Vegagerðin á Hólmavík hefur verið að láta sprengja grjót til varnar sjógangi  í og við vegi,grjótið er tekið fyrir ofan Norðurfjarðarhöfn þar sem efni var tekið í hana á þeim árum.Grjótið er látið neðst í Stórukleifarbrekku við hið þekkta Guðmundar Góða sæti,enn hann mun hafa vígt Urðirnar  á sínum tíma.Talsvert hefur étist úr veginum þar smátt og smátt vegna sjógangs.Einnig var keyrt grjóti austan við svonefndan Hundsháls þar sem sjór var farin að taka úr veginum í sjógangi.Beltagrafa var við að bora í grjótið og moka á bílana tvo sem keyrðu efninu einnig var hjólaskófla hreppsins við að moka efninu af veginum.Þessu verki verður lokið í dag.

Fjögur umferðaróhöpp voru tilkynnt til lögreglu í liðinni viku. Mánudaginn 22. ágúst varð bílvelta á Strandavegi norðan við Djúpavík. Þar hafnaði bifreið á hvolfi, eftir að ökumaður missti vald á henni í lausamöl, þar voru erlendir ferðamenn  á ferð. Ekki var um slys á fólki að ræða, en bifreiðin óökuhæf og flutt af vettvangi með krana.

Miðvikudaginn 24. ágúst hafnaði bifreið út fyrir veg á þjóðvegi nr. 63, Bíldudalsvegi á Trostansfjarðarfjalli.  Þar voru erlendir ferðamenn á ferð og missti ökumaður stjórn á bifreiðinni  í lausamöl.  Ökumaður og farþegi sluppu á meiðsla, en bifreiðin var óökuhæf eftir og flutt af vettvangi með krana.

Tvö önnur minniháttar umferðaróhöpp voru tilkynnt, bæði á Ísafirði og var um minniháttar skemmdir að ræða í þeim tilfellum.

Fimm ökumenn voru stöðvaðir fyrir of hraðan akstur  í vikunni, allir í nágreni við Ísafjörð og sá sem hraðast ók, var mældur á 111 km/klst., þar sem leyfilegur hámarkshraði er 90 km/klst.

Í vikunni sem var að líða hefur lögreglan verið að fylgjast með lagningu ökutækja og voru nokkrir ökumenn/umráðamenn ökutækja kærðir vegna rangrar lagningar. Fylgst verður með lagningu ökutækja á næstunni og mega menn eiga von á því þeir verði kærðir, ef menn fara ekki eftir   þeim reglum sem í gildi eru um lagningu ökutækja.

Meira

Kajakræðararnir Riaan Manser og Dan Skinstad, sem komu að landi í Ávík í Árneshreppi á laugardag héldu ferð sinni áfram um hádegið í dag.Haldið var austur fyrir Reykjaneshyrnu og ætlunin er að róa yfir Húnaflóa og á Skaga í dag.Þeim félögum hefur seinkað talsvert miðað við upphaflega ferðaáætlun,en ætlunin var að vera á Húsavík 27 ágúst,enn ýmsar tafir urðu vegna bilana og veðurs.Félagarnir fá nú ágætis veður yfir flóann,suðlæga golu.

Aðstoðarfólk fylgir ræðurunum á landi á tveim bílum og taka á móti ræðurunum þar sem þeir taka land og aðstoða við að koma bátnum uppá land.Með í þeim hóp er myndatökufólk.

Eitthvað eru bændur að dytta að húsum peningshúsum eða öðru þegar tími gefst til nú fyrir haustleitir. Á föstudag og laugardag  var verið að skipta um járn á 200 fermetra skemmu í Litlu-Ávík eða svonefndu Sögunarhúsi þar sem öll sögun fer fram í Litlu-Ávík. Áður var búið að skipta um járn þar á peningshúsum, í fyrra á hlöðu og fjárhúsunum  í  hitteðfyrra.

Eins voru einhverjir bændur að skipta um og endurbæta hjá sér í fjárhúsum,grindur og milliverk eða skilrúm á milli garða.

Einnig var skipt um klæðningu nú fyrir stuttu,á vélageymslunni á Gjögurflugvelli á vegum Isavia  þar sem heimamenn unnu verkið.

Félagarnir Riaan Manser og Dan Skinstad, sem róið hafa á kajak langleiðina í kringum landið undanfarna mánuði, eru nú komnir í Árneshrepp.Þeyr komu að landi í Ávíkinni sem er vík á milli Litlu og Stóru-Ávíkur og lentu við Ávíkurána um nónleytið í gær.Það bilaði hjá þeim stýri á Hornströndum á dögunum og hefur það tafið ferðalag þeirra talsvert.Fólk sem fylgir þeim eftir frá landi á tveim bílum voru í fjörunni til að taka á móti köppunum.Í dag er SV kaldi og ekki hægt að halda áfram för í dag.Ferðinni verður svo haldið áfram suður með Ströndum og yfir Húnaflóa þegar gefur.

Síðasta kökuhlaðborð sumarsins á Hótel Djúpavík verður næstkomandi sunnudag 28 ágúst og hefst klukkan tvö eftir hádegi.Gómsætar kökur og gott verð.Starfsfólk Hótels Djúpavíkur biður alla hjartanlega velkomna á þetta síðasta kökuhlaðborð sumarsins.

Nokkrir bændur fóru framá það við Hreppsnefnd Árneshrepps að seinka leitum í um eina viku frá því sem venjulegt er,og varð hreppsnefnd við því.Bændur telja að vegna kuldanna í vor og framá sumar og heyskapur var mjög seint í sumar og enn eiga nokkrir bændur eftir að slá seinnislátt (há),og tún lítið farin að spretta aftur til að hafa fé af fjalli á túnum og vika gæti gert mikið uppá að beit lagist fyrir fé sem kemur af fjalli og haft oft í um hálfan mánuð þar til slátrun hefst.

Þannig að fyrsta leitarsvæðið í Árneshreppi það er norðursvæðið (Ófeigsfarðar svæðið),verður leitað 16 og 17 september,og réttað í Melarétt þann 17 september.Og því verður syðra svæðið smalað viku seinna og réttað í Kjósarrétt 24 september.

Hér á vefnum til vinstri fyrir ofan fleiri fréttir undir Leitir haustið 2011 má sjá fjallskilaseðilinn.

Á ársfundi Byggðastofnunar á Sauðárkróki í gær var í fyrsta sinn afhent samfélagsviðurkenning Byggðastofnunar - Landstólpinn, en ætlunin er að sú viðurkenning verði afhent árlega í framtíðinni. Óskað var eftir tilnefningum um einstakling, fyrirtæki, stofnun eða sveitarfélag, síðastliðið vor. Sérstök dómnefnd fór síðan yfir tilnefningar sem bárust og ákvað að veita Jóni Jónssyni á Kirkjubóli, menningarfulltrúa Vestfjarða, viðurkenninguna að þessu sinni.

Í rökstuðningi kom fram að um nokkurs konar bjartsýnisverðlaun væri að ræða og að Jón hafi með störfum sínum vakið jákvæða athygli á sinni heimabyggð og verið ötull talsmaður ferðaþjónustu og menningar á Vestfjörðum. Þá sé hann virkur í félagsstarfi og menningarlífi og að auki frumkvöðull í uppbyggingu ferðaþjónustu, menningarstofnana og fræðastarfs á svæðinu.

Jón Jónsson hefur frá hausti 2007 starfað fyrir Menningarráð Vestfjarða sem menningarfulltrúi. Hann situr jafnframt í sveitarstjórn Strandabyggðar frá 2010 og í stjórn Fjórðungssambands Vestfirðinga. Jón stofnaði héraðsfréttavefinn strandir.is árið 2004 og hefur verið ritstjóri hans síðan.

Það virðist ætla að verða lítið um ber hér í Árneshreppi í ár.Það fólk sem hefur kíkt á berjastaði,og fréttamaður Litlahjalla hefur haft samband við,segja þetta bara vera vísara eða óþroskuð ber.Sagt er að ber stækki og þroskist þegar farið er að dimma á nóttu og geta ber því stækkað eitthvað enn.Berjaspretta var mjög góð í fyrra og þá með því albesta sem fólk mundi eftir.

Í liðinni viku voru 6 umferðaróhöpp tilkynnt  til lögreglunnar á Vestfjörðum.  Þriðjudaginn 16. ágúst var ekið á ljósastaur á Patreksfirði, þar urðu ekki slys á fólki, en bifreiðin mikið skemmd eftir og óökuhæf.  Þriðjudaginn 17. ágúst urðu tvær bílveltur, önnur á Drangsnesvegi á Ströndum, þar hafnaði bifreið á hvolfi út fyrir veg og hin á Örlygshafnarvegi þar hafnaði bifreið út fyrir veg.  Í báðum þessum tilfellum voru erlendir ferðamenn á ferð, ekki var um slys að ræða, en bifreiðarnar óökuhæfar í báðum tilfellum og fjarlægðar með krana.  Föstudaginn 19. ágúst varð árekstur á Vestfjarðarvegi í Dagverðardal í Skutulsfirði, þar skullu saman tvær bifreiðar, fjórir voru í annarri bifreiðinni, þeir voru fluttir á sjúkrahúsið á Ísafirði til skoðunar, en tveir sem voru í hinni bifreiðinni sluppu án meiðsla. Um minni háttar meiðsl var að ræða.  Bifreiðarnar voru óökuhæfar og fluttar af vettvangi með krana.  Laugardaginn 20. ágúst varð bílvelta á Bíldudalsvegi  við Bæinn Foss í Arnarfirði, þar hafnaði bifreið út fyrir veg og valt, ökumann og farþega sakaði ekki, en bifreiðin óökuhæf og flutt af vettvangi með krana.  Aðfaranótt sunndags var óhapp á Holtavörðuheiðinni, þar mættust tveir bílar, Jeppi og fólksbíll, jeppinn með hestakerru og rakst kerran utan í fólksbílinn, með þeim afleiðingum að fólksbíllinn varð óökuhæfur, ekki urðu þar slys á fólki.
Meira