Þann 25. nóvember n.k. verður haldið aukaþing Fjórðungssambands Vestfirðinga í Edinborgarhúsinu á Ísafirði, um stoðkerfi atvinnu og byggða, þingið hefst kl. 11:15. Þingið er haldið samkvæmt samþykktum Fjórðungssambands Vestfirðinga.

 

Efni þingsins byggir á samþykkt, 56. Fjórðungsþingi Vestfirðinga sem haldið var 2. og 3. september s.l. í Bolungarvík, þess efnis að skipaður yrði starfshópur sem myndi skoða sameiningu Fjórðungssambands Vestfirðinga, Atvinnuþróunarfélags Vestfjarða, Vaxtarsamnings Vestfjarða, Menningarráðs Vestfjarða og Markaðsstofu Vestfjarða. Var það verkefni starfshópsins að útfæra sameiningu með það að markamiði að skapa stærri og öflugri einingu. Nú hefur umræddur starfshópur lagt fram tillögur sínar og hafa þær verði sendar út til kynningar til sveitarstjórna og annarra hagsmunaðila.  

Meira

Í vikunni sem var að líða voru þrjú umferðaróhöpp tilkynnt til lögreglunnar á Vestfjörðum.

Mánudaginn 7. nóv. varð umferðaróhapp á Skutulsfjarðarbraut þar varð óhapp með þeim hætti að bifreið var sveigt af Skutulsfjarðarbraut í átt að íþróttahúsinu, með þeim afleiðingum að önnur bifreið ók aftan á bílinn. Ökumaður annars bílsins var fluttur á sjúkrahúsið á Ísafirði til skoðunar, kenndi sér eymsla.  

Föstudaginn 11. nóv. varð umferðaróhapp á Vestfjarðavegi / Flateyrarvegi, ekki slys á fólki og minniháttar skemmdir.  

Sunnudaginn 13. nóv. varð óhapp á Djúpvegi við Árholt, með þeim hætti að bifreið var ekið í veg fyrir bíl sem ók eftir Djúpvegi, sá bíll hemlaði snögglega og við það ók annar bíll aftan á bílinn og síðan kom þriðji bíllinn og ók aftan á þann sem lenti á fyrsta bílnum. Ekki urðu slys á fólki og ekki miklar skemmdir á ökutækjum.

Meira

Tilkynning frá Símanum:

Vegna endurnýjunar á örbylgjubúnaði á Hnjúkum við Blönduós má búast við rofi og truflunum á fastlínu- og farsímaþjónustu í nótt milli klukkan eitt og sex.

Þetta á við um Svínadal, Langadal, Svartárdal, Blöndudal og Vestur Hóp í Húnavatnssýslu sem og Ávík á Ströndum.

Síminn biðst velvirðingar á þeim óþægindum sem þetta kann að valda.

Nú er búið að setja inn á vefinn Litlahjalla fyrir þá sem eru á Facebook og viðkomandi líkar við frétt á vefnum (líkar þetta) og þeir sem vilja deila frétt, (deila á Facebook),reyndar hefur það verið hægt í talsverðan tíma. Lesendur smella á viðkomandi frétt og þá er þetta neðst við viðkomandi frétt líkar þetta og deila á Facebokk.

Brúðkaupssýning Grand Hótels Reykjavíkur og Garðheima verðu haldin sunnudaginn 13. nóvember á milli kl. 13 og 17. Sýningin er haldin á Grand Hótel Reykjavík í Sigtúni 38.

Á  brúðkaupssýningunni verður m.a. brúðakjólasýning, sýning á brúðarsvítum Grand Hótels og kynntar verða vörur og þjónusta tengdum brúðkaupum og brúðkaupsveislum. Gestum gefst einnig kostur á að skoða og smakka á brúðarkökum og veitingum fyrir brúðkaup. Auk þess verða fjölmörg tónlistaratriði.

 

Á sýningunni eru ung brúðhjón sem ætla að láta pússa sig saman í Miðgarði á Grand Hótel Reykjavík og einnig munu þau halda brúðkaupsveisluna þar. Allir þeir sem mæta á brúðkaupssýningu er sérstaklega boðið í athöfnina og einnig veisluna á eftir. Athöfnn fer fram kl. 14:30.

Meira

Flugfélagið Ernir flugu á áætlun í dag,en brottför frá Reykjavík er kl 13:00.Nú er flugvélin sem er af gerðinni Cessna 406 Caravan II sem ber einkennisstafina TF-ORD,sem flýgur vanalega til Gjögurs komin í gagnið aftur.Aðeins eitt flug var til Gjögurs í þessari viku,en síðast var flogið þangað á föstudaginn 4 nóvember þá með leiguflugi í áætlunina.

Eins og kom fram hér á vefnum í gær voru Orkubúsmenn á Hólmavík að skipta um spennistöðvarhús við Bæ í Trékyllisvík.Settir voru nítísku rofar sem hægt er að stjórna með GSM.

Að sögn Þorsteins Sigfússonar svæðisstjóra hjá Orkubúinu á Hólmavík á nú að vera hægt að stjórna þessu í tölvu frá Hólmavík og Ísafirði. Þetta er einmitt hægt með GSM sambandi. Það er eins með þetta, að varaafl fyrir GSM má þá heldur ekki klikka. Með þessum rofum og liðum sem í þeim er verður hægt að stilla þá þannig að þeir leysi út, eftir því hvort bilun er á Gjögursvæðinu eða norðan við stöðina. Þessari stöð er líka hægt að stjórna inni í húsinu sem ekki var hægt áður. Það eru rafgeymar fyrir stýringuna hjá okkur segir Þorsteinn. Þorsteinn segist einnig vona að þetta reynist allt vel, og verði til mikillar bóta fyrir alla notendur í Árneshreppi.

Sveitarfélögin Árneshreppur, Kaldrananeshreppur, Strandabyggð og Reykhólahreppur hafa ákveðið að jafnréttismál falli undir Velferðarnefnd Stranda og Reykhólahrepps. Sveitarfélagið Strandabyggð sendi tillögu að jafnréttisáætlun fyrir sveitarfélagið til umsagnar til Jafnréttisstofu sem hefur skilað athugasemdum. Sú vinna verður lögð til grundvallar í sameiginlegri jafnréttisáætlun fyrir sveitarfélögin fjögur auk þess sem nefndin mun vinna aðgerðaráætlun sem fellur inn í áætlunina. Þetta kemur fram á vef Strandabyggðar.

 

Orkubú Vestfjarða á Hólmavík tekur rafmagn af Árneshreppi  um 13:30 í dag í um þrjá tíma.

Unnið er við að endurnýja spennistöð við Bæ í Trékyllisvík. Það er ekki hægt að gefa upp nákvæman tíma hvað rafmagnslaust verður lengi,en þessi tími er áætlaður.

Í liðinni viku voru þrír ökumenn stöðvaðir fyrir of hraðan akstu í umdæminu. Einn ökumaður var stöðvaður í nágrenni við Hólmavík, einn á Djúpvegi við Bolungarvík og einn í Bolungarvíkurgöngunum.

Fimm umferðaróhöpp voru tilkynnt til lögreglu í vikunni.Mánudaginn 31.okt. varð bílvelta á Vestfjarðarvegi í Dýrafirði, þar hafnaði bifreið út fyrir veg og valt, talsvert tjón á ökutæki, ekki slys á fólki.

Þriðjudaginn 1. nóv. urðu þrjú óhöpp, tvö á Ísafirði og eitt á Hólmavík, á Ísafirði varð umferðaróhapp á Norðurvegi / Austurvegi, þar lentu tvær bifreiðar saman, talsvert tjón á ökutækjum, ekki slys á fólki.  Þá var bakkað á bifreið við N-1 á Ísafirði, sama dag varð óhapp á Hólmavík í svo kallaðri Leikskólabrekku, þar hafnaði bifreið á húsi, ekki mikið tjón.

Sunnudaginn 6. nóv. varð útafakstur á Bíldudalsvegi/ Hálfdán, þar hafnaði bifreið út fyrir veg, ekki slys á fólki.

Þrír brunar komu upp í vikunni. Þriðjudaginn 1. nóv. kom upp eldur að Bugatúni í Tálknafirði, þar var talsverður eldur í stofu. Slökkviliði Vesturbyggðar og Tálknafjarðar gekk greiðlega að slökkva eldinn.  Talsverðar skemmdur urðu. Líklegt að eldur hafi kviknað út frá rafmagni.

Meira