Eitt af verkefnum sem tilgreind eru í byggðaáætlun 2006-2009 nefnist „Athugun á stöðu byggðarlaga sem búa við viðvarandi fólksfækkun". Byggðastofnun bar ábyrgð á framkvæmd verkefnisins og vann það í samstarfi við atvinnuþróunarfélög, sveitarfélög og Háskóla Íslands. M.a. var gerð athugun á stöðu byggðarlaga sem glímt hafa við viðvarandi fólksfækkun og styrkleikar þeirra og veikleikar metnir og greindir möguleikar til eflingar byggðarlaganna.

„Viðvarandi fólksfækkun" var skoðuð á 10 ára tímabili, 1996-2006 og miðað við 15% fækkun íbúa eða meira. Undir þessa skilgreiningu féllu 22 sveitarfélög víðsvegar um landið, flest þó á Vestfjörðum og Norðurlandi eystra. Atvinnuþróunarfélögin unnu stöðumat á viðkomandi svæðum, út frá völdum þáttum, s.s. atvinnu, þjónustu, menntun o.fl. Landfræðiskor Háskóla Íslands gerði þjónustugreiningu svæðanna fyrir Byggðastofnun og gaf út skýrslu sem nefnist „Búseta og þjónusta", sem kynnt er samhliða skýrslu Byggðastofnunar á heimasíðu stofnunarinnar. Starfsmenn þróunarsviðs heimsóttu sveitarfélögin 22 og rætt var við sveitarstjórnarmenn um stöðu byggðarlaganna og framtíðarhorfur. Í skýrslunni er einnig að finna hugmyndir og tillögur um aðgerðir í byggðamálum og kafla um nokkrar byggðaaðgerðir í Noregi og á Íslandi.  

Fækkun íbúa í þessum 22 sveitarfélögum á 15 ára tímabili, 1991-2006, var 20,9% og var mesta fækkunin 55,8% í Árneshreppi á Ströndum. Í öllum sveitarfélögunum nema einu voru karlar fleiri en konur og aldursdreifing er víðast hvar skekkt og vantar inn í aldurshópa, t.d. 25-39 ára. Útsvarstekjur á íbúa eru undir landsmeðaltali í öllum þessum sveitarfélögum og fræðslu- og uppeldismál er fjárfrekasti málaflokkur sveitarfélaganna. Yfir 41% starfa eru í landbúnaði, fiskveiðum og fiskvinnslu, en 10 af 22 eru hrein dreifbýlissveitarfélög. Flest sveitarfélaganna liggja langt frá höfuðborginni og eru því utan áhrifasvæðis hennar, en meðalvegalengd til Reykjavíkur er 420 km.

Mikil áhersla er lögð á ferðaþjónustu sem möguleika til sóknar á þessum svæðum, en forsendur eru samgöngubætur og bættar nettengingar. Einnig vegur stóriðja þungt á sumum svæðunum sem mögulegt tækifæri til eflingar, t.d. á Norðurlandi eystra og sunnanverðum Vestfjörðum.

Markmiðið með athugun Háskóla Íslands var að kanna hvort framboð á þjónustu hafi áhrif á ákvarðanir fólks um búsetu. Niðurstöður benda til þess að svo sé og marktæk fylgni mældist milli þjónustustigs og íbúaþróunar þessara sveitarfélaga.

Sjá nánar heimasíðu Byggðastofnunar, www.byggdastofnun.is

 

Það tókst frábærlega vel skemmtikvöldið á Kaffi Norðurfirði í gærkvöld,en þar tróðu upp þrýr góðir einstaklingar ættaðir úr Árneshreppi og burtfluttir þegnar Árneshrepps.

Fyrst skal nefna Hilmar Hjartarson frá Steinstúni sem spilaði á harmóníku mörg af þessum góðu gömlu harmóníku danslögum.

Hilmar er í Félagi Harmóníkuunnenda í Reykjavík.

 

Síðan bættist Gísli Baldvin Gunnsteinsson í hópin en hann spilaði á gítar og söng nokkur lög og Hilmar spilaði með á nikkuna,Gísli sem er góð eftirherma söng eitt lag með rödd Árna Johnsen við frábæran fögnuð gesta.

 

Þá kemur að leynigestinum sem gestir biðu óþreyjufullir eftir,en hún var engin önnur en Ingibjörg Ágústsdóttir frá Steinstúni,en hún er nú á Akureyri og er ensku kennari við menntaskólann þar.

Ingibjörg söng tvö lög við harmóníku undirspil Hilmars.

 

Öll voru klöppuð upp aftur og aftur.

Allt þetta fólk sem var með skemmtiatriðin í gærkvöld er ættað frá Steinstúni hér í sveit.

Fullt var út úr dyrum á Kaffi Norðurfirði í gærkvöld.

Á fimmtudagskvöldið verður glatt á hjalla í Kaffi Norðurfirði. Hilmar Hjartarson þenur harmónikkuna, Gísli Baldvin leikur á gítar og leynigestur með englarödd treður upp. Grillinu verður lokað klukkan 20 og þá hefst gleðskapurinn. Allir eru velkomnir og enginn aðgangseyrir. Það er ekki hægt að tala um deyfð í félagslífinu í Árneshreppi, þó heyskapur standi yfir, því á föstudagskvöldið er hægt að fara og sjá sirkus í Djúpavík!

Föstudaginn 25 júlí kl. 21.00 verður sirkussýning í Verksmiðjunni á Djúpuvík.

Þau sem sýna eru Jay Gilligan frá Bandaríkjunum, Mirja Jauhiainen frá Finnlandi og frá Svíþjóð Erik Aberg. Þau eru öll starfandi sirkuslistamenn og kennarar og sýna um allan heim. Sýningin verður með nýstárlegu móti og blönduð við tónlist.

Aðgangur er ókeypis.

Meiri upplysingar: www.shoeboxtour.com

Ljósmyndasýning Hrafns Jökulssonar í Kaffi Norðurfirði.

Hrafn opnaði ljósmyndasýningu í gær í Kaffi Norðurfirði,myndirnar eru flestar af fólki og mannlífi hér í Árneshreppi og voru teknar síðastliðin vetur og fram til dagsins í dag.

Myndirnar eru allar mjög vel unnar,flestar í stærðunum A 4 og innrammaðar í viðarramma,myndirnar eru einnig til sölu.

Þetta mun vera fyrsta ljósmyndasýning sem sett er upp í Kaffi Norðurfirði.

Gott heyskaparveður.

Nú lítur út fyrir gott heyskaparveður um helgina,bændur náðu upp heyinu sem rigndi niður um síðustu helgi og í vikunni í gær eftir í um vikustopp í heyskap.

Bændur hafa slegið mikið í dag og mun liggja mikið af heyi undir hjá bændum um helgina,en það þarf að fá lámark einn góðan þurrkdag áður en heyið er rúllað.

Eftir helgi er spáð austan átt og með smá vætu með köflum.

Þingmenn Samfylkingar í Norðvesturkjördæmi eru nú á ferð um Árneshrepp. Guðbjartur Hannesson og Karl Valgarður Matthíasson hafa rætt við heimamenn og kynnt sér málefni sveitarfélagsins. Þá var formaður flokksins, Ingibjörg Sólrún Gísladóttir utanríkisráðherra, einnig á ferðinni og fór með Reimari Vilmundarsyni á Sædísinni norður Strandir.

Þeir Guðbjartur og Karl röbbuðu við gesti á Kaffi Norðurfirði, og voru vandlega settir inn í þau mál, sem helst þarfnast úrlausnar í sveitinni. Báðir sýndu þeir skilning á málum, og áhuga á úrbótum.

Guðbjartur, sem sæti á í fjárlaganefnd, sagði að ráðamenn þjóðarinnar stæðu nú frammi fyrir afdrifaríkri ákvörðun: Hvort auka ætti ríkisútgjöld með kraftmiklum framkvæmdum, eða draga saman seglin í kreppunni. Sjálfur væri hann eindregið þeirrar skoðunar að ríkissjóður, sem nú er skuldlaus, ætti að ráðast í verklegar framkvæmdir af stórauknum krafti.

Nú er allt stopp í heyskap hér í Árneshreppi vegna bleytutíðar síðan á laugardag og eiga nokkrir bændur hey á túnum sem slegið var á föstudag og náðist ekki að setja í rúllur fyrir rigninguna.
Bændur hafa verið að keyra heim rúllum af túnum nú í bleytunni.
Spáð er rigningu eða súld hér á þessum slóðum fram á miðvikudag og ætti að verða sæmillegt og þurrt veður eftir það.

Einar Kristinn Guðfinnsson sjávarútvegs- og landbúnaðarráðherra var á ferð í Árneshreppi á fimmtudag og föstudag. Ráðherrann fundaði með heimamönnum í Kaffi Norðurfirði á föstudagsmorgun, enda fáir stjórnmálamenn sem þekkja jafn vel til málefna Árneshrepps og Einar Kristinn.

Fyrsta verk Einars var að skoða ummerki á Finnbogastöðum, en í nýjasta tölublaði Bændablaðsins er einmitt sameiginleg áskorun Einars, Guðna Ágústssonar og Össurar Skarphéðinssonar um stuðning við endurreisn Finnbogastaða.

Ráðherrann heimsótti Kört og kom meðal annars við á Bæ og Árnesi, og var boðinn í kvöldverð hjá oddvitahjónunum á Krossnesi. Hann var í góðu yfirlæti á Hótel Djúpavík, og hélt svo vel sóttan og efnismikinn fund í Kaffi Norðurfirði, sem fyrr sagði.

Margt bar á góma, en ljóst að samgöngu- og fjarskiptamálin eru mest aðkallandi í flestra hugum hér um slóðir.

Í lok fundarins færði Jón Guðbjörn Guðjónsson ráðherranum ljósmynd af Drangaskörðum, sem tekin var á sólríkum vordegi.

Það tókst að fljúga á Gjögur í dag en ekki tókst að fljúga á mánudag sem var áætlunardagur hné í gær vegna þoku,þá hafði ekki verið flogið á Gjögur síðan á fimmtudaginn 3 júlí.
Næsti áætlunardagur er á morgun fimmtudag hvort tekst flug þá fyrir þoku eða ekki kemur í ljós,þokan er búin að vera þrálát síðustu daga.