Á föstudag var tilkynnt um slys við bæinn Fjörð á Skálmarnesi, þar hafði maður fengið nagla úr naglabyssu í fótinn og var hann fluttur með sjúkrabíl á slysadeild í Reykjavík. Unnið var að viðgerð á þaki þegar óhappið átti sér stað.  Að öðru leiti var tíðinda lítið hjá Lögreglunni á Vestfjörðum. . Umferð á þjóðvegum gekk vel og  án óhappa  og ökumenn stilltu hraða sinn í hóf.  Skemmtanahald gekk víðast hvar vel fyrir sig fyrir utan að nokkrir unglingar  voru til vandræða vegna ölvunar og óspekta á  Ísafirði.

Vegagerðin hefur kynnt á vef sínum 2,8 km langa vegaframkvæmd á Strandavegi (643), af Djúpvegi í botni Steingrímsfjarðar að Geirmundarstaðavegi í mynni Selárdals.
Jafnframt er fjallað um breytta legu Staðarvegar og Stakkanesvegar og tengingu Grænaness við Strandaveg. Ekki hefur verið sótt um framkvæmdaleyfi. Heildarlengd nýrra vega er tæpir 4,0 km og eru að mestu nýlagnir. Nýjar veglínur liggja að mestu leiti fjarri núverandi vegum.
Nýr kafli Strandavegar verður 8,0 m breiður. Aðrir vegir verða 4,0 m breiðir. Framkvæmdin er lokaáfanginn við að leggja bundið slitlag á leiðina milli Hólmavíkur og Drangsness.  
Framkvæmdasvæði er í Strandabyggð og nýir vegir liggja um lönd jarðanna Hrófbergs, Stakkaness og Grænaness.
Stefnt er að því að framkvæmdir við verkið hefjist 2011 og að verklok verði 2012. Vegagerðin telur að framkvæmdin muni ekki hafa umtalsverð umhverfisáhrif.
Tilgangur framkvæmdarinnar er að auka greiðfærni og umferðaröryggi.
Framkvæmdin telst ekki matskyld skv. 5. gr. laga um mat á umhverfisáhrifum nr. 106/2000 með síðari breytingum.
Nánar á vef Vegagerðarinnar.

Það voru miklar tilfæringar og fésin hjá verktakafyrirtækinu Tak-Malbik í Borgarnesi, að koma mölunar og hörpunarsamstæðunum norður sem sér um mölun og hörpun á yfirkeyrsluefninu fyrir Vegagerðina hér norður í Árneshreppi.

Menn urðu að selflytja þessi stóru tæki yfir brýr og eða fara á vaði yfir nokkrar ár því ekki var talið að brýr mundu þola  þennan mikla þunga,allt uppí 40.tonn.Síðan að setja tækin aftur á dráttarvagna.

Taks-menn byrjuðu á föstudag í síðustu viku að koma tækjunum norður og komust með síðasta tækið á sunnudagskvöld.

Nú er byrjað að mala og harpa efni í svonefndum Hlíðarhúsum við Urðarfjall,þar sem vegurinn liggur til Norðurfjarðar,og einnig verður malað efni við Gjögur og Byrgisvík og einnig Sýruvík sem er fyrir sunnan Kaldbaksvíkurkleyf eða fyrir norðan Eyjar í Kaldrananeshreppi.Malað verður 3.000 rúmmetrar á hvorum stað eða 12.000 rúmmetrar í heild.

Að sögn Jóns Harðar Elíassonar rekstrarstjóra hjá Vegagerðinni á Hólmavík hefur aldrei verið malað eins mikið efni í Strandaveg 643 fyrr.
Aldrei hefur komið svona stór mölunarsamstæða fyrr norður í Árneshrepp til að mala og harpa malarefniefni fyrir Vegagerðina.

Nú í vikunni setti Sorpsamlag Strandasýslu upp gám fyrir endurvinnanlegt sorp á Norðurfirði,enn aðalstöðin fyrir endurvinnanlegan sorpúrgang verður þar og einnig fyrir spilliefni.

Hreppsbúar verða sjálfir að koma hinu endurvinnanlega sorpi þangað.Það er að ekki verða tunnur við heimili sem sorpsamlagið losar.

Gámar undir sorp sem fer í urðun eru á fjórum stöðum í hreppnum,það er á aðalmóttökustöðinni á Norðurfirði,í Trékyllisvík,fyrir ofan Gjögur og í Djúpavík.

Sorpi sem hægt er að skila flokkuðu í móttökugáminn á Norðurfirði eru eftirtalin:

Pappír,slettur pappír,bylgjupappír,ólitað og litað plast,hart plast.

Málmar,gler,postulín og flísar skulu fara í eldri gámana áfram.

Einnig er á Norðurfirði gámur fyrir spilliefni.

Stjórn Fjórðungssambands Vestfirðinga fjallaði á fundi sínum mánudaginn 4.október s.l.um áhrif tillagana í fjárlagafrumvarpi 2011.Í framhaldi fundarins hefur verið samin ályktun þar sem varað er eindregið við niðurskurði í heilbrygðismálum á Vestfjörðum.
Stjórn Fjórðungssambands Vestfirðinga mótmælir því harðlega þeim áformum er varða niðurskurð í starfsemi heilbrigðisstofnana á Vestfjörðum. Ekki verður séð hvernig hægt er að bregðast við slíkum niðurskurði án fækkunar starfa. Stofnanir sem hafa á síðustu árum, þrátt fyrir uppgang í atvinnulífi og rekstri hins opinbera, unnið að hagræðingu í rekstri þeirra og hafa fengið viðurkenningu fyrir. Þannig hefur tekist til þessa í samvinnu við stjórnvöld að vinna að hagræðingu í rekstri en með sem minnstri skerðingu á þjónustu og öryggi íbúa. Þær tillögur fjárlagafrumvarps sem nú liggja fyrir eru hinsvegar í hróplegu ósamræmi við þessa stefnu og almennt við stefnu stjórnvalda um þjónustuframboð, öryggismál og byggðaþróun.  Helstu þættir sem hér er hægt að tilgreina.
Nánar á vef Fjórðungssambands Vestfirðinga.

Það hefur snjóað niðurá láglendi á stöku stað hlémegin fjalla hér í Árneshreppi í nótt.

Við bæinn Mela er að sjá hvítt í sjó fram allavega niður að Melarétt.

Það hefur líka snjóað í Árnesfjallið og Árnesdalinn niðrað láglendi.

Í Örkinni og í Finnbogastaðafjalli hefur aðeins snjóað fyrir ofan ca 500 metra hæð.

Hitastigið á veðurstöðinni í Litlu-Ávík fór ekki niðrí nema 4,4 stig og við jörð 4,1 stig,enda stöðin rétt við sjóinn.

Nú er að draga úr Norðan og Norðaustanáttunni,enn mjög hvasst var í gærkvöldi af NNA eða18 til 23 m/s ,og á að vera orðið sæmilegt veður í kvöld,samkvæmt veðurspám,og jafnvel suðlæg vindátt á morgun.

Myndirnar sem fylgja hér með,teknar frá Litlu-Ávík til Mela og Árnesfjalls,eru slæmar vegna rigningarinnar og myndatökumaður hristist í vindinum.

Fréttatilkynning.
Laugardaginn 23. október á Hólmavík
Sunnudaginn 24. október í Árneshreppi

 Saumað er úr íslensku lambsleðri - skreytt með roði (4 teg í boði), smálambi eða strútsfót. Saumuð verður einföld handtaska sem auðvelt er að breyta og gera að sinni eigin. Nemendur læra að byggja upp töskuna, fóðra og setja renndan vasa og GSM vasa innan í töskuna. Setja í segulsmellu, nota hnoð, kósa, sylgju eða D. Nemendur þurfa að hafa með sér saumavél, góð skæri, leðurnálar í saumavélina (stærð 90 - 120). Einnig er gott að hafa ef nemendur eiga, skurðarmottu - stiku og hníf, góðan heftara og grófari tvinna, fitupenna ef hann er til á bænum. Nemendur þurfa að hafa grunnkunnáttu á saumavél.

Verð á námskeiðið er fyrir utan efniskostnað. Hráefniskostnaður er 12.000 kr., inni í því er allt hráefni í töskuna nema leður til skreytingar ef vill (roð - smálamb - strútur) verð á því getur hlaupið á .1000- 5.000 kr.

Kennari: Sigrún Indriðadóttir hjá Rúnalist.

Staður: Grunnskólinn á Hólmavík.Í Árneshreppi staður ekki alveg ákveðinn annað hvort í Finnbogastaðaskóla eða í félagsheimilinu Árnesi Trékyllisvík.

Fjöldi kennslustunda: 8

Verð: 21.000.-

 
Átt þú rétt á styrk til námskeiða hjá þínu stéttarfélagi?

Krisín Sigurrós Einarsdóttir verkefnastjóri hjá Fræðslumiðstöð Vestfjarða veitir einnig þjónustu fyrir Verkvest og getur aðstoðað við að kanna styrkmöguleika hjá öðrum stéttarfélögum:
stina@holmavik.is

gsm 8673164

vs 4510080

Nokkurri fjárhæð var veitt óvænt í vegaframkvæmdir í Árneshreppi nýlega,og hóf Vegagerðin framkvæmdir strax í síðustu viku.

Tækjum og tólum var komið norður fyrir síðustu helgi,og byrjað að merkja veginn þar sem á að hækka hann upp.

Það er kaflinn frá Ávíkurá um svonefndan Lummuflóa yfir Reiðholtið og í Reykjaneshyrnunni út að Reykjanesgili.

Efni er tekið í Stóru-Ávíkurlandi fyrir framan svonefnt Hraun,þar var mokað ofan af til að komast í gott malarefni til ofaní keyrslu,síðan verður mokað þar jarðveginum yfir aftur og gengið frá malargrifjunum sem best verður á kosið.

Byrjað var að keyra ofaní veginn á föstudaginn var,og nú alla þessa viku verður keyrt í veginn.

Undirlagið er valtað,síðan verður keyrt fínna efni yfir þennan kafla sem verður tekin fyrir núna í haust.

Í liðinni viku var tilkynnt um fjögur umferðaróhöpp í umdæmi lögreglunnar á Vestfjörðum. Þrjú af þeim voru minniháttar og ein bílvelta á Djúpvegi/ Steingrímsfjarðarheiði ,ökumaður og farþegi sluppu án teljandi meiðsla.

Þá voru fjórir ökumenn stöðvaðir fyrir of hraðan akstur í og við Ísafjörð og sá sem hraðast ók, var mældur á 116 km/klst., þar sem hámarkshraði er 90 km/klst.

Þá hefur  lögregla verðið með átak í gangi í umdæminu vegna lagningu ökutækja og áminnt þó nokkuð marga eigendur/umráðamenn ökutækja og veður því haldið áfram næstu daga.

Skemmtanahald í umdæminu fór vel fram um helgina og án teljandi afskipta lögreglu.

Menningarráð Vestfjarða hefur auglýst eftir styrkumsóknum vegna seinni úthlutunar Menningarráðsins árið 2010. Til úthlutunar verða um það bil 15 milljónir að þessu sinni, en frá því að ráðið var stofnað á árinu 2007 hefur það styrkt fjölmörg verkefni og hafa einstakir styrkir verði á bilinu 50 þúsund til 1,5 milljón. Hægt er að sækja um stuðning við alls kyns afmarkaðra menningarverkefna, en samkvæmt ákvörðun stjórnar Menningarráðsins verður að þessu sinni litið sérstaklega til menningarverkefna sem fela í sér eftirtalda þætti:

a. Eflingu samstarfs á sviði menningarmála á svæðinu

b. Nýsköpun í verkefnum tengdum menningu

c. Fjölgun atvinnutækifæra í tengslum við menningarstarf á svæðinu

d. Eflingu menningartengdrar ferðaþjónustu og ferðatengdrar menningarstarfsemi

Bent er á að nánari upplýsingar má finna á vefsíðu Menningarráðs Vestfjarða þar sem meðal annars má finna úthlutunarreglur, upplýsingar um fyrri styrki og rafrænt umsóknareyðublað.

Einnig gefur menningarfulltrúi Vestfjarða allar nánari upplýsingar í s. 891-7372 eða menning@vestfirdir.is.
 Umsóknarfrestur er til og með 27. október 2010.