Verðskrá Orkubús Vestfjarða fyrir raforkudreifingu var hækkuð um 6% nú um áramótin, tengigjöld rafmagns voru einnig hækkuð um 6%. Hækkunin er tilkomin vegna almennra verðlagshækkana.

Þá var verðskrá OV fyrir hitaveitur og tengigjöld hitaveitu einnig hækkuð um 6% nú um áramótin af sömu orsökum. Til viðbótar þessari 6% hækkun á verðskrá hitaveitna hækkar hver kwh frá kynntum hitaveitum um 30 aura er sú hækkun bein afleiðing af 30% hækkun Landsvirkjunar á raforku til þeirra.

Orkustofnun, sem fer með eftirlitshlutverk með tekjumörkum flutnings- og dreifiveitna, hefur yfirfarið hækkunina og staðfest að hún sé innan tekjuheimilda sem Orkubú Vestfjarða hefur skv. raforkulögum. Þá hefur iðnaðarráðuneytið staðfest hækkun á verðskrá OV fyrir hitaveitur og auglýst hana í stjórnartíðindum.

Meira

Úrkoman á veðurstöðinni í Litlu-Ávík hefur aldrei mælst eins mikil og á nýliðnu ári (2011),eða 1153,8 mm. Úrkoman hefur aldrei náð því að fara yfir þúsund millimetra fyrr á einu ári. Næst þessu meti kom árið 2009 með 994,6 mm,og árið 2006 með 993,2 mm. Enn minnsta úrkoma á veðurstöðinni í Litlu-Ávík var árið 2010 með 633,5 mm. Og var það í eina skiptið sem úrkoma er undir sjöhundruð millimetrum á ársgrundvelli. Fjóra mánuði í röð fór úrkoman 2011 yfir hundrað millimetra og tvívegis rétt undir 200 mm. Munurinn á úrkomu ársins 2010 og 2011 er 520,3 mm.
Meira

Alls voru sjúkrabifreiðar hjá HVE á Vesturlandi kallaðar út 1636 sinnum á árinu 2011 á móti 1447 árið 2010. Aukningin var 13.1%.
Mest varð aukning útkalla í Búðardal 30.3% en þar fóru útköllin í 99
Á Akranesi voru sjúkrabifreiðar kallaðar út 767 á árinu 2011 en það er um 19.3% aukning á milli ára.

Á heilbrigðisstofnun Hólmavíkur var aukningin á milli ára 6,8%,en útköll þar voru árið 2011 47 á móti 44 árið 2010.
Átta starfsstöðvar sjúkraflutninga eru hjá Heilbrigðisstofnun Vesturlands, Akranes, Borgarnes, Búðardalur, Grundarfjörður, Hólmavík, Hvammstangi, Ólafsvík og Stykkishólmur. Hér má sjá nánar um sjúkraflutninga hjá HVE.

Vefurinn strandir.is hefur nú ákveðið að standa fyrir kosningu á Strandamanni ársins áttunda árið í röð. Tilgangurinn með því er að vekja fólk til umhugsunar um allt það sem vel er gert í samfélaginu og þá sem standa sig með prýði.Hægt verður að senda inn tilnefningar fram að miðnætti sunnudaginn 8. janúar,til að velja Strandamann ársins 2011.Allir Strandamenn nær og fjær eru hvattir til að taka þátt, en í síðari umferð verður valið á milli þeirra þriggja sem flestar tilnefningar fá.
Hér má velja Strandamann ársins 2011.

Veðrið í Desember 2011.

Yfirlit yfir veðrið frá veðurstöðinni í Litlu-Ávík.

Hafáttir voru mest ríkjandi frá byrjun mánaðar með talsverðu frosti fram til sjötta,en síðan voru umhleypingar suðlægar áttir eða hafáttir,oftast með talsverðu frosti. Spilliblota gerði í mánuðinum 11. til 14. og gerði þá mikla hálku.

Mjög hált var á vegum í mánuðinum. Talsverður snjór var komin á jörð seinnihluta mánaðar,og er mikill hluti þessa snjós sem hefur skafið niðri byggð í SV skafrenningi. Mánuðurinn var mjög kaldur í heild. Mjög mikil haglél voru í um rúman hálftíma um miðjan dag með miklum kviðum í ANA átt,fimmtudaginn 8. desember,sem yfirleitt er lítið  um á þessum slóðum,höglin hafa verið í um 6 mm til 1 cm í þvermál.

 

Yfirlit dagar eða vikur:

Meira

Áramótaveðrið fór nú ekki alveg eftir veðurspá,veður hékk hér úrkomulaust fram eftir degií gær,en mjög var orðið úrkomusamt um hádegið að sjá og lágskýjað mjög. Um nónleitið byrjaði að slydda með köflum í hægri suðlægri vindátt í um eins til tveggja stiga hita og litlu úrkomumagni. En um miðnætti er komin ANA um 10 til 11 m/s í jafnavind,með snjókomu með hita um 0 stig. En rétt um það leyti sem Áramótaskaupið endaði í Ríkissjónvarpinu sást með köflum að Melum og að Krossnesi sem er í um 4,5 km fjarðlægð í beinni sjónlínu frá Litlu-Ávík,ekki sást til Norðurfjarðar frá því um nónleitið,en það er 6 til 7 km sjónlína eftir því hvort það sést í kaupfélagshúsin eða inn í botn fjarðarins. Bræðurnir í Litlu-Ávík skutu samt upp í þessu dimmviðri og auknum vindi. Enn þar sem þéttbýlla er í sveitinni eins og í Trékyllisvík
Meira

Góðir lesendur nær og fjær,vefsíðan Litlihjalli sendir hinar bestu áramótakveðjur til lesenda sinna með þökk fyrir samfylgdina í gegnum árin. Megi nýja árið færa okkur öllum gleði og góða tíma. Góður Guð veri með okkur öllum og leiði okkur farsællega gegnum nýja árið 2012.

Þetta Ár er frá oss farið,

fæst ei aftur liðin tíð.

Hvernig höfum vér því varið ?

Vægi' oss Drottins náðin blíð.

Ævin líður árum með,

ei vér getum fyrir séð,

hvort vér önnur árslok sjáum.

Að oss því í tíma gáum.
(Brynjólfur Jónsson frá Minna-Núpi.)

Veðurspáin fyrir Strandir og Norðurland vestra í dag og á morgun: Suðlæg átt, 5-10 og úrkomulítið. Norðaustan 5-10 og dálítil snjókoma eða él í nótt og á morgun Hiti um og yfir frostmark, en frystir seinnipartinn. Veðurhorfur á landinu næstu daga. Á mánudag og þriðjudag: Norðlæg átt, yfirleitt 5-10 en hvassari um tíma NV-lands Snjókoma eða él, en úrkomulítið S-lands. Frost 2 til 12 stig. Á miðvikudag: Austlæg eða breytileg átt 3-8 m/s og él viða N-til, en víða bjartviðri syðra. Áfram kalt í veðri. Flugeldarnir skiluðu sér í gær og Slysavarnarfélagið Strandasól í Árneshreppi
Meira

Á vef Morgunblaðsins í dag er viðtal við Oddnýju Þórðardóttur oddvita Árneshrepps og Jón Hörð Éliasson rekstrarstjóra Vegagerðarinnar á Hólmavík.
Vegurinn norður í Árneshrepp á Ströndum er lokaður vegna snjóa en hann var opnaður á þriðjudaginn var. Áramótaraketturnar eru komnar að hafti við Veiðileysuháls og á að reyna að sækja þær í dag.

Mokað var á þriðjudaginn var og fóru snjómoksturstæki Vegagerðarinnar þá í gegnum 11 snjóflóð og var það stærsta um 2,5 metra djúpt og 50 metra breitt. Stefnt er að því að moka einu sinni fljótlega eftir áramótin ef ekki bætir mikið í snjóinn.

Reynt að sækja raketturnar í dag

Oddný Þórðardóttir, oddviti Árneshrepps, sagði að samkvæmt snjómokstursreglu væri mokað til áramóta og svo hæfist reglulegur mokstur aftur 20. mars. Mokað hefur verið tvisvar í viku meðan snjór hefur ekki verið of mikill.
Fréttin í heild á mbl

Það varð mikil seinkun á áætlunarfluginu til Gjögurs í gær vegna óhapps flugvélar Flugfélags  Ernis þegar sprakk á nefhjóli flugvélar þeirra við lendingu á Reykjavíkurflugvelli.Það var dekk á nefhjóli sem sprakk, við fyrstu snertingu við brautina, að sögn; Ásgeirs Þorsteinssonar, sölu- og markaðsstjóra hjá Ernum  í viðtali við vef Morgunblaðssins ,það hafði þó að hans sögn ekki áhrif á lendinguna, að því leyti að flugvélinni hlekktist ekki á heldur hélt hún stefnu sinni. Þetta hefur hann eftir flugmanninum, sem hann hafði rætt við þegar mbl.is náði tali af honum. Eins sagði Ásgeir að veðuraðstæður og aðstæður á flugbrautinni í Reykjavík góðar þegar atvikið átti sér stað.
Meira