Nú er búið að vera þurrt að mestu frá 9 júlí og varla komið dropi úr lofti síðan.

Er nú farið að bera á neysluvatnsleysi víða,sérstaklega þar sem eru litlar safnþrær,og á það sérstaklega við þar sem er búið yfir sumarið,svo sem á Eyri í Ingólfsfirði og bænum Ingólfsfirði í botni Ingólfsfjarðar og sumstaðar á Gjögri.
Víða eru ár rétt við bæi þar sem hægt er að sækja vatn í.
Einnig er að verða vatnslítið í Litlu-Ávík og víðar.

Þar sem vatnslaust er er ekki hægt að þvo þvott í þvottavélum heldur verður að hita vatn og þvo í bala og taka gamla góða þvottabrettið fram.

Þessi mikla rigning sem var í byrjun júlí er talin bjarga miklu að ekki varð vatnsleysi fyrr.

Einnig var mjög þurrt í júní.

Opnun myndlistarsýningar í Galleríi Gránu, Síldarminjasafninu á Siglufirði.

Sýningin  Lýðveldið á planinu  verður opnuð  fimmtudaginn 29. júlí, kl. 17  í Galleríi Gránu, Síldarminjasafninu á Siglufirði. Boðið verður upp á léttar veitingar í tilefni dagsins.

Sýningin er hluti af eins konar sýningargjörningi hóps átta listamanna. Umfjöllunarefnið er sótt í ólíka kima hins íslenska lýðveldis, menningu, náttúru og ólíkt rými sýningarstaða sem gjarnan tengjast atvinnusögu þjóðarinnar.

Hópurinn hefur gert víðreist og sýnt í óhefðbundnu sýningarhúsnæði svo sem í hlöðu við Mývatn, í yfirgefnum verbúðum í Ingólfsfirði á Ströndum, í húsnæði gömlu ullarverksmiðjunnar að Álafossi og nú síðast í Gamla kaupfélaginu á Þingeyri í maímánuði síðastliðnum.

Upphaf samstarfs listamannanna má rekja til sýningarinnar ,,Lýðveldið Ísland" sem haldin var í Þrúðvangi, Álafosskvosinni árið 2004 og tileinkuð var 60 ára afmæli íslenska lýðveldisins.

 

Listamennirnir sem sýna eru:

Anna Jóa, Bryndís Jónsdóttir, Guðbjörg Lind Jónsdóttir, Hildur Margrétardóttir,

Hlíf Ásgrímsdóttir, Kristín Geirsdóttir, Kristín Jónsdóttir frá Munkaþverá, Ólöf Oddgeirsdóttir

 

Sýningin stendur frá 29. júlí til 31. ágúst 2010. Opið alla daga kl. 10-18 og kl. 13-17 frá 21. ágúst.

Mikið hefur verið um að vera í húsi Ferðafélags Íslands Valgeirsstöðum í Norðurfirði í sumar.
"Að sögn Helgu Garðarsdóttur skálavarðar hafa stórir sem stærri hópar komið,farið í gönguferðir í nágrenninu eða farið með bátnum Sædísi norður á Strandir,en haft bækistöð í sæluhúsinu í Norðurfirði.
Einnig var stórt ættarmót á síðustu helgi og þessa helgi er stór hópur á ferð.
Ennfremur segir Helga skálavörður að oftast sé fullt á tjaldstæðinu."
Í sumar voru settir upp rafmagnstenglar á tjaldstæðið fyrir fellihýsi og hjólhýsi sem þykir vinsælt til að kynda húsin hlaða rafgeyma og síma og tölvur.
Sæluhús FÍ í Norðurfirði nefnist Valgeirsstaðir og er gamalt íbúðarhús í góðu standi. Það stendur við botn Norðurfjarðar, rétt ofan við fallega sandfjöru.

Í húsinu er veiturafmagn og það er hitað upp með rafmagni. Húsið er tvær hæðir. Á efri hæð eru fjögur svefnherbergi sem rúma frá einum og upp í fjóra gesti. Á neðri hæð eru fjögur herbergi sem taka frá þremur upp í sex gesti. Samtals tekur húsið 20 manns. Þar er einnig borðstofa og velbúið eldhús. Í eldhúsinu er heitt og kalt vatn, rafmagnseldavél með ofni, örbylgjuofn og allur borðbúnaður. Í húsinu er sturta og tvö salerni. Í 10 mínútna göngufæri frá húsinu er verslun og sundlaug er á Krossnesi, ekki ýkja langt í burtu.

Fjölmargar spennandi gönguleiðir um stórbrotið land eru í nágrenninu. Má þar nefna göngu á Töflu, Kálfatinda, Munaðarnesfjall og Krossnesfjall. Einnig eru hægt að fara í lengri gönguferðir, s.s. yfir í Ingólfsfjörð og kringum Strút. Ekki má gleyma töfraheimi fjörunnar. Þar er að sjá tröllasmíð eins og Tröllahlaða og Bergið. Einnig er þar Gvendarsæti sem Guðmundur góði biskup sat í er hann vígði Urðirnar í Norðurfirði.

Nú á dögunum þegar Björn bóndi Torfason á Melum var að rúlla hey á Krossnesi fór ein heyrúllan á stað og hafnaði í fjörunni.

Mjög brött tún eru á Krossnesi þarna inn með Norðurfirðinum og verða þeyr sem eru að rúlla að fara mjög varlega,og þegar rúllan er losuð af verður að snúa á hlið við brekkuna eða uppámóti sem og var gert.

Að sögn Björns fór rúllan ekki strax á stað eftir að hún var komin af rúlluvélinni,svo allt í einu tekur Björn eftir því að rúllan fer að velta á stað og ætlaði að reina að keyra fyrir hana en náði ekki.

Rúllan var komin á mikla ferð sleit niður girðingu yfir skurð sem er fyrir ofan veginn og yfir veginn og hentist síðan fram af bökkunum og hafnaði í fjörunni rétt ofan við sjávarmál.

Lán þykir að engin bíll var á veginum hné neinn á gangi þar.

Nú hafa nokkrir bændur lokið heyskap eins og á Kjörvogi og í Litlu-Ávík,á þeim bæjum verður engin seinni sláttur,aðrir eru að heyja eða stopp þar til seinni sláttur hefst og slegin há.

Miklu minni heyföng eru í ár enn í fyrra en þá heyjaðist með besta móti.

Í Litlu-Ávík heyjaðist 52.rúllum minna en í fyrra.Á Kjörvogi var sennilega lélegasta sprettan enn þar eru um hundrað rúllum minna enn í fyrra.

Sigursteinn Sveinbjörnsson bóndi í Litlu-Ávík létu þau á Kjörvogi heyja 44 rúllur á hjáleigunni á Reykjanesi,enn óvenju miklar fyrningar voru í Litlu-Ávík eftir frá í fyrra.

Bændur telja þó ekkert heyleysi verða í hreppnum því flestir eiga talsverðar fyrningar frá því í fyrra og margir slá aftur seinni slátt það er há.

Vestfjarðaferð Fornbílaklúbbs Íslands.

Vikuna 23 til 30 júlí standa félagar úr fornbílaklúbbi íslands fyrir stórferð um Vestfirði.

Félagar úr klúbbnum munu keyra saman frá félagsheimili sínu við Rafstöðvarveg í Reykjavík kl.14.00 föstudaginn 23.júlí. 

Stefnan verður tekin á Hólmavík þar sem gist verður fyrstu nóttina. 

Á Laugardeginum munu bílarnir  verða á ferð um strandir og koma við í Djúpuvík og enda um kvöldið í Reykjanesi við Ísafjarðardjúpi.

Sunnudagurinn 25.júlí verður tekin í að aka norður Djúpið og endað í Bolungavík með viðkomu á Súðavík og Ísafirði. 

Mánudagurinn 26.júlí fer í að aka suður að Þingeyri þar sem gist verður næstu nótt, með viðkomu á Suðureyri og Flateyri.

Næsta dag verður ekið suður til Patreksfjarðar með viðkomu á Bíldudal og Tálknafirði. 28.júlí verða félagarnir svo á ferð frá Patró að Flókalundi. 

Síðasta daginn verður ekin Barðaströndin að Bjarkalundi og Reykhólum.

 

Frekari upplýsingar er að finna á fornbill.is

Ákveðið hefur verið að ráða Ingibjörgu Valgeirsdóttir sveitarstjóra Strandabyggðar næsta kjörtímabil. Ingibjörg starfar nú sem framkvæmdastjóri í eigin fyrirtæki Assa - þekking & þjálfun. Ingibjörg hefur lokið MBA námi við Háskólann í Reykjavík og er með BA próf í uppeldis- og menntunarfræðum. Hún hefur m.a. unnið við starfsmanna- og stjórnendaþjálfun og séð um framkvæmdastjórn í verkefnum á borð við hvatningarátakið Til fyrirmyndar og Stefnumót á Ströndum. Ingibjörg hefur mikla reynslu af vinnu með ungu fólki í vanda og var um tíma forstöðumaður unglingasmiðjunnar Stígs.

Ingibjörg kemur til starfa í september, en þangað til sjá oddvitar Strandabyggðar um framkvæmdastjórn í sveitarfélaginu.
Ingibjörg Valgeirsdóttir er frá Árnesi 2 í Trékyllisvík hér í Árneshreppi. 
Þetta kemur fram á vef Strandabyggðar.

Tilkynnt var til lögreglu í liðinni viku um að ekið hafi verið á 7 lömb og eina kind. Enn og aftur vill lögregla kom því að framfæri við ökumenn að gæta varúðar þegar ekið er um þjóðvegina hér á Vestfjörðum að sauðfé er víða meðfram vegum.

10 umferðaróhöpp voru tilkynnt til lögreglu þar af tvö  um slys á fólki og í bæði skiptin í nágrenni við Hólmavík á Djúpvegi, þjóðvegi nr. 61. Fyrra skiptið var miðvikudaginn 14. Júlí þar var um útafakstur að ræða, ökumaður fluttur á heilsugæslustöðina á Hólmavík og síðan með sjúkraflugi til Reykjavíkur. Síðara slysið varð einnig á Djúpvegi, ekki langt frá Hólmavík, þar var einnig um útafakstur að ræða, ökumaður og farþegi hans fluttur með sjúkraflugi til Reykjavíkur til frekari skoðunar.  Hin óhöppin töldust minniháttar, en þó um skemmdir á ökutækjum að ræða.

6 ökumenn voru stöðvaðir fyrir of hraðan akstur, þrír í nágrenni við Hólmavík einn á Djúpvegi og tveir innanbæjar á Ísafirði.

Fimmtudaginn 15. Júlí kviknaði í sinu við bæinn Ingunnarstaði á Skálmanesi í Reykhólahreppi, þar kviknaði hugsanlega út frá spreki sem kveikt var í kvöldið áður og greinilega hefur orðið eftir einhver glóð. Jörð var mjög þurr og var talsveður eldur.  Slökkvilið frá Reykhólum og frá Vesturbyggð var kallað á staðinn og gekk greiðlega að slökkva og talið að um einn hektari hafi brunnið.

Rétt fyrir miðjan mánuð var fjölskylda á ferð hér í hreppnum og fóru í sundlaugina að Krossnesi enn þar er engin sundlaugarvörður til að fylgjast með eða tekið á móti aðgangseyri.

Heldur eru aðeins kassar á veggjum þarna með rauf fyrir gjaldið.

Þetta væri nú ekki í frásögur færandi nema að fólkið var aðeins með greiðslukort eins og tíðkast mest í dag,og gátu því ekki borgað fyrir sig.

Þegar suður er komið sendi einn fjölskyldumeðlimurinn tölvupóst hingað á vefinn litlahjalli@litlihjalli.is til að athuga hvort vefstjóri Litlahjalla gæti bent þeim á hvar væri hægt að borga fyrir sundlaugarferðina,því þau vildu endilega borga fyrir að dveljast í þessari frábæru laug.

Þeim var þegar bent á símanúmerið og netfang á Krossnesi,þaðan er séð um Krossneslaug sem rekin er af Ungamennafélaginu Leifi Heppna.

Þar var þeim bent á reikningsnúmer fyrir sundlaugina til að leggja inná fyrir ferðina í sundlaugina,sem og þau gerðu.

Þetta er óhætt að sé kallaður heiðarleiki og það frábær heiðarleiki.

Það var annað með fyrrum bankastjóra sem fór í laugina fyrir tveim til þrem árum,og sagðist vera með svo stóra seðla og borgaði ekki þrátt fyrir ábendingar sundlaugargesta.

Nú er þessi sami maður talin einn af útrásarvíkingunum.

Drög að dagskrá 55. Fjórðungsþings Vestfirðinga liggur nú frammi til kynningar.
Stjórn Fjórðungssambands Vestfirðinga mun koma saman þann 25. ágúst n.k. til að vinna að undirbúningi þingsins.
Dagskrá Fjórðungsþings Vestfirðinga má sjá hér.