Umhverfisráðherra hefur ákveðið að skipa Árna Snorrason sem forstjóra nýrrar stofnunar, Veðurstofu Íslands, til næstu fimm ára.

Árni hefur starfað sem forstöðumaður Vatnamælinga Orkustofnunar frá árinu 1987.

Árni lauk doktorsnámi í vatnaverkfræði við Háskóla Illinois í Bandaríkjunum árið 1983 og hefur verið gestafræðimaður við Háskóla New Hampshire og Háskóla Arizona.

Gert er ráð fyrir að Árni Snorrason taki fljótlega til starfa sem forstjóri Veðurstofu Íslands til að undirbúa starfsemi hinnar nýju stofnunar. Hún verður stofnuð formlega þann 1. janúar næstkomandi.

Stofnunin verður til við sameiningu Veðurstofu Íslands og Vatnamælinga Orkustofnunar og mun starfa á grundvelli laga nr. 70/2008 um Veðurstofu Íslands sem samþykkt voru á Alþingi hinn 30. maí síðastliðinn. Umsóknarfrestur um stöðuna var til 11. júlí síðastliðinn og voru ellefu umsækjendur um starfið.

Starfsfólk Veðurstofu Íslands býður nýjan forstjóra velkominn og óskar honum allra heilla í starfi.
Þetta kemur fram á vef Veðurstofu Ísland www.vedur.is

Ragnar Jónsson og fjölskylda byrjaði í sumar að byggja sumarhús á Munaðarnesi.

Ragnar vinnur mest allt sjálfur og er búin að slá upp fyrir kjallara eða bílskúr en húsið verður tvær hæðir og ris.

Öll einangrun er sett í mótin um leið og að sjálfsögðu járnabinding,nú ætlar Ragnar að steypa kjallaran næstu daga.

Íbúðin sjálf eða efri hæðin verður úr timbri,húsið er um 80 fermetrar að grunnfleti.

 

Ragnar á pínulitið sumarhús ásamt fleiri systkinum sýnum sem þaug byggðu fyrir fjölda ára.

Einnig er Guðmundur fyrrum bóndi,bróðir Ragnars í sínu húsi á sumrin,enn Munaðarnes fór í eyði árið 2005.

Ragnar er frá Munaðarnesi og uppalin þar,en á nú heima í Hafnarfirði og er verkstjóri hjá Vatnsveitu Hafnarfjarðar.

Veðrið í júlí 2008.

Yfirlit yfir veðrið frá Veðurstöðinni í Litlu-Ávík.

Sláttur hófst hjá bændum 6 og heyskapur byrjaður að fullu eftir fyrstu helgi mánaðarins.Heyskapur gekk ílla vegna vætutíðar og óþurrka í mánuðinum,enn flestir bændur samt búnir með fyrrislátt og var ágætis spretta.

Mánuðurinn var frekar úrkomusamur og oft þokuloft eða þoka.

Mest rigndi aðfaranótt 22 þá mældist úrkoman 27,0 mm,frá kl 18:00 þann 21 til kl 09:00 þann  22,eða eftir 15 klukkustundir.

 

Yfirlit dagar eða vikur.

1-2:Norðaustan allhvass síðan stinníngskaldi,mikil rigning þann 2,hiti 5 til 8  stig.

3-9:Norðlægar vindáttir kul eða gola,rigning eða súld með köflum,hiti 5 til 9 stig.

10-12.Breytilegar vindáttir,kul eða gola,rigning þann 12,hiti 6 til 15 stig.

13-18:Norðvestan og norðan,kul eða gola,kaldi 15 og 18,rigning eða súld,hiti 6 til 12 stig.

19-22:Breytilegar vindáttir,gola kaldi að kvöldi þann 22,þurrt 19 og 20 enn mikil rigning um kvöldið 21 og fram á morgun þann 22,hiti 4 til 16 stig.

23-25:Breytilegar vindáttir kul eða gola,þoka eða þokuloft súldarvottur,hiti 8 til 13 stig.

26:Breytileg vindátt í fyrstu með þokulofti,síðan suðaustan gola með hlýindum hiti 8 til 20 stig.

27:Norðvestan kul,þoka en þurrt,hiti 7 til 9 stig.

28:Suðaustan gola og þurrt hiti 14 til 20 stig.

29-31:Norðvestan stinníngsgola oft þoka lítilháttar súld með köflum,hiti 9 til 11 stig.

Úrkoman mældist:95,3mm,(í fyrra í júlí voru það 32,6 mm).

Þurrir dagar voru 7.

Mestur hiti var þann 28 þá 20,5 stig og þann 26 fór hiti í 20,0 stig.

Minnstur hiti var þann 19 þá 3,8 stig.

Meðalhiti við jörð í júlí var:6,81 gráða.(Í júlí 2007 var hitin 6,06 gráður).

Sjóveður:Fremur slæmt í sjó 1 og 2 og 15 annars gott í sjóin.

Tekið saman af Jóni G Guðjónssyni veðurathugunarmanni í Litlu-Ávík.

Góðir lesendur farið varlega í þessari mestu umferðarhelgi sumarsins.

Nú er verslunarmannahelgin að ganga í garð og með mikilli umferð á vegum landsins,margir ökumenn eru óvanir malarvegum landsbyggðarinnar og eru óöryggir á þeim vegum þegar komið er á malarvegina og skal gæta fullrar aðgæslu þegar komið er af malbikuðum vegi og á malarveg,því lausagrjót er oft við þessi skil vega.

Og í öllum bænum engan stút undir stýri.Farið ávalt varlega.

Ámyndinni hér með fréttinni er mynd af bílveltu í Árneshreppi 2007 þar sem tveir menn sluppu með skrekkinn.

Góðir lesendur hafið góða og slysalausa helgi.

bb.is | 31.07.2008 | 11:41
Mikið hefur verið að gera á Kaffi Norðurfirði í Árneshreppi frá því að það opnaði 17. júní. „Þetta hefur gengið rosalega vel og framar öllum vonum. Bæði hafa heimamenn verið duglegir að koma og eins sækja ferðamenn mikið staðinn. Það er því ljóst að það hefur verið mikil þörf fyrir kaffihús hér", segir Ragnheiður Edda Hafsteinsdóttir vert á Kaffi Norðurfirði. Ýmislegt hefur verið í boði á kaffihúsinu auk þess sem felst í daglegum rekstri, til að mynda ljósmyndasýning og skemmtikvöld. Um verslunarmannahelgina mun trúbador spila fyrir kaffihúsagesti og stefnir Ragnheiður Edda á að hafa rólegheit og kósý stemningu á staðnum yfir helgina.
www.bb.is

Nú er komin ný undirsíða hér til vinstri sem er fyrir aðsendar greinar,undirritaður reið á vaðið með grein sem birtist í Gagnvegi í sumar.

Ætlast er til að þessi skrif tengist Árneshreppi eða byggðarlaginu tengt.

Þið góðir lesendur sendið í tölvupósti helst í viðhengi greinina sem þið viljið birta og mynd af viðkomandi á netföngin:

jonvedur@simnet.is eða á

hrafnjokuls@hotmail.com

Síðan verður þetta sett inn undir aðsendar greinar.Gjörið svo vel.

Jón Guðbjörn.

 

 

 

Reimari Vilmundarsyni er margt til lista lagt,eins og flestir vita er Reimar fyrst og fremst með ferðir á bát sínum Sædísinni með ferðafólk á Hornstrandir á þessum tíma árs frá Norðurfirði.

Á laugardaginn 26 fór Reimar að rúlla hey hjá bændum,því það vantaði góðan vélamann því vélamaðurinn sem er vanastur að rúlla fór í burtu þessa helgi.

Reimar var fljótur til og læra á tækin og rúllaði og pakkaði 37 rúllum fyrir Sigurstein í Litlu-Ávík og eitthvað svipað hjá Guðmundi á Finnbogastöðum.

Reimar hefur ýmislegt gert fyrir Árneshreppsbúa í sínum frístundum svo sem sótti hann útigangsfé snemma vors norður á Strandir,enn þá var hann á grásleppuveiðum frá Norðurfirði

Það er eins og gárungarnir segja Reimar getur allt,verið á grásleppuveiðum,rolluveiðum,rallveiðum,mannaveiðum og nú á heyveiðum.

Vefsíðan vill benda lesendum sínum á nýjan tengil sem er mest Ljósmyndavefur og Júlíus Ó Ásgeirsson sér um,enn hann er mikill áhugaljósmyndari og hann birtir á sínum vef mikið af ljósmyndum sem Emil Thorarensen á Eskifirði,sem er frá Gjögri hefur tekið eldri sem nýjar myndir,enn Emil er með næmt auga fyrir myndefni og mjög góðar myndir sem hann lætur frá sér.

Hér á síðunni undir tenglar má nálgast þennan frábæra ljósmyndavef,veffangið er www.flickr.com/photos/jaari

 

Dálítill reki.

Í vor og í sumar hefur verið dálítill vottur af reka og talsvert borist á fjörur rekabænda,enda hafa verið norðvestanáttir og norðanáttir ríkjandi með hægum vindi.

Enda segjast sjómenn sjá talsvert af við í sjónum og stundum þarf að vara sig ef um stærri drumba er um að ræða.

Mikið af þessu er ruslviður enn nú undanfarið hafa borist allgóðar spýtur að landi,stauralengd og meyra,stauralengd er sex fet eða þrjár álnir.

Talsvert af þessum við er rauðaviður(harðviður)sem mikil eftirspurn er í í klæðningar og gluggaefni svo dæmi sé tekið.

Undanfarin átta til tíu ár hefur verið mjög lítið um reka.

Á myndinni hér til hliðar er rekaspýta sem er 8 metrar að lengd og 11 tommur í þvermál,sem rak í svonefndum Hjallskersvogi og með smá hjálp flaut hún inn í lendinguna(vörina) í Litlu-Ávík.Þessi spýta er skemmd af svo nefndu Barkrofi,sem sést vel á myndinni.

 

Á veðurstöðinni í Litlu-Ávík fór hitinn í nákvæmlega 20,0 gráður um miðjan dagin.

Í morgun var fyrst NNA 2 til 3 m/s enn um miðjan dagin gerði SSA 6 til 8 metra og léttskýjuðu veðri þá rauk hitinn upp.

Kl 06.00 var komin NA 3 m/s aftur og skýjað og hiti 13,0 stig.

20,0 stiga hiti er mesti hiti sem komið hefur í sumar.

Það er spurning hvort þetta verði mesti hiti sumarssins?