Í liðinni viku voru þrír ökumenn stöðvaðir fyrir of hraðan akstu í umdæminu. Einn ökumaður var stöðvaður í nágrenni við Hólmavík, einn á Djúpvegi við Bolungarvík og einn í Bolungarvíkurgöngunum.

Fimm umferðaróhöpp voru tilkynnt til lögreglu í vikunni.Mánudaginn 31.okt. varð bílvelta á Vestfjarðarvegi í Dýrafirði, þar hafnaði bifreið út fyrir veg og valt, talsvert tjón á ökutæki, ekki slys á fólki.

Þriðjudaginn 1. nóv. urðu þrjú óhöpp, tvö á Ísafirði og eitt á Hólmavík, á Ísafirði varð umferðaróhapp á Norðurvegi / Austurvegi, þar lentu tvær bifreiðar saman, talsvert tjón á ökutækjum, ekki slys á fólki.  Þá var bakkað á bifreið við N-1 á Ísafirði, sama dag varð óhapp á Hólmavík í svo kallaðri Leikskólabrekku, þar hafnaði bifreið á húsi, ekki mikið tjón.

Sunnudaginn 6. nóv. varð útafakstur á Bíldudalsvegi/ Hálfdán, þar hafnaði bifreið út fyrir veg, ekki slys á fólki.

Þrír brunar komu upp í vikunni. Þriðjudaginn 1. nóv. kom upp eldur að Bugatúni í Tálknafirði, þar var talsverður eldur í stofu. Slökkviliði Vesturbyggðar og Tálknafjarðar gekk greiðlega að slökkva eldinn.  Talsverðar skemmdur urðu. Líklegt að eldur hafi kviknað út frá rafmagni.

Meira

Flugfélagið Ernir hafa nú aflýst flugi til Gjögurs,segjast bara hafa litlu flugvélina sem getur bara flogið í sjónflugi og ekki er sjónflugsfært á flugleiðinni og vaxandi vindaspá.Nú er sagt að stærri vélin,sem kemur yfirleitt til Gjögurs komist í gagnið seinna í vikunni,en þetta eru þeir hjá Örnum búnir að segja æði lengi,hvað mark er átakandi veit enginn.Báðar Cessna vélarnar sem eru 8 og 9 farþega sem koma á Gjögur eru bilaðar og önnur hefur verið það mjög lengi,eftir heimildum Litlahjalla.Fólki hér í Árneshreppi finnst skrítið að flugfélag sem er í fullum rekstri skuli ekki hafa aðra stærri vélina lagi.

Það er alveg rétt sem Daníel Jakobsson bæjarstjóri Ísafjarðarbæjar segir í sjónvarpsviðtali við RÚV. „Það er engin byggðarstefna í landinu" og lýsir það sér vel í frétt BB þann 31. október sl. þar sem fréttamaður BB tekur stutt viðtal við forstjóra Landsnets. Þar lýsir forstjórinn langtíma hugsun Landsnets eins og hann segir sjálfur:

„Þetta er partur af langtíma hugsun hjá okkur. Við þurfum líka að byggja nýja spennustöð í Bolungarvík innan nokkurra ára þar sem núverandi spennustöð er á snjóflóðasvæði. Það gæti því verið skynsamlegt að byggja díselrafstöð og spennustöð á sama stað," segir Þórður. Þær díselrafstöðvar sem eru á Vestfjörðum er flestar komnar til ára sinna. „Hvað Landsnet varðar þá þarf að gerast annað af tvennu: Að byggja línu inn á svæðið eða fara út í önnur verkefni eins og að byggja díselrafstöð, sem er mun hagkvæmari kostur. Að byggja nýja línu er mjög dýrt þannig að það er ekki raunverulegur kostur þegar aðrir kostir eru í boði," segir Þórður.

Hér er verið að læða inn lausn á laumulega hátt, hér er ekki verið að bera saman epli og epli, langt því frá. Hér er aðeins verið að skoða hvað megi komast af með til að halda ljósum og hita á Vestfjörðum á meðan við flytjumst á mölina og bera það saman við línubyggingu sem við getum byggt upp samfélagið hér til framtíðar.

Ef á að bera saman varafl skal bera saman varaafl. Ef að það á að bera saman leiðir til uppbyggingar skal bera saman leiðir til uppbyggingar, en ekki blanda þessu tvennu saman. Það er augljóst að það eru engin plön um byggja upp til framtíðar á Vestfjörðum að hálfu Landsnets, enda skiljanlegt þegar skoðuð eru raforkulög og tilgangur fyrirtækisins.

Við skulum hafa það í huga að Landsnet rekur engin byggðarsjónarmið og tekur ekki tillit til neins nema að fylgja þeim lögum sem því er sett. Eins og lagaumhverfið (raforkulögin) er snýr að Landsneti í dag, verða að öllu óbreyttu engar nýjar línur lagðar til Vestfjarða né Hvalárvirkjun tengd inná raforkukerfi Vestfjarða. Svo að það sé mögulegt verður að breyta raforkulögum.

Hér er verið að læða inn lausn á raforkumálum Vestfirðinga sem er alls ekki fullnægjandi fyrir fjórðunginn. Það er fyrir löngu komin tími til að þing og sveitarstjórnarmenn okkar fari að vakna til lífsins. Það er ekki nóg að senda eina og eina ályktun frá sér ef henni er ekki fylgt eftir af krafti samanber þingsályktunar tillögu um niðurfellingu tengigjalds Hvalárvirkjunar . Boltinn er hjá ykkur þing og sveitarstjórnarmenn, ábyrgðin er ykkar eða kemur ykkur velferð Vestfjarða ekkert við?
Meira

Það tókst loks að fljúga til Gjögurs í dag þegar létti til þokunni nokkru eftir hádegið. Flugfélagið Ernir fengu leiguflugvél frá Mýflugi á Akureyri til að fara áætlunarferðina. Flugvélin fór frá Akureyri til Reykjavíkur fyrst og tók þar póst og vörur og síðan til Gjögurs,kom þangað rúmlega fimm tók síðan póst og frakt á Gjögri og fór síðan austur til Akureyrar þar sem póstur og frakt fer suður með Flugleiðum. Ekki var vanþörf á að fá vörurnar í útibú Kaupfélags Steingrímsfjarðar á Norðurfirði því þar var mjólk þrotin og farið að bera á öðrum vöruskorti.

Nú er verið að moka veginn norður í Árneshrepp samkvæmt vef Vegagerðarinnar.Þetta er rétt yfirferðin enda var þungfært í gær og var hægt að komast á stórum og vel búnum jeppum.Vegurinn var hreinsaður innansveitar í gær mest grjót í Urðunum,veginum til Norðurfjarðar,og í Árneskróknum grjót og þari og rusl eftir sjógarðinn undanfarið.

Ekki lítur vel út með flug svona í morgunsárið,þokusúld er og mjög lágskýjað.Sjá einnig frétt MBL.is í morgun-Stutt í vöruskort á Ströndum.

Ekki gat Flugfélagið Ernir flogið á Gjögur í dag.Fyrst í morgun var bullandi slydda og síðan rigning og þegar vind lægði datt niður skýjahæð og skyggni lítið í þokulofti.Enn átti að nota litla vél,stærri vélin er ekki enn komin úr viðgerð.Það skal tekið fram að ekki hefði heldur verið fært flugvél í blindflugi heldur. Eins og fram hefur komið hér á vefnum hefur ekkert verið flogið síðan 24 október.Athugað verður með flug á morgun.Þetta er ófremdarástand að Flugfélagið Ernir skuli ekki vera með alvöru vél í þessari áætlun.Svo gengur ekki Gjögur fyrir daginn eftir ef ekki er hægt að fljúga á áætlunardegi,heldur ganga aðrir staðir fyrir sem hafa samgöngur bæði í lofti og á landi.Ætli önnur sveitarfélög láti bjóða sér svona samgöngur?

Það hefur gengið erfiðlega með samgöngur í lofti á Gjögur undanfarna eina og hálfa viku.Áætlunardagur var á fimmtudaginn 27 og nú á mánudaginn 31,enn bæði þessi flug féllu niður.Flugfélagið Ernir höfðu aðeins litla rellu til að koma sem aðeins getur flogið í sjónflugi.Stærri vélin hjá Ernum sem kemur yfirleitt á Gjögur hefur verið í vélaskiptum og átti hún að vera komin í notkun um liðna helgi.Þann 31 á mánudaginn var,var ekki hægt að fljúga vegna veðurs,þá átti litla vélin að koma.Og en er veður þannig að ekki lítur út með flug fyrr en í fyrsta lagi á morgun enn þá er áætlunardagur eða á föstudag.Ef ekki verður flugfært þá hafa þrír áætlunardagar fallið niður í röð.Vörur og póstur hleðst upp fyrir sunnan.Vegurinn norður í Árneshrepp er ófær.

Aðalfundur Félags Árneshreppsbúa í Reykjavík verður haldinn sunnudaginn 6. nóvember 2011 í Akoges salnum, Lágmúla 4, Reykjavík. Fundurinn hefst kl.14.00. Dagskráin er þessi: Venjuleg aðalfundarstörf,Önnur mál. Eftir fundastörf verður sagt frá hugsanlegum möguleikum á Ófeigsfjarðarvirkjun. Að loknum aðalfundi  verða glæsilegar kaffiveitingar þar sem Ásdís Hjálmtýsdóttir hefur séð um bakstur og var mjög glæsilegt í fyrra. Einnig verður myndasýning frá gönguferð úr Ingólfsfirði og norður í Reykjarfjörð nyrðri,þar mun Páll Lýðsson frá Reykjarfirði segja frá myndunum en hann þekkir þarna hverja þúfu.

Í stjórn og varastjórn félagsins eru þessi : Kristmundur Kristmundsson,frá Gjögri, Hrönn Valdimarsdóttir,frá Kambi, Sigríður Halla Lýðsdóttir,frá Djúpavík, Ívar Benediktsson,frá Gjögri, Böðvar Guðmundsson,frá Ófeigsfirði, Guðrún Gunnsteinsdóttir,frá Bergistanga, Guðbrandur Torfason, frá Finnbogastöðum,og Birna Hjaltadóttir,frá Bæ.

Veðrið í Október 2011.

Yfirlit yfir veðrið frá veðurstöðinni í Litlu-Ávík.Mánuðurinn byrjaði þann fyrsta með Suðvestan roki sem gekk niður aðfaranótt 2. Síðan var mjög umhleypingasamt yfirleitt.Þann 16 og 17 gerði NA og N áhlaup rigningu og síðan slyddu,það veður var gengið niður þann 18. Síðan voru suðlægar vindáttir 18 til 21. Síðan voru hafáttir út mánuðinn,og endaði mánuðurinn með NA hvassviðri. Mánuðurinn var umhleypingasamur í heild og mjög úrkomusamur.Vindur náði meir en 12 vindstigum eða 39 m/s þann 1. í kviðum.Alhvít jörð á láglendi var fyrst talin þann 7.

 

Yfirlit dagar eða vikur:

Meira

Í liðinni viku voru fjögur umferðaróhöpp tilkynnt til lögreglunnar á Vestfjörðum. Þriðjudaginn 25. okt., var ekið á kyrrstæða bifreiða á Ísafirði, um minni háttar óhapp  að ræða þar. Miðvikudaginn 26. okt., var ekið á gangandi vegfaranda við Sparisjóðinn í Bolungarvík, viðkomandi var fluttur með sjúkrabíl á sjúkrahúsið á Ísafirði til skoðunar og reyndist viðkomandi sem betur fer lítið  slasaður. Þann sama dag var óhapp á Innstrandarvegi, þar varð óhapp með þeim hætti að flutningabifreið var ekið norður Innstrandarveg, þegar kind  hljóp skyndilega í veg fyrir bílinn, ökumaður hemlaði og við það kastaðist farmurinn fram og í gengum flutningakassann og á ökumannshúsið með þeim afleiðingum að það kastaðist fram.  Ökumaður slapp án meiðsla. Björgunarsveit var fengin til aðstoðar við að safna saman farminum, sem var rækja. Bifreiðin var flutt af vettvangi með viðeigandi tækjum.  Laugardaginn 29. okt. varð óhapp á veginum um Þröskulda, þar lenti bíll utan í öðrum bíl sem var fastur á veginum, vegna snjóa, mjög slæmt skyggi var þegar óhappið átti sér stað. Ekki miklar skemmdir um að ræða þar.
Meira