Það snjóaði talsvert í mánuðinum.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með stormi eða hvassviðri og éljum til 3 dags mánaðar. Frá 4 til 10 voru austlægar eða suðlægar vindáttir með úrkomu í þrjá daga annars úrkomulausu veðri. 11 til 13 var suðvestan hvassviðri eða stormur með éljum og skafrenningi. 14 til 16 var hægari vindur í vestanátt í fyrstu síðan austanátt og snjókoma. Frá 17 til 23 var mest hvassviðri, stormur eða rok, með rigningu, snjókomu eða éljum. Þann 24 var breytileg vindátt og hægviðri og úrkomulaust veður og frost. 25 var suðaustan með rigningu og síðan norðvestan með slyddu og snjókomu. 26 og 27 var suðaustan og suðvestan á víxl með úrkomulausu veðri. Þann 28 var tvíátta, suðvestan með skúrum og síðan norðan um kvöldið með snjókomu og talsverðu frosti. Frá 29 til 31 var suðvestanátt en um daginn og kvöldið var komin norðaustanátt með talsverðri snjókomu.

Vindur fór í 37 m/s í suðvestanrokinu þann 21.

Mæligögn:

Úrkomumælir á veðurstöðinni í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2021, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2020.:

Hitamælar á veðurstöðinni í Litlu-Ávík. Meðalhiti ársins 2021 var +4,1 stig.

Meðalhiti á veðurstöðinni í Litlu-Ávík fyrir árið 2021 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2020.:

Krossnesfjall 20-12-2021.

Drangajökull til vinstri, sólin skín á hann. 20-12-2021.

Auð jörð var í 5 daga.

« 1 af 3 »

Yfirlit yfir veðrið frá veðurstöðinni í Litlu-Ávík.

Þann fyrsta var norðaustanátt með snjókomu og frosti. Frá 2 til 9 voru suðlægar vindáttir, oftast með úrkomu. Þá var hæg norðlæg átt þann 10. Frá 11 til 15 voru mest austlægar vindáttir með úrkomu. Dagana 16 og 17 var suðvestan allhvass vindur eða hvassviðri, síðan hægari, rigning og síðan skúrir. Þann 18 var hæg norðlæg vindátt með úrkomulausu veðri. 19 og 20 var suðvestan stinningskaldi í fyrstu enn síðan hægari með úrkomulausu veðri, en hlýtt í veðri. 21 til 24 voru hægar norðlægar eða breytilegar vindáttir, kólnandi veður. 25 til 30 var norðaustan með snjókomu eða éljum. Árið endaði með hægviðri þann 31 og úrkomulausu veðri framyfir miðnætti.

Í mánuðinum voru talsverð svellalög, en dagana 16 og 17 í hlýundunum og hvassviðrinu tóku þau alveg upp og gerði auða jörð. Úrkomulítið var í mánuðinum.

Mæligögn:

Gleðilegt ár: Mynd: Litla-Ávík 12 febrúar 2021.

Góðir lesendur nær og fjær,vefsíðan Litlihjalli sendir hinar bestu áramótakveðjur til lesenda sinna með þökk fyrir samfylgdina í gegnum árin. Megi nýja árið færa okkur öllum gleði og góða tíma. Megi góður Guð vera með okkur öllum og leiða okkur farsællega gegnum nýja árið 2022.

Þetta Ár

Flugstöðin Gjögurflugvelli.

Flugfélagið Norlandair hefur aflýst flugi til Gjögurs vegna veðurs. Mjög hvass er af norðri og snjókoma og blint.

Flug verður athugað á morgun á venjulegum áætlunartíma eða

Gleðilega jólahátíð kæru lesendur.

Fæðingarhátíð Jesú Krísts, jólin, eru haldin 25. desember. Undirbúningur hátíðahaldsins er aðventan eða jólafastan og lokadagur hennar, 24. desember, og nefnist hjá okkur aðfangadagur jóla. Nafnið er gagnsætt. Þá skal undirbúningi lokið og aðföng öll komin til hátíðahaldsins. Helgin hefst síðan um miðjan aftan eða kl. 18.00. Þá er orðið heilagt og í hönd fer jólanóttin. Góðir lesendur

Flugfélagið Ernir sinnti áætlunarflugi til Vestmannaeyja áður frá 2010 til 2020.

Fréttatilkynning frá Flugfélaginu Ernum.

Flugfélagið Ernir hefur gert samkomulag við Samgöngu- og Sveitarstjórnarráðuneytið um flug til Eyja tvisvar sinnum í viku, mánudaga og föstudaga. Flug í kringum hátíðirnar verður með aðeins öðrum hætti en þegar föst áætlun byrjar í upphafi nýs árs og er fólki bent á áætlun og upplýsingar um flug á vefsíðu félagsins ernir.is, en fyrsta flug verður á Þorláksmessu. Er þetta samkomulag gert í ljósi þess að eftirspurn í innanlandsflugi hefur dregist mikið saman í Covid-19 faraldrinum og ljóst að flug til Eyja mun ekki hefjast, að óbreyttu, að nýju á markaðslegum forsendum. Að mati ráðuneytisins var því talið nauðsynlegt að tryggja tímabundið lágmarksþjónustu á flugi til og frá Vestmannaeyjum í vetur á meðan markaðslegar forsendur eru ekki til staðar, enda flugið mjög mikilvægt fyrir íbúa og atvinnulíf í Vestmannaeyjum.

Flugfélagið Ernir sinnti áætlunarflugi til Vestmannaeyja

Auð jörð er búin að vera síðan 17.

Nokkrar líkur eru á að verði rauð jól hér á Ströndum þessi jólin. Ef auð jörð er gefin upp að morgni jóladags eru talin rauð jól. Það er varla að sjá neina úrkomu í spákortum Veðurstofu Íslands, eins er hjá norsku veðurstofunni. Gæti orðið einhver él á morgun, hiti

Á morgun verður jólastemming á Erpsstöðum frá klukkan 14:00 til 17:00.Mynd Rjómabúið Erpsstaðir.

Á morgun verður jólastemming á Erpsstöðum frá klukkan 14:00 til 17:00. Ætlum að vera með opið á sunnudaginn og notalega stemningu. Nokkrir aðilar verða með bás hjá okkur og pláss fyrir fleiri að vera með.
Verðum með tilboð á ýmsum vörum. Úrval af jólatrévöru frá Ástu Ósk.
Skyrgámur mætir á svæðið kl 16 og heilsar uppá gesti.
Minnum