Nú er komið að hinu árlega haustballi Átthagfélags Strandamanna. Dansleikurinn  verður í Breiðfirðingabúð Faxafeni 14, 2.hæð laugardagskvöldið 17 október 2009.

Hljómsveitin Klassík leikur fyrir dansi gömlu og nýju danslögin frá kl 22:00 til kl 02:00.

Miðaverðið er aðeins 1.500 kr.

Dustið nú af dansskónum.

Félagsmenn fjölmennum og tökum með okkur gesti.

Lögreglan á Vestfjörðum hefur til rannsóknar meinta líkamsárás gagnvart ungri stúlku, þar sem grunur leikur á að eggvopni hafi verið beitt.  Atvikið átti sér stað á Ísafirði á níunda tímanum í morgun og mun árásarþoli hafa hlotið minniháttar áverka.  Karlmaður um tvítugt var handtekinn vegna málsins og hefur hann verið yfirheyrður. Hann er einnig grunaður um eignaspjöll á bifreið brotaþola.  Málið telst upplýst.

Flugfélagið Ernir hafa nú aflýst flugi til Gjögurs í dag vegna hvassviðris.
Mjög hvasst er og fara vindkviður uppi 30 m/s af suðvestri.
Athugað verður með flug eftir hádegi á morgun,enda spáð þá hægari vindi.

Samgönguráðherra opnaði formlega Djúpveg um Arnkötludal í dag. Að sögn Vegagerðarinnar styttir vegarkaflinn leiðina á milli Reykjavíkur - Hólmavíkur og Ísafjarðar um 42 km.Það blés hressilega við athöfnina í dag en starfsmenn Vegagerðinnar, heimamenn og aðrir gestir, sem voru fjölmennir, létu það ekki á sig fá.
Eftir opnun vegarins var kaffisamsæti í félagsheimilinu á Hólmavík.

Fréttatilkynning.
Eimskip óskar Vestfirðingum hjartanlega til hamingju með bættar vegasamgöngur til norðanverðra Vestfjarða.  Nýr og endurbættur vegur um Arnkötludal á milli Steingrímsfjarðar og Króksfjarðar verður formlega tekinn í notkun í dag, miðvikudaginn 14. október.  Þessar vegabætur þýða að nú er loks hægt að aka á bundnu slitlagi alla leið á milli Reykjavíkur og Ísafjarðar.    

Til að fagna þessum tímamótum í samgöngusögu Vestfjarða hefur Eimskip Flytjandi ákveðið að lækka verðskrá sína til svæðisins um 8% frá og með 1. nóvember næstkomandi og hvetur jafnframt samgönguráðherra til enn frekari vegabóta á Vestfjörðum.

Ákveðið var á stjórnarfundi Kaupfélags Steingrímsfjarðar þann 29. september síðastliðinn að efna til samkeppni um hönnun á nýju einkennismerki eða lógói fyrir félagið. Gamla merkið hefur ekki verið að skila þeim sýnileika sem ætlast til er af einkennismerkjum sem þessum. Því er gripið til þessa ráðs, að efna til hönnunarsamkeppni á nýju einkennismerki, frekar en að nota gamla merkið í meira mæli. Stefnt er á að afhjúpa vinningstillögu við opnun heimasíðu fyrir Kaupfélag Steingrímsfjarðar öðru hvoru megin við áramótin. Það er vonandi að sem flestir setjist framan við skjáinn eða taki sér blað og blýant í hönd og láti sköpunargleðina taka völdin.

 Um samkeppni þessa gildir eftirfarandi:

• Öllum einstaklingum er frjáls þátttaka.
  Dómnefnd skipar stjórn Kaupfélags Steingrímsfjarðar og kaupfélagsstjóri.
  Notast skal við einkennisstafi félagsins, KSH.
  Höfundur vinningstillögu afsalar Kaupfélagi Steingrímsfjarðar eignarrétti á verkinu og mun það þar eftir verða eign Kaupfélagsins.
  Kaupfélag Steingrímsfjarðar áskilur sér rétt til að láta fínvinna vinningstillögu ef þörf er á, tekur það sérstaklega til þess að koma merkinu á stafrænt form.
  Tillögum skal skilað á skrifstofu Kaupfélags Steingrímsfjarðar, Höfðatúni 4, 510 Hólmavík fyrir 20. nóvember 2009. Best er að skrifa á umslagið v/ einkennismerkis. Skal tillagan vera á pappírsformi,teiknuð eða útprentuð. Æskilegt er að nafn höfundar komi ekki fram á tillögunni sjálfri heldur fylgi með í lokuðu umslagi.
  Verðlaun fyrir vinningstillögu er kr. 50.000.
• Þetta kemur fram á www.strandir.is

Í s.l.viku urðu þrjú umferðaróhöpp í umdæmi lögreglunnar á Vestfjörðum.  Fimmtudaginn 8 okt varð bílvelta á Bíldudalsvegi á Hálfdán þar valt jeppi út fyrir veg og hafnaði á hliðinni, ekki slys á fólki, akstursskilyrði slæm, hálka á vegi.  Föstudaginn 9 okt hafnaði bíll útaf veginum í Mikladal, milli Patreksfjarðar og Tálknafjarðar, minniháttar tjón ekki slys á fólki, akstursskilyrði ekki góð, hálka á vegi.  Þá varð minniháttar umferðaróhapp í Bolungarvík, ekki slys á fólki.

Þá voru n nokkrir ökumenn áminntur vegna búnaðar ljósabúnaðar og fl. og vill lögregla brýna fyrir ökumönnum að huga að ljósabúnaði ökutækja sinna og búa ökutæki sín í samræmi við aðstæður.

Þrír voru teknir fyrir of hraðan akstur á Ísafirði þar sem hámarkshraði er 60 km/klst og vill lögregla benda ökumönnum á að haga akstri eftir aðstæðum.  Einn ökumaður var tekinn fyrir meinta ölvun við akstur í vikunni.

Föstudaginn 9 okt féll aurskriða á Hnífsdalsveg og lokaðist hann um tíma, þar til búið var að hreinsa veginn.

Í vikunni voru nokkrar tilkynningar til lögreglu vegna veðurs, lausir hlutir að fjúka, en engar verulegar skemmdir hlutust vegna hvassviðrisins sem gekk yfir í vikunni.

 

Um kl sjö kom rafmagn á aftur í Árneshreppi.Að sögn starfsmanns Orkubús Vestfjarða á Hólmavík er sjávarselta á línum og veldur útslætti.Ekki er því um slit að ræða eins og menn voru farnir að óttast.
En eru truflanir á rafmagni og slær út en,enn þá í stuttan tíma.
Nú er frekar að draga úr veðurhæð og minni líkur á útslætti.

Rafmagnslaust er nú í Árneshreppi á Ströndum.Orkubú Vestfjarða á Hólmavík vissi ekki um rafmagnsleysið fyrr en veðurathugunarmaðurinn í Litlu-Ávík lét vita af því um kl 06:00.

Maður er farina af stað að athuga með hvort slegið sé út á Hólmavík norður eða hvort slitið sé,kemur fljótlega í ljós.

Veður er slæmt á Ströndum um 20 m/s og kviður uppí 28 til 30m/s.af austnorðaustri en þurrt og hiti 5 stig.

Kór Átthagafélags Strandamanna syngur við messu í Dómkirkjunni sunnudaginn 11 október klukkan 11:00 séra Hjálmar Jónsson dómkirkjuprestur prédikar.

Stjórnandi kórsins er Kriztína Szklenár.

Kórinn vonar að sem flestir Strandamenn verði með þeim við þessa messu.