Einn ökumaður var kærður fyrir of hraðan akstur í Bolungarvíkurgöngunum í liðinni viku og var mældur á 95 km/klst.,þar sem leyfilegur hámarkshraði er 70 km/klst.

Þrjú umferðaróhöpp voru tilkynnt til lögreglunnar í vikunni, þann 7. des., varð árekstur á Vestfjarðarvegi við gatnamót Flateyrarvegar, þar skullu saman tvær bifreiðar, talsvert tjón á ökutækjum, en ekki slys á fólki, sama dag var ekið utan í hross á Engidalsvegi í Skutulsfirði, hrossið slapp án teljandi meiðsla, en einhverjar skemmdir á bifreiðinni.

Fimmtudaginn 8. des., barst lögreglu tilkynning um dauðan hund við höfnina á Þingeyri.  Málið er í rannsókn lögreglu.

Skemmtanahald um liðna helgi fór vel fram í umdæminu og án teljandi afskipta lögreglu.

Í tilefni af 90 ára afmæli Veðurstofu Íslands 2010 var hannaður leikur þar sem almenningi gefst kostur á að spá veðrinu tvo daga fram í tímann. Hann var fyrst leikinn í desember sama ár og mæltist vel fyrir. Stefnt er að því leika veðurspáleikinn ársfjórðungslega. Er allt áhugafólk um veðurspár hvatt til að taka þátt í leiknum.
Meira

Jón G Guðjónsson póstur hefur aldrei lent í öðrum eins hagléljum í póstferðum sínum eins og í gær.Jón sótti póst norður til Norðurfjarðar og fór með út á flugvöllinn á Gjögri um 13:25 í gær og beið þar eftir áætlunarvélinni til að taka póst sem kom að sunnan í hægri austlægri vindátt,en flugvélin kom um tvö leitið,síðan var farið til baka norður með póstinn og Edda og Jón sorteruðu póstinn að venju og þegar  pósturinn var borinn úti í bíl var komið mikið él. Síðan hélt Jón til að dreifa póstinum á bæina,en voru él,en það var ekki fyrr enn komið var í Trékyllisvík að haglél dundu svo yfir bílinn og út Hraun og alla leið til Gjögurhálsa sem haglélin voru svo mikil og dimm,að eins og skotárás væri á bílinn,í verstu hryðjunum sem voru um þrjár, Jón stóð fastur á bremsunum í dimmustu éljunum,og gleymdi myndavélinni sem var í farþegasætinu fram í,til að taka mynd af höglunum sem gætu hafa verið 6 mm til 1 cm í þvermál, gegnum gluggann á bílnum.
Meira

Í gær kom bíll frá Strandafrakt að sækja seinni ferðina af ull til bænda,en fyrri ferðina kom Strandafrakt föstudaginn annan desember. Ullin fer í Ullarþvottstöð Ístex á Blönduósi. Eins og fram hefur komið hér á vefnum hækkaði verð til bænda fyrir ullina um rúmlega 5%. Strandafrakt sér um að sækja ull víðar í sýslunni til bænda og flytja á Blönduós.

6 umferðaróhöpp voru tilkynnt til lögreglunnar á Vestfjörðum í liðinni viku.

Þriðjudaginn 29. nóv., varð minniháttar óhapp við Seljalandsveg á Ísafirði, ekki miklar skemmdir á ökutækjum.  Miðvikudaginn 30 .nóv., varð minniháttar óhapp á Hólmavík, þar var bakkað utan í bifreið, ekki miklar skemmdir á ökutækjum. Sama dag varð bílvelta á Gemlufallsheiðinni, ekki slys á fólki, en einhverjar skemmdir á ökutæki.  Fimmtudaginn 1. des., varð útafakstur á Djúpvegi við Óshlíðargöng, einhverjar skemmdir á ökutæki, en ekki slys á fólki.  Sunnudaginn 4. des., urðu tvö óhöpp við Hólmavík, það fyrra varð á Djúpvegi skammt sunnan við Hólmavík, þar hafnaði bifreið á hvolfi út fyrir veg, ökumaður og tveir farþegar hans voru fluttir á Heilsugæslustöðina á Hólmavík til skoðunar, meiðsli reyndust sem betur fer minni háttar. Bifreiðin óökuhæf.  Seinna óhappið þann dag varð  á brúnni við Broddadalsá, þar hafnaði bifreið á brúarstólpa, bifreiðin óökuhæf, ökumaður og farþegi sluppu án meiðsla.

Meira

Aðventuhátíð Kórs Átthagafélags Strandamanna verður haldin sunnudaginn 11.desember í Bústaðakirkju og hefst kl. 16.30. Stjórnandi er Arnhildur Valgarðsdóttir. Einsöngur er í höndum Heiðu Árnadóttur. Hljóðfæraleikarar eru Ásta Haraldsdóttir, píanó og  Ágústa Dómhildur á fiðlu. Ingibjörg Valgeirsdóttir sveitarstjóri Strandabyggðar flytur hugvekju. Miðaverðið er aðeins 3.000 kr. fyrir fullorðna, frítt fyrir 14 ára og yngri. Kaffihlaðborð er innifalið.

Verið er að moka snjó af vegum hér innansveitar í Árneshreppi. Mesti snjórinn er í svonefndum Urðum sem er á milli Mela og Norðurfjarðar. Talsvert snjóaði seinni parts laugardags og fram á kvöld,annars hafa verið él og eru. Frostið er á milli fjögur og sex stig.

Kosningar fóru fram í gær laugardag um sameiningu þessara byggðarlaga. Kjörstaðir voru á Borðeyri og á Hvammstanga. Í Bæjarhreppi kusu alls 61,já sögðu 39 eða 63,9 % ,nei sögðu 22 eða 36,1 %. Auðir seðlar og ógildir voru 0.

Í Húnaþingi vestra kusu 323 já sögðu 271 eða 83,9 %, nei sögðu 50 eða 15,4 %. Auðir og ógildir seðlar voru 2 eða 0,7 %.

Frá þessu er greint á vefnum hunathing.is

Veðrið í Nóvember 2011.

Yfirlit yfir veðrið frá veðurstöðinni í Litlu-Ávík. Mánuðurinn byrjaði með Norðaustan og Norðan hvelli fram til þriðja,með snjókomu eða éljum og síðan rigningu. Síðan voru mest suðlægar vindáttir fram til 22,og með nokkrum hlýindum miðað við árstíma. Síðan voru breytilegar vindáttir oftast hægur vindur en með nokkru frosti. Þann 28 snerist til Norðaustanáttar og síðan í Norðan hvassviðri og storm með snjókomu og frosti. Mánuðurinn endaði síðan austan hægviðri með frosti. Stormur var af suðri um kvöldið þann 7.og fram á morgun þann 8.Vindur náði þá meir en 12 vindstigum eða 40 m/s í kviðum. Úrkoman í mánuðinum var talsverð.

Yfirlit dagar eða vikur:

Meira

Verið er að opna veginn norður í Árneshrepp samkvæmt vef Vegagerðarinnar. Nú er komið hið besta veður,NA stinningsgola og smá él og frost er um fimm stig. Nú lítur vel út með flug til Gjögurs,en áætluð brottför úr Reykjavík er klukkan eitt,ekki var hægt að fljúga í gær og á mánudag vegna veðurs. Einnig er áætlunarflugdagur á morgun fimmtudag.