Nýr framkvæmdastjóri Vesturferða sendi eftirfarandi orðsendingu og kynningu á fyrirtækinu:
Hún hefur nú orðið:
Sælir ferðaþjónar og áhugamenn um ferðaþjónustu á Vestfjörðum,

Kristjana Milla heiti ég og er Snorradóttir. Ég er nýtekin við starfi Elíasar Oddsonar sem framkvæmdastjóri Vesturferða og langaði að kynna mig fyrir ykkur í nokkrum orðum.

Ég hóf störf hjá Vesturferðum í febrúar á þessu ári og var einnig í sumarstarfi við móttöku farþega á skemmtiferðaskipum sumarið þar áður. Ég hef því fengið tækifæri til að kynna mér starfsemi Vesturferða og að vinna með sumum ykkar.

Ég er nú á fullu við að koma mér inn í hlutverk mitt hjá Vesturferðum og skipuleggja og útfæra hvaða áherslur ég vil sjá í starfi Vesturferða.

Vesturferðir voru stofnaðir árið 1993, og er því ein af elstu ferðaskrifstofum landsins. Vesturferðir voru stofnaðir m.a. til þess að veita þjónustu til ferðamanna um alla Vestfirði allt árið um kring.

Framtíðarsýn mín er að styrkja þessa sérstöðu Vesturferða, að vera stærsta og eina ferðaskrifstofan á Vestfjörðum sem býður upp á ferðir um alla Vestfirði allt árið um kring.

Markmið mitt er að Vesturferðir séu sérfæðingar þegar kemur að ferðaþjónustu á öllum Vestfjarðakjálkanum.

Að mínu mati þurfum við ferðaþjónar á öllu svæðinu að vinna saman að því að auka ferðamannastrauminn til okkar. Öll erum við fulltrúar Vestfjarða og öll eigum við hag af því að koma fólki út fyrir hringveginn.

Vesturferðir eru bæði ferðaskrifstofa og ferðaskipuleggjandi (Tour Agency og Tour Operator), þannig að við komum bæði að því að skipuleggja og framkvæma ferðir en einnig að því að auglýsa og bóka fyrir aðra ferðaskipuleggjendur og ferðaþjóna. Ferðamenn eiga að geta leitað á einn stað og þar eiga möguleika á að fræðast um og bóka í afþreyingu, gistingu og annað um allann kjálkann.

Meira

Fréttatilkynning:
Ferðamálastofa auglýsir styrki til úrbóta í umhverfismálum fyrir árið 2011. Sérstök áhersla verður lögð á öryggismál á ferðamannastöðum, verkefni þar sem heildrænt skipulag og langtímamarkmið eru höfð að leiðarljósi og aðgengi fyrir alla.

Ferðamálastofa byggir umhverfisstefnu sína á sjálfbærri og ábyrgri ferðamennsku enda er náttúra Íslands sú auðlind sem ferðaþjónustan á Íslandi byggir á til framtíðar. Mikilvægt er að byggja upp innviði sem geta tekið á móti vaxandi fjölda ferðamanna, tryggt öryggi þeirra eftir bestu getu og boðið upp á nauðsynlega þjónustu. Jafnframt þarf að gæta þess að allar áætlanir og framkvæmdir á ferðamannastöðum séu byggðar á vandaðri greiningu og rannsóknum og unnar af mikilli varkárni og virðingu fyrir viðkvæmri náttúru Íslands og sögu. Hönnuðir og skipuleggjendur ferðamannastaða þurfa því að hafa næmt auga fyrir því hvort, og þá hvar og hvernig, mannvirkjum er valinn staður þannig að þau skerði ekki ásýnd hans en ýti fremur undir sérstöðu staðarins og þá upplifun sem ferðamaðurinn sækist eftir.
Umsóknarfrestur er til og með 20.desember 2010.Umsóknir sem berast eftir það eru ekki teknar gildar.
Nánar á vef Ferðamálastofu www.ferdamalastofa.is

Flugvél Landhelgisgæslunnar TF-SIF fór í fyrradag í eftirlits- og gæsluflug fyrir Norðurland, Vestfirði, um Vestur- og Suðvesturmið. Þegar flogið var um Vesturmið sáust á radar ís eða ísdreifar innan við 30-50 sjómílur frá strönd Grænlands . Austast var ísinn staðsettur 135 sml NNV af Horni eða 50 sjómílur fyrir utan íslensku efnahagslögsöguna. Syðst var hann 112 sml NV af Barða eða 23 sjómílur fyrir utan efnahagslögsöguna.

Í fluginu var einnig haft samband við tvö erlend skip sem ekki höfðu tilkynnt siglingu sína innan efnahagslögsögunnar til stjórnstöðvar Landhelgisgæslunnar en annað skipanna var með bilun í auðkenningarbúnaði. Höfðu skipin leitað vars í nágrenni við landið vegna veðurs.

Skólastjóri Finnbogastaðaskóla Elísa Ösp Valgeirsdóttir og Hrefna Þorvaldsdóttir komu með nemendurna Júlíönu Lind Guðlaugsdóttur,Ástu Þorbjörgu Ingólfsdóttur og systkinin Kára og Þóreyju Ingvarsbörn ásamt aukanemandanum Karítas Sigurðardóttir sem er gestanemandi í smátíma,í starfskynningu á Veðurstöðina í Litlu-Ávík í gær.

Veðurathugunarmaðurinn þar sýndi þeim tildæmis úr hvernig skýjum hin ýmsa úrkoma gæti komið,en éljaský voru einmitt á lofti í gær,einnig sýndi  hann þeim bækur með myndum af hinum ýmsu skýjum.

Börnunum þótti skrýtið þegar veðurathugunarmaður sýndi þeim hvernig veður er sent,það er tildæmis ekki sagt snjóél á síðustu klukkustund,heldur er gefin upp talan 26 og veður þá á milli athugana ef él hafa verið 88.

Eins ef er rigning þá er skrifuð talan 6366,allt gefið upp í kvóta.

Einnig var þeim sýnd hvernig úrkoman er mæld og hitamælar hámarks og lágmarks,hvernig þeyr virka og ýmislegt fleira.
Veffang Finnbogastaðaskóla ER HÉR.

S.l. vika var tíðindalítil hjá lögreglunni á Vestfjörðum. Skemmtanahald um liðna helgi fór vel fram og án teljandi afskipta lögreglu.Talsverð umferð var í umdæminu um helgina og bar þar mest á rjúpnaveiðimönnum.

Þrjú minniháttar umferðaróhöpp voru tilkynnt til lögreglu og tveir ökumenn stöðvaðir og kærðir fyrir of hraðan akstur í nágrenni Ísafjarðar.

Þeir feðgar Kristján Andri Guðjónsson og Guðjón Arnar Kristjánsson reistu sér sumarhús hér í Árneshreppi í haust.

Húsið er byggt í Steinstúnslandi í svonefndum Giljaparti sem er ofan við Síkið,rétt þar sem vegurinn liggur til Krossness úr Norðurfirðinum.

Húsið var reist af tveim smiðum seint í október á tæpri viku,húsið er um 25 fermetrar að stærð og var gert fokhelt.

Næsta sumar verður það innréttað.

Efnið í húsið var komið fyrir tveim eða þrem árum á Drangsnes,en þá stóð til að flytja efnið norður á Strandir þaðan.

Ætlun þeirra feðga var að byggja húsið í Reykjarfirði nyrðri á Ströndum en þegar til kom fékkst ekki byggingarleyfi hjá landeigendum þar.

Enn síðan varð niðurstaðan sú að þeir fengu leyfi hjá landeigendum á Steinstúni við Norðurfjörð.

Kristján Andri hefur nú undanfarin vor stundað grásleppuveiðar frá Norðurfirði á bát sínum Sörla ÍS-66.

Allir þekkja Guðjón Arnar sem var þingmaður Vestfjarða og síðar Norðvesturkjördæmis til margra ára.

Samkvæmt vef Vegagerðarinnar er verið að opna veginn norður í Árneshrepp.

Mokað er frá Bjarnarfirði að sunnan og frá Gjögri í Norðri.

Þannig að mokað er beggja megin frá með veghefli og moksturstæki Árneshrepps.

Að sögn vegaverkstjóra hjá Vegagerðinni á Hólmavík verða mokstursdagur einu sinni í viku,fram til 5 janúar 2011,það er á þriðjudögum,en því má hnika til vegna veðurs.

Ófært hefur verið síðan á þriðjudag eftir Norðaustan hretið.

Nú stendur yfir snjómokstur hér innansveitar í Árneshreppi frá Norðurfirði til Gjögurs.

Talsverður  snjór er í svonefndum Urðum og á milli Stóru og Litlukleifa,annars er minna frá Trékyllisvík og til Gjögurs.

Það er líka talsverður klammi á veginum þar sem þunnt snjólag var,þegar blotnaði aftur í því í gær enn frosið er við jörð,og er víða hált.

Þetta mun vera fyrsti snjómoksturinn hér innansveitar í Árneshreppi á þessum vetri.

Rafmagn hefur verið stöðugt frá í gærkvöldi.

Í gærkvöldi frá því rúmlega sex var rafmagn að fara af annað slagið hér í Árneshreppi.

Að sögn starfsmanns Orkubús Vestfjarða á Hólmavík var orsökin aðallega sú að samsláttur var á Drangsneslínu,eftir að rafmagni til Árneshrepps var flutt yfir á aðra línu um áttaleytið í gærkvöld var rafmagn orðið stöðugt og hefur verið það í allan dag þótt blindbylur sé og Norðan 20 til 24 m/s og frost orðið um tvö stig.

Veðrið í Október 2010.

Yfirlit yfir veðrið frá Veðurstöðinni í Litlu-Ávík.

Mánuðurinn var nokkuð hlýr fram til 16,enn þann 17 fór veður kólnandi með NA og N áttum,og var veður nokkuð rysjótt út mánuðinn.

Jörð á láglendi varð fyrst flekkótt þann 22,og mældist fyrsta snjódýpt að morgni 24,en taldist aldrei alhvít í mánuðinum.

Fjöll voru alhvít í fyrsta sinn að morgni 24,enn í fyrra urðu fjöll fyrst alhvít 25 september,eða um mánuði fyrr en í ár.

Uppskera úr matjurtagörðum var þokkaleg.(þetta átti að fylgja september yfirlitinu).

Yfirlit dagar vikur.

1:Breytilegar vindáttir,andvari,kul eða gola,þurrt í veðri,hiti 4 til 10 stig.

2-3:Austnorðaustan allhvasst og stinningskaldi í fyrstu,síðan síðan breytileg vindátt með andvara,rigning,hiti 5 til 10 stig.

4-7:Norðaustan og Norðan,stinningsgola og kaldi,en allhvass og hvassviðri þ.5,síðan stinningskaldi og stinningsgola,rigning eða súld,hiti 4 til 8 stig.

8:Suðvestan mest gola,súld,hiti 4 til 9 stig.

9-16:Suðlægar eða breytilegar vindáttir,andvari,kul eða gola,súld,rigning eða skúrir,hiti 3 til 12 stig.

17-18:Norðan stinningskaldi eða kaldi,talsverð rigning þ.17,hiti 2 til 5 stig,kólnandi veður.

19-Suðvestan og V,kaldi síðan gola,þurrt,hiti 0 til 5 stig.

20-25:Norðaustan gola,stinningsgola eða kaldi,él,hiti frá -2 stigum uppí +4 stig.

26-31:Norðaustan kaldi,stinningskaldi eða allhvass,rigning,skúrir síðan él,hiti frá -2 stigum uppí +6 stig.

Meira