12-06-2008 Tilkynning frá Veðurstofu Íslands

Gisinn hafís er nú vestur af Vestfjörðum, næst landi u.þ.b. 75 sml vestnorðvestur af Barði. Vindátt hefur verið vestlæg á Grænlandssundi síðan á þriðjudag (9. júní) og verður svo fram á sunnudag.  Hafísinn mun því færist eitthvað nær landi og eru sjófarendur beðnir um að fara að öllu með gát.  Á sunnudaginn lítur út fyrir að vindur snúist í austan og norðaustanátt á Grænlandssundi og þá mun ísinn þokast vestur á bóginn.   

Gervihnattamyndin hér að neðan gefur hugmynd um hafísröndina, en rétt er að hafa í huga að skýjað er á svæðinu og því geta stakir jakar og rastir verið nær landi en sést á myndinni. 

 

Hér til vinstri er komin ný undirsíða um veðurupplýsingar fyrir hvern mánuð sem tekin er saman af Jóni G Guðjónssyni veðureftirlitsmanni í Litlu-Ávík mánaðarlega.

Er þetta gert til að betra sé fyrir lesendur að fylgjast með veðrinu fyrir hvern mánuð fyrir sig,svo ekki þurfi að leita lángt aftur í féttasíðunni,vonandi verður þetta betra fyrir þá sem vilja fylgjast með mánaðarskírslum um veður frá veðurstöðinni í Litlu-Ávík.

Eftir er að bæta við veðuryfirliti frá 2007 sem kemur inn fljótlega.

 

Fréttavefurinn Litlahjalli hefur fengið nýjan liðsmann til að skrifa fréttir á www.litlahjalli.it.is og er það hinn kunni rithöfundur og skákmaður Hrafn Jökulsson sem býr nú hér í Árneshreppi og mun skrifa fréttir á móti Jóni G Guðjónssyni og ef Jón fer í frí.

Netfang Hrafns Jökulssonar er hrafnjökuls@hotmail.com og símin er 4514026,eins er netfangið hans og sími skrifað hér á síðunni Um vefinn.
Jón G Guðjónsson segir þetta ólaunað starf eins og öll vinna við að koma fréttum á síðuna og mikin feng að fá Hrafn til að vera fréttaritara við síðuna og skrifa á síðuna.

Vefsíðan Litlihjalli bíður Hrafn velkomin.

 

 

 

Flogið var á Gjögur í dag um og uppúr hádegi,ekki var hægt að fljúga í gær vegna dimmviðris,en það birti vel upp með morgninum í dag.

 Yngsti Árneshreppsbúin var skírður í gær Sunnudaginn 8 júní.

Það var dóttir Gunnars Dalkvist Guðjónssonar og Pálínu Hjaltadóttur í Bæ í Trékyllisvík sem skírð var heima í Bæ af séra Sigríði Óladóttur  sóknarpresti.

Stúlkan fékk nafnið Magnea Fönn Dalkvist,hún fæddist 13 febrúar 2008,fyrir á hún systurina Anítu Mjöll sem fædd er 12 agúst 2006.

Flugi til Gjögurs í dag var aflýst um kl 15:30 vegna dimmviðris,þokuloft er rigning og súld og mjög lágskýjað.
Flugfélagið Ernir athuga með flug á Gjögur í fyrramálið.

 

Hiti fór í 15,6 í dag á veðurstöðinni í Litlu-Ávík í Árneshreppi ,veður í dag var suðaustan gola,og í fyrstu léttskyjað en þykknaði upp með deginum og smá skúr um veðurtíman klukkan 18:00.

Þetta virðist lofa góðu með hitan í júní þótt komi kuldatíð í nokkra daga í júní eins og oft hefur verið.

Oftast getur verið hlýast hér í Árneshreppi í endaðan júlí eða í byrjun ágúst.

Mesti hiti á veðurstöðinni í Litlu-Ávík mældist 13 ágúst 2004 þá 26,0 stig og var það talið hitamet yfir stöðvar fyrrverandi og núverandi í Árneshreppi og staðfest af Veðurstofu Íslands.

 

Bændur hér í Árneshreppi hafa nú undanfarna daga verið að bera tilbúna áburðin á tún sín eftir mikla vinnu við að koma fé úr húsum og túnum og keyra á úthaga í góða veðrinu síðan seinnihluta maí mánaðar.

Ekta veður hefur nú verið til þessara verka því rigning hefur verið með köflum en stytt upp vel á milli svo gott hefur verið að bera áburðin á túnin.

Yfirleitt er þetta talið svona um viku fyrr en í fyrra sem borið er á og jafnvel 10 dögum fyrr hjá sumum.

 

Tilbúin áburður kom óhefðbunda leið til bænda í Árneshreppi í vor. 

Fyrsta skipti í sögunni kom ekki áburðarskip inn á Norðurfjörð að þessu sinni,heldur var silgt með áburðin til Hólmavíkur og honum keyrt þaðan norður í Árneshrepp nú í síðustu viku,bændur höfðu haft miklar áhyggjur af því hvort það tækist í tíma vegna mikilla þúngatakmarkana á vegum vegna aurbleytu nú í vor.

Nú í dag var fyrsta ferð Strandafraktar hingað norður í Árneshrepp.

Ferðir flutningabíls Strandafraktar eru frá júni og út október,bíllinn lestar hjá Flytjanda í Reykjavík á þryðjudögum og fer til Hólmavíkur þá um kvöldið og til Norðurfjarðar dagin eftir á miðvikudögum.

Talsverður flutningur var með bílnum nú í fyrstu ferð og til baka fór talsvert af borðvið frá Sigursteini Sveinbjörnssyni í Litlu-Ávík til Galdrasafnsins á Hólmavík,sem Sigursteinn sagaði fyrir safnið í vor.

 

Veðrið í Maí 2008.

Yfirlit yfir veðrið frá veðurstöðinni í Litlu-Ávík.

Mánuðurin var fremur kaldur fram til 22.Síðast snjóaði í byggð þann 10.Mikið var um þokuloft í mánuðinum.Mjög hlýtt var í veðri frá 23 og út mánuðinn.Samt virðist þetta vera einn hlýasti maí mánuður til margra ára.

Jörð á láglendi fyrst talin auð að morgni 13.Nokkur úrkoma var fram til 20.

Ræktuð tún orðin vel græn og gróin og úthagi farin að grænka.

 

Yfirlit dagar vikur.

1-5:Norðaustan eða Norðan,kaldi eða stinníngskaldi,él,slydda,snjókoma síðan rigning og súld og þokuloft,hiti frá 0 stigum upp í 7 stiga hita.

6-7:Breytilegar vindáttir,kul,súld,þoka eða þokuloft,hiti frá 3 stigum uppí 11 stig þann 7.

8-10:Norðaustan stinníngsgola eða stinníngskaldi og allhvass þann 9,súld,slydda,snjókoma,hiti frá 4 stigum niðrí 2 stiga frost.

11-22:Hafáttir eða breytilegar vindáttir,logn,kul,eða gola,oft þokuloft,súld eða rigning,en þurrt 14 og21 og 22.Hiti 2 til 10 stig.

23-27:Suðvestan eða suðlægar áttir,gola,stinníngsgola eða kaldi en allhvass um tíma þann 26,en Norðan um tíma aðfaranótt 24 þá kólnaði niðri 3 stig,smá rigning eða skúrir annars þurrt í veðri,hiti 8 til 13 stig.

28-30:Hafáttir eða breytilegar,andvari eða kul,úrkomulaust,hiti 7 til 12 stig.

31:Vestan stinníngsgola,úrkomuvottur,hiti 8 til 13 stig.

Úrkoman mældist 52,8 mm.

Þurrir dagar í mánuðinum voru 9.

Mestur hiti mældist þann 26 þá 14,1 stig og þann 23 þá 14,0 stig.

Mest frost mældist þann 9 og 10 þá –1,5 stig.

Jörð var talin alhvít í 2 daga.

Jörð var talin flekkótt í 10 daga.

Auð jörð því í 19 daga.

Mesta snjódýpt mældist þann 10 þá 9 cm.

Sjóveður:Slæmt í sjó 1 til 4 og 9 og 10,annars mjög gott í sjóinn.

Tekið saman af Jóni G Guðjónssyni veðurathugunarmanni í Litlu-Ávík.