RÚV rás 2 síðdegisútvarp. 

Enn í dag var Árneshreppur í brennidepli í síðdegisútvarpi RÚV þar sem var rætt vítt og breitt um samgöngumál hreppsins og víðar,einnig var viðtal við Ögmund Jónasson ráðherra samgöngumála og fleiri. Þetta mun vera þriðji dagurinn í röð sem síðdegisútvarp rásar 2 fjallar um samgöngur í Árneshrepp.!

Vegagerðin ryður veginn norður í Árneshrepp í dag vegna jarðarfarar, en prestur og organisti hefðu að óbreyttu mögulega ekki komist til athafnarinnar á morgun.

Vegagerðin ryður venjulega ekki þennan veg um háveturinn, frá 6.janúar til 20. mars. Síðdegisútvarpið hefur fjallað ítarlega um einangrun Árneshrepps að undanförnu.

Hreppurinn fellur undir svokallaða G-reglu um snjómokstur og er eina sveitarfélagið sem gerir það. Íbúarnir í Árneshreppi, um 50 talsins, þurfa að sækja helstu þjónustu til Hólmavíkur, eins og til dæmis læknisþjónustu. Undanfarna daga hefur í Síðdegisútvarpinu verið rætt við fulltrúa Vegagerðarinnar, oddvita Árneshrepps og Ásbjörn Óttarsson, fyrsta þingmann kjördæmisins. Hann segir að það verði að færa sveitarfélagið ofar í samgönguáætlun, því eins og er verður vegurinn ekki lagfærður fyrr en 2020. Síðdegisútvarpið
Meira

Í dag er Vegagerðin á Hólmavík að opna norður í Árneshrepp. Jarðarför er framundan á morgun frá Árneskirkju og prestur og organisti þurfa að komast norður til að þjóna þessari hluta sóknar sem er hluti Hólmavíkurprestakalls. Það skal tekið fram að gífurleg hálka er á vegum hér niðra sem og annarsstaðar á landinu. Fólk sem hefur hugsað sér að koma og vera við jarðarförina ætti ekki að fara á nema mjög vel búnum bílum til aksturs í hálku og ófærð.

Þannig að allt ætti að ganga upp vegna jarðarfararinnar. Prestur og organisti ættu að komast norður.

Bæjarins besta.
Vestfirðingur ársins 2011 samkvæmt vali lesenda fréttavefjarins bb.is er Örn Elías Guðmundsson, betur þekktur sem tónlistarmaðurinn Mugison. Örn Elías hefur verið viðloðandi tónlist um margra ára skeið og gefið út nokkrar hljómplötur. Stjarna hans hefur aldrei risið eins hátt og undir lok síðasta árs er hann gaf út hljómdiskinn Haglél sem selst hefur í tugþúsundum eintaka. Til að þakka landsmönnum fyrir stuðninginn hélt Örn Elías fjölmarga tónleika víðs vegar um land auk þrennra tónleika í Hörpu þar sem þúsundir landsmanna hlustuðu á hann án endurgjalds. Þess má geta að Örn Elías var einnig kjörinn Vestfirðingur ársins 2004 og er því sá fyrsti til að hampa nafnbótinni í tvígang.

Meira

RÚV síðdegisútvarp.!

Enn í dag hélt síðdegisútvarp Ríkisútvarpsins umfjöllun sinni um samgöngur í Árneshreppi á Ströndum. Í dag var talað þar við Ásbjörn Óttarsson fyrsta þingmann Norðvesturkjördæmis. Íbúum Árneshrepps finnst þetta skipta miklu máli að stór fjölmiðill láti málið sig varða og þar með vaki umfjöllun á landsvísu meðal ráðamanna þjóðarinnar vegna þessa litla samfélags sem sveitarfélagið Árneshreppur er hér norður á Ströndum sem er perla ferðamanna á sumrum,sem á ekki síður að vera perla Norðursins á vetrum,en þá þarf samgöngur.!

Íbúarnir í Árneshreppi eru oft lokaðir af þar sem eini vegurinn frá hreppnum er ekki ruddur í langan tíma á hverjum vetri.

Ásbjörn Óttarsson fyrsti þingmaður Norðvesturkjördæmis segir að Alþingi verði að ræða þetta enda sveitarfélagið hið eina sem lítur svonefndri G -reglu Vegagerðarinnar um snjómokstur. Að óbreyttu verður ekkert gert í málinu fyrr en árið 2020 samkvæmt Samgönguáætlun. Ásbjörn ætlar að vinna að stuðningi við breytingar á því á þingi, að Árneshreppur verði færður ofar á vegaáætlun.

Meira

RÚV.is
Síðdegisútvarpið á Ríkisútvarpinu var með viðtal við oddvita Árneshrepps og upplýsingarfulltrúa Vegagerðarinnar í gær. Í augum margra Árneshreppsbúa er 6. janúar ein óvinsælasta dagsetning ársins. Ástæðan er sú að nú er komið að þeim hluta ársins að vegurinn þangað verður ekki ruddur fyrr en vora tekur samkvæmt almanakinu. Nánar tiltekið 20. mars eða í 75 daga samfleytt.

Ástæðan er sú að Árneshreppur fellur undir svokallaða G-reglu um snjómokstur og er eina sjálfstæða sveitarfélag landsins sem þarf að lúta þeirri reglu. Þetta er afleitt, segja heimamenn, enda er aðeins ein akleið til og frá hreppnum. Í Árneshreppi búa 50 manns og vegurinn þangað er gamall sveitavegur sem er úr sér genginn allan ársins hring enda lagður á árunum í kringum 1960-70. Í Síðdegisútvarpinu var rætt um þetta við Oddnýju Þórðardóttur, oddvita í Árneshreppi og G. Pétur

Meira

TF-SIF, flugvél Landhelgisgæslunnar fór í gær 11 janúar í eftirlitsflug um Austfjarðamið, Norður og Vestur með Norðurlandi, fyrir Vestfirði og suður að Reykjanesi. M.a. var mæld staðsetning hafíss á Vestfjarðamiðum og hófst ískönnun kl. 15:20 N- af Horni. Greindi eftirlitsbúnaður talsverða nýmyndun haffíss N- og NV- af Straumnesi. Næst landi var nýmyndunin um 11,5 sml. NNV- af Kögri. Ísinn var þunnur og virtist vera sem stöku jakar væru 10-15 sml. innan við meginröndina.
Hér má sjá skoða nokkur hnit. Á hafísvef Veðurstofu Íslands. Einnig er hér með ratsjármynd þar sem Ingibjörg Jónsdóttir hjá Jarðvísindstofnun Háskóla Íslands,hefur teiknað inn ísinn og sendi vefnum.

Þorrablót Átthagafélags Strandamanna verður haldið laugardagskvöldið 14 janúar 2012 í Versölum Hallveigastíg 1. Reykjavík. Húsið opnar stundvíslega kl 19:00,og borðhald hefst kl 20:00. Matseðill:Allur almennur þorramatur,bæði súrt og ósúrt. Hákarl og harðfiskur,hangiket og pottréttur,eitthvað við allra hæfi.Veislustjórn og skemmtiatriði verður í höndum félaganna,Davíðs Ólafssonar og Stefáns Stefánssonar við undirleik Helga Hannessonar.
Meira

Byrjað var snemma í morgun að moka frá Trékyllisvík til Norðurfjörðar og til baka til Gjögurs og inn með Reykjarfirðinum og til Djúpavíkur. Sumstaðar hefur skafið talsvert í þar sem snjór náði að tolla þar sem myndast skjól í veðurofsanum í gær. Gífurleg hálka er á vegum mjög þykk svell víða,reynt er að moka vel uppí efri kantinn í gamla snjóinn til að hafa hjólfar því ekki er eins sleipt þar í snjónum,en annað hjólið er alltaf á svelli. Ekkert verður flogið í dag á Gjögur en flogið verður á morgun sem er áætlunardagur.
 

Eftir áramót kom Vígdís Grímsdóttir rithöfundur sem nýr kennari við Finnbogastaðaskóla hér í Árneshreppi,en hún er kennaramenntuð. Fyrrverandi kennari Sigurrós Sandra Bergvinsdóttir fór í fæðingarorlof eftir að skólinn fór í jólafrí. Vígdís er öllum vel kunnug hér í sveit enda varið miklum hluta á ári í Árneshreppi síðastliðin þrjú ár. Vígdís skrifaði mikinn hluta nýju bókarinnar Trúir þú á töfra,sem kom út fyrir síðustu jól,hér í hreppnum,hefur þá haldið til í íbúð þar sem Kaffi Norðurfjörður er. Vígdís segist verða út þetta skólaár.

Flugfélagið Ernir hafa aflýst flugi til Gjögurs í dag,það er mjög hvasst af suðvestri 18 til 26 m/s og gengur á með mjög dimmum éljum. Ekki lítur út með flug á morgun,samkvæmt veðurspá sem hljóðar upp á suðvestan storm eða jafnvel rok í nótt og hvassviðri fram eftir degi.