóra Vegagerðarinnar á Hólmavík. Guðbrandur Albertsson annar snjómoksturmanna sem er að moka norðanmegin frá,sagði að Kjörvogshlíðin væri bara eitt snjóflóð og væri hann búin að fara í gegnum 5 flóð og einungis komin að svonefndum Hrafnshamri um fjögur leitið í dag,hefillin er síðan einhversstaðar inní Reykjarfirði. Það verður alveg óvíst hvort vegurinn opnist í kvöld.

Kvasir, samtök fræðslu- og símenntunarmiðstöðva, og Endurmenntun Háskóla Íslands eru með samstarfssamning um námskeiðahald í fjarfundi.  Fræðslumiðstöðin er aðili að Kvasi og kemur því að samningnum. Með þessum samningi gefst íbúum á landsbyggðinni tækifæri til að sækja ýmis námskeið Endurmenntunar í sinni heimabyggð. Námskeiðin eru eingöngu ætluð þátttakendum í fjarfundi sem er nýbreytni hjá Endurmenntun.

Endurmenntun hefur auglýst 12 námskeið í fjarfundi nú á vormisseri og kennir þar ýmissa grasa. Námskeiðin má finna á vef Fræðslumiðstöðvarinnar undir flokknum Endur- og símenntun. Hægt er að sækja námskeiðin á þeim stöðum þar sem Fræðslumiðstöðin er með fjarfundabúnað.

Fræðslumiðstöðin tekur við skráningum á námskeiðin, annað hvort í gegnum vefinn eða í síma 456 5025. Rétt
Meira

Veðrið í Janúar 2012.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með Norðlægum vindáttum eða Austlægum fram til 8. Síðan Suðlægar vindáttir fram til 17.

Smá blota gerði dagana 6. 7 og 8,og seig snjór þá talsvert og allt hljóp í svell sérstaklega á vegum og þar sem þunnt snjóalag var.

Talsverðan blota gerði einnig frá 13 til 17.Snjó tók mikið upp enn mikil svellalög urðu á vegum,og eins urðu tún mjög svelluð.

Enn og aftur gerði blota frá kvöldinu 28 og fram á kvöld 29. Snjó tók talsvert upp enn en eru mikil svellalög á túnum en minnkuðu mikið á vegum. Síðan voru suðlægar vindáttir síðustu tvo daga mánaðarins með hita yfirleitt yfir frostmarki.

Hvassviðri og stormur var af Suðvestri 9. og 10.með kviðum uppí ofsaveður. Þann 25 skall á Norðan 20 til 26 m/s með stórhríð með hitastigi í fyrstu fyrir ofan frostmarki,þannig að snjókoman var blaut en síðan kólnaði,og var ísing um tíma. Rafmagnslaust varð í Árneshreppi á annan sólarhring,þegar staur brotnaði við bæinn Mela og rafmagnslínur slitnuðu á Gjögurlínu. Þannig að janúar mánuður var mjög umhleypingarsamur í heild sinni.

 

Yfirlit dagar eða vikur:

Meira

Bæjarins besta.
Ögmundur Jónasson innanríkisráðherra sagði á Alþingi í gær að ekki hafi verið tekin ákvörðun um að endurskoða G-regluna varðandi snjómokstur í Árneshreppi. Eftir umræðu um snjómokstur í hreppnum sagði ráðherra að honum fyndist sjálfsagt að verða við óskum um endurskoðun eða yfirferð á þessum reglum til að sjá hvort ástæða sé til að breyta þeim að einhverju leyti, almennt eða með tilliti til einstakra sveitarfélaga. Kom þetta fram í fyrirspurnartíma þar sem ráðherra svaraði fyrirspurn Einars Kristins Guðfinnssonar, þingmanns Sjálfstæðisflokksins í Norðvesturkjördæmi, um snjómokstursreglur í Árneshreppi. Nánar hér á bb.is

Í liðinni viku voru fimm umferðaróhöpp tilkynnt til lögreglu öll sama daginn þann 27. janúar. Fyrstu fjögur óhöppin voru öll tilkynnt til lögreglu milli kl. 10:00 og 11:00 þann dag,það fyrsta á Djúpvegi milli Ísafjarðar og Hnífsdals,þar var um minni háttar óhapp að ræða. Næsta óhapp var bílvelta á Djúpvegi í Arnkötludal,þar voru ökumaður og tveir farþegar hans fluttur með sjúkrabíl á heilsugæsluna á Hólmavík til skoðunar,um minniháttar meiðsl voru að ræða. Bifreiðin var flutt af vettvangi með kranabíl. Þriðja óhappið var Bolungarvíkurmegin við Bolungarvíkurgöng,þar var um minni hátta óhapp að ræða og litlar skemmdir á ökutækjum. Fjórða óhappið á þessum klukkutíma varð síðan á Djúpvegi í Arnkötludal og var þar um minni háttar óhapp að ræða.  Ekki miklar skemmdir á ökutæki. Fimmta óhappið þennan dag varð síðan á Arnkötludal,þar hafnaði dráttarbifreið með langan vagn út fyrir veg,nokkuð greiðlega gekk að ná bíl og vagni upp á veg aftur og án teljandi skemmda. Í liðinni viku
Meira

Úrslit á kosningu um Strandamann ársins liggja nú fyrir eftir æsispennandi kosningu. Þegar atkvæði höfðu verið talin var niðurstaðan sú að Eva Sigurbjörnsdóttir hótelstjóri á Hótel Djúpavík fær þennan titil og heiðurinn sem honum fylgir. Eva hefur ásamt Ásbirni manni sínum rekið Hótel Djúpavík frá árinu 1985. Þau eru frumkvöðlar í ferðaþjónustu á Ströndum og hafa sýnt ótrúlega þrautseigju og úthald við reksturinn. Eva hefur heldur betur látið til sín taka í baráttu fyrir málefnum Árneshrepps, byggðinni þar og samgöngum, er í sveitarstjórn og virk í stjórnmálastarfi.

Eva tók tíðindunum af kosningunni ljómandi vel, þegar ritstjóri strandir.is hafði samband við hana til að færa henni tíðindin og vildi koma á framfæri bestu kveðjum til Jóns Halldórssonar og Arnars Jónssonar sem voru keppinautar hennar í síðari umferð kosningarinnar. Nánar á www.strandir.is