Í gær eftir hraðskákmótið hjá Hróknum inn á Kaffi Norðurfirði voru gamlir Fóstbræður mættir á staðin og súngu nokkur lög á bryggjunni á Norðurfirði undir stjórn Jónasar Ingimundarsonar.Í þessu frábæra veðri sem var í gær.
Fjöldi fólks var á svæðinu.

Helgi Ólafsson stórmeistari vann frækinn sigur á Minningarmóti Páls Gunnarssonar í Djúpavík, sem lauk síðdegis á laugardag. Helgi fékk 8 vinninga í 9 skákum og var í forystu allan tímann. Næstur varð Björn Þorfinnsson, forseti Skáksambands Íslands, með 7 vinninga.

Mótið í gömlu síldarverksmiðjunni heppnaðist frábærlega. Keppendur voru alls 53 og komu úr öllum áttum. Heimamenn áttu vaska sveit, og vann Björn Torfason á Melum tvöfaldan sigur, var efstur Strandamanna og stigalausra skákmanna. Ingólfur í Árnesi hreppti annað sætið í báðum flokkum.

Guðfríður Lilja Grétarsdóttir varð efst kvenna, en gaf verðlaunafé sitt, 15 þúsund krónur, í söfnun til uppbyggingar Finnbogastaða eftir brunann mikla. Aðrir sigurvegarar létu heldur ekki sitt eftir liggja.

Helgi Ólafsson fékk 100 þúsund krónur í verðlaun fyrir sigurinn og glæsilega skál úr rekaviði eftir Valgeir Benediktsson í Árnesi.

 

Á morgun, sunnudag, verður hraðskákmót í Kaffi Norðurfirði, nýju kaffihúsi Árneshrepps sem opnaði á þjóðhátíðardaginn. Mótið hefst kl. 12 og er öllum opið.

Gamlir Fóstbræður munu taka lagið í Kaffi Norðurfirði á sunnudaginn klukkan 14, og slá þannig botninn í Skákhátíð Árneshrepps. Kórinn er, einsog nafnið gefur til kynna, skipaður gömlum kempum úr Fóstbræðrum, og verður á ferð um Strandir um helgina.

Hraðskákmótið í Kaffi Norðurfirði hefst klukkan 12 á sunnudaginn og er öllum opið.

En fyrst á dagskránni er Minningarmót Páls Gunnarssonar í Djúpavík, sem hefst klukkan 20 í kvöld. Fyrstu gestirnir komu í gær og er búið að breyta gömlu mjölgeymslunni í síldarverksmiðjunni í glæsilegan skáksal.

Í kvöld voru veggir feldir niður af brunarústunum að Finnbogastöðum,var það hinn vandvirki gröfumaður frá Kolbeinsá Hannes Hilmarsson sem kom með beltagröfu norður til Guðmundar Þorsteinssonar og felldi inn veggi hússins af mikilli nákvæmni,því steyptir veggir voru uppistandandi og,fyrst var járn og þak fellt inn í grunnin og síðan gaflar og veggir feldir síðan var grafin mikil og djúp hola og öllu mokað í hana og möl og mold síðan jöfnuð yfir.

Nú er skrítið að sjá ekkert íbúðarhús að Finnbogastöðum.

Enn uppbygging hefst aftur í sumar með nýtt íbúðarhús hjá Guðmundi Þorsteinssyni,hann gefst ekkert upp þótt á móti hafi blásið.

Það má koma fram að nýrri bloggsíðu hefur verið komið á fót sem er hér á vefnum undir tenglar-Áfram Finnbogastaðir.Sem Hrafn Jökulsson stjórnar og skrifar um væntanlegu uppbyggingu að Finnbogastöðum og söfnunina.Minnt er á reikningsnúmerið sem er.1161-26-001050-ke:451089-2509.

Hér með er smá myndasyrpa af niðurrifinu sem Jón G.G.tók í kvöld.

Minningarmót Páls Gunnarsson í Djúpavík hefst á morgun, föstudaginn 20. júní, klukkan 20. Von er á fjölda skákmeistara sem munu etja kappi við vaska sveit heimamanna. Stigahæstir eru stórmeistararnir Helgi Ólafsson og Henrik Danielsen.

Sex alþjóðlegir meistarar mæta til leiks, þrír danskir og þrír íslenskir, þau Arnar Gunnarsson, Jón Viktor Gunnarsson og Guðfríður Lilja Grétarsdóttir, sem og FIDE-meistarinn Björn Þorfinnsson, forseti Skáksambands Íslands.

Af harðsnúnum áhugamönnum má nefna feðgana Halldór og Pétur Blöndal. Halldór var um árabil besti skákmaður Alþingis og er afar sókndjarfur. Hann tók þátt í fyrsta skákmótinu í sögu Grænlands, sem Hrókurinn efndi til árið 2003. Þar var Páll Gunnarsson einnig meðal keppenda.

Áhugaskákmenn í öllum styrkleikaflokkum hafa boðað komu sína til Djúpavíkur, ekki síst vinir og félagar Páls heitins úr Hróknum. Páll, sem ættaður var úr Steingrímsfirði, var einn af stofnendum Hróksins og sá sem flestar skákir tefldi fyrir félagið á Íslandsmóti skákfélaga.

Skákmótið fer fram í síldarverksmiðjunni í Djúpavík og hafa heimamenn unnið hörðum höndum að því að breyta gamalli mjölgeymslu í glæsilegan skáksal.

Heimamenn, og þeir sem eru á ferð um Árneshrepp, eru hvattir til að koma og tefla eða fylgjast með. Allir eru velkomnir

Nýtt kaffihús var opnað formlega á Norðurfirði í gær kl 18:00 sem hefur fengið nafnið Kaffi Norðurfjörður.

Edda Hafsteinsdóttir er með kaffihúsið í rekstrarleigu og rekur kaffihúsið af sveitarfélaginu Árneshreppi.Vínveitingaleyfi er fengið fyrir staðin.

Í gömlu verbúðinni sem var gjörbreytt í vetur,er fyrir utan hina nýju kaffistofu er útibú Sparisjóðs Strandamanna,aðstaða fyrir lækni í einu herbergi og útleiga á tveim herbergjum fyrir sjómenn eða aðra.

Frábært útsýni er úr kaffihúsinu til sjávar yfir höfnina og út á fjörðin.

Búast má við mikilli traffik í sumar af ferðafólki sem fer norður á Hornstrandir með Sædísinni bát Reimars Vilmundarsonar en fjöldi fólks hefur pantað í ferðir hans.

Upplagt er fyrir fólk að koma við og slappa af og fá sér veitingar á Kaffi Norðurfirði meðan beðið er eftir Sædísinni og þegar komið er til baka af Hornströndum.

Fjöldi gesta auk heimamanna voru við opnunina.

 

Vegna stórbrunans á Finnbogastöðum.

Þar sem ljóst er að Guðmundur Þorsteinsson hefur misst hús sitt og innbú í brunananum hefur félagið opnað styrktarreikning til handa Guðmundi.

Reikningsnúmerið er:
1161-26-001050 ke:451089-2509,við Sparisjóð Strandamanna.

Er það bón mín og beiðni að allir,sem aflögu eru færir um stórt eða smátt leggi þessu lið og  bregðist við hið fyrsta.

Með fyrirfram þakklæti.

Kristmundur Kristmundsson formaður félags Árneshreppsbúa.

 Ekki tókst að bjargja neinu úr brunanum á Finnbogastöðum í dag.

Guðmundur Þorsteinsson bóndi missti allt sitt,innbú fötin sín og perssónulega muni og húsið sjálft.

Guðmundur (Mundi)á nú bara fötin sem hann var í þegar hann bjargaðist út úr brennandi húsinu.

Einnig drápust tveir hundar sem voru í kjallaranum sem vildu ekki fara út fyrr í morgun,en heimiliskötturinn var í fjárhúsunum og bjargaðist.

Þegar slökkviliðin frá Hólmavík og Drangsnesi komu á staðin um 12:30 var ekkert hægt að gera,og ekki bætti úr að allhvass vindur var af norðaustri,15 til 17 m/s.

Nú um kaffileytið standa bara veggirnir og þak sígið.Húsið var steinhús en timburgólf og öll innrétting úr timbri.

Um hálftólf kviknaði í bænum að Finnbogastöðum í Trékyllisvík einn maður var inni en komst út áður en eldurin barst út,heimamenn ráða ekki við neiit,slökkvilið frá Hólmavík og Drangsnesi eru á leið norður.

12-06-2008 Tilkynning frá Veðurstofu Íslands

Gisinn hafís er nú vestur af Vestfjörðum, næst landi u.þ.b. 75 sml vestnorðvestur af Barði. Vindátt hefur verið vestlæg á Grænlandssundi síðan á þriðjudag (9. júní) og verður svo fram á sunnudag.  Hafísinn mun því færist eitthvað nær landi og eru sjófarendur beðnir um að fara að öllu með gát.  Á sunnudaginn lítur út fyrir að vindur snúist í austan og norðaustanátt á Grænlandssundi og þá mun ísinn þokast vestur á bóginn.   

Gervihnattamyndin hér að neðan gefur hugmynd um hafísröndina, en rétt er að hafa í huga að skýjað er á svæðinu og því geta stakir jakar og rastir verið nær landi en sést á myndinni.