Í gær var leitað norðan Ófeigsfjarðar eins og þurfa þótti og var komið til Ófeigsfjarðar um kvöldið og fé haft þar í rétt eða girtu hólfi yfir nóttina.Í dag var leitað frá Ófeigsfirði og með sjó til Ingólfsfjarðar og fjalllendið austan Húsár að Reykjarfjarðartagli ,og féð rekið til Melaréttar og var réttað þar um miðjan dag í mjög fallegu veðri,leitarmenn fengu reyndar hið besta veður báða dagana.Leitarstjóri var Björn Torfason bóndi á Melum 1.

Helgina 8.-9. október næstkomandi fer fram flugslysaæfing á Gjögurflugvelli  í Árneshreppi. Æfingin stendur yfir í tvö daga og verður fræðslunámskeið fyrri daginn og æfing þann síðari. Allir þeir einstaklingar sem eru á útkallslista Almannavarna vegna flugslysa, verða boðaðir á æfinguna. Einnig verður óskað eftir sjálfboðaliðum til að leika sjúklinga á æfingunni. Fjögur ár eru liðin frá því slík æfing var haldin á Gjögurflugvelli. Tilgangurinn með flugslysaæfingum er að samhæfa viðbrögð allra hluteigandi aðila svæðinu og sannreyna virkni flugslysaáætlunar.
Dagskráin verður þessi:
Meira

Nú um helgina byrjuðu bændur í Árneshreppi að smala heimalönd sín.Byrjað var í Trékyllisvík á föstudaginn,Naustvíkurskörð og Finnbogastaðarfjall.Og á laugardaginn Árnes og Bæjardalir.Á sunnu dag var smalað frá Gjögri,Reykjaneshyrnan og til Litlu-Ávíkur.Og síðan halda heimasmalanir áfram á bæjum þar til skildu leitir byrja.

Eins og fram hefur komið hér á vefnum var leitum frestað um viku og þar afleiðandi byrjuðu heimasmalanir um viku seinna.

Næstkomandi föstudag og laugardag verður norðursvæðið leitað og réttað í Melarétt þann 17.

Vegna óskipulagðra leita á syðsta svæðinu þar sem smalað er til Veiðileysu vantar sjálfboðaliða á fimmtudaginn 22 og föstudaginn 23.

Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum.

Áherslur við seinni úthlutun 2011

Hægt er að sækja um stuðning við hverskyns menningarverkefni, svo framarlega sem umsókn eða verkefni stangast ekki á við úthlutunarreglur sem samþykktar eru við hverja úthlutun. Umsóknir og verkefni hverju sinni eru borin saman á samkeppnisgrundvelli.
Menningarráð Vestfjarða hefur ákveðið að við seinni úthlutun ársins 2011 verði horft sérstaklega til verkefna sem uppfylla eitt eða fleiri eftirtalinna atriða:

Verkefni sem efla samstarf á sviði menningarmála á Vestfjörðum.

Verkefni sem stuðla að nýsköpun og fjölbreytni í menningartengdum verkefnum.

Verkefni sem fjölga atvinnutækifærum á sviði menningar.

Menningarstarfsemi sem styður við ferðaþjónustu.

Verkefni sem stuðla að þátttöku barna og unglinga í listsköpun og menningarstarfi.

Umsóknarfrestur er til miðnættis fimmtudaginn 6. október. Úthlutun fer fram í nóvember.

Meira

Námsvísir Fræðslumiðstöðvar Vestfjarða veturinn 2011-2012 er kominn út og verður dreift í öll hús á Vestfjörðum á næstu dögum. Þar er að finna yfirlit yfir þau námskeið og námsleiðir sem búið að er ákveða að bjóða upp á í vetur. Eins og alltaf er fjölbreytnin í fyrirrúmi og ættu flestir að finna eitthvað við sitt hæfi. Rétt er að hafa í huga að alltaf bætist eitthvað við sem ekki hefur náð inn í Námsvísinn. Það er því um að gera að fylgjast með á vef Fræðslumiðstöðvarinnar þar sem er að finna upplýsingar um öll námskeið. Hægt er að skár sig á námskeið á vef Fræðslumiðstöðvar Vestfjarða en einnig er hægt að hafa samband í síma 456 5025.Segir í fréttatilkynningu frá FRMST.
Vefur Fræðslumiðstöðvar Vestfjarða.

Í gær kólnaði aldeilis á Ströndum og víðar á norðurlandi þegar fyrsta alvöru kuldalægðin kom að norðaustanverðu landinu.

Strax í gær um hádegið voru fjöll orðin flekkótt niðrí allt að hundrað metra því á tímabili var flekkótt á svonefndu Reiðholti (þar sem fjarskiptastöð Símans er í Litlu-Ávíkurlandi við Reykjaneshyrnu). Klukkan 12:00 var hitinn komin niðrí 2,6 stig á veðurstöðinni í Litlu-Ávík og vindur NNV 10 m/s og talsverð slydda.(á Gjögurflugvelli 2,7 stig).Síðan kólnaði áfram talsvert því hiti á Sjálfvirku stöðinni á Gjögurflugvelli var 1,7 stig kl.14:00.Eftir það fór hitinn að skríða uppávið aðeins aftur og var hitinn komin rétt yfir 3 stig kl 18:00  á stöðinni í Litlu-Ávík og Gjögurflugvelli litlu minni.Um hálf fimm í gær stytti upp og engin úrkoma var í nótt,en úrkoman í gærdag frá 09:00 til 18:00 var 10,3 mm.

Sjáið fleiri myndir á Yfirlit yfir veðrið.

Fjórðungsþing Vestfirðinga haldið í Bolungarvík 2.-3. september 2011 tók fyrir verkefni vegna Sóknaráætlunar landshluta, en áætlunin er hluti af verkefni ríkisstjórnar, Ísland 20/20.  Í aðdraganda fjórðungsþingsins fór fram forval á verkefnum í samvinnu við sveitarfélög og hagsmunaaðila á Vestfjörðum,  verkefnunum var síðan forgangsraðað á þinginu. Verkefnin taka viðmið af forsendum áætlunarinnar Ísland 20/20 og samkvæmt tilmælum fjármálaráðuneytis vegna undirbúnings fjáralagagerðar.  Miðað var við val á allt að sjö verkefnum sem ætlað er að verða hluti af fjárlögum fyrir árið 2012. 

 

Niðurstaða þingsins að verkefnunum skuli raðað í eftirfarandi forgangsröð:

Meira

Nú í byrjun skólaársins fékk Finnbogastaðaskóli glæsilega gjöf frá Einari Óskari Sigurðssyni sem hefur rekið Kaffi Norðurfjörð, og pabba hans Sigurði Geirssyni.Um var að ræða glæsilegt hljómborð og statíf undir það.Börnin eru himinsæl með þessa frábæru gjöf sem kemur sér afar vel fyrir þau. Nú geta þau spilað eins og vindurinn og lært á það í tónmennt hjá henni Rósu kennara. Einar bað þau öll að læra eitt lag fyrir jólaskemmtunina og það ætla þau að gera.
Vefur Finnbogastaðaskóla.

56. Fjórðungsþing Fjórðungssambands Vestfirðinga var haldið í félagsheimilinu í Bolungarvík föstudaginn 2. september og laugardaginn 3. september síðastliðinn. Mættir voru 36 þingfulltrúar frá níu sveitarfélögum ásamt ýmsum gestum.
Fyrirkomulag þingsins var með nokkuð breyttu sniði í ár, á föstudaginn fór fram hópavinna þar sem dregin var saman framtíðarsýn sveitarstjórnarfulltrúa á stoðkerfi atvinnu og byggðar. En seinni daginn fóru fram umræður og forgangsröðun verkefna vegna Sóknaráætlunar landshluta. Auk þeirrar stefnumótunarvinnu sem fór fram á þinginu voru einnig samþykktar eftirfarandi ályktanir.

 

Fjórðungsþing Vestfirðinga fagnar þeirri ákvörðun iðnaðarráðherra og umhverfisráðherra að Hvalárvirkjun hafi verið sett í nýtingarflokk í þingsályktunartillögu um áætlun um vernd og orkunýtingu landsvæða.  Um mikið hagsmunamál Vestfirðinga er að ræða og því gleðilegt að nú sé þessi virkjunarkostur loks að verða raunhæfur.

Meira

Í liðinni viku voru þrír ökumenn sektaðir fyrir of hraðan akstur í umdæmi lögreglunnar á Vestfjörðum. Sá sem hraðast ók mældist á 111 km. hraða þar sem hámarkshraði er 90 km/klst. Þá var einn ökumaður grunaður um akstur undir áhrifum áfengis í vikunni. Sá reyndist heldur ekki vera með gild ökuréttindi. Í vikunni gaf lögreglan ökumönnum sem töluðu í farsíma sérstakan gaum og var einn kærður fyrir að nota ekki handfrjálsan búnað.

Lögreglan óskar eftir vitnum að árekstri sem mun hafa átt sér stað á bifreiðastæði við Brunngötu á Ísafirði. En þá var ekið utan í mannlausa Subaru Legacy bifreið, rauða að lit. Sá er árekstrinum olli gerði ekki vart við sig. Atvikið mun hafa orðið á tímabilinu frá kl.03:00 til 15:00 föstudaginn 26. ágúst sl. Sími lögreglunnar er 450 3730.

Meira