Yfirlit yfir veðrið frá veðurstöðinni í Litlu-Ávík.

Mánuðurinn byrjaði með vestlægum eða norðlægum vindum með nokkrum hita,en kólnaði síðan snögglega. Um kvöldið þann 3. gekk í Norðan og síðan Norðaustan áhlaup með snjókomu og talsverðu frosti,þetta veður stóð í fjóra daga. Eftir það voru vestlægar eða suðlægar eða breytilegar vindáttir,oftast með hita yfir frostmarki. Frá 14. til 18. voru austlægar vindáttir með nokkru frosti. Norðaustan hvassviðri var þann 19.og 20.,með snjókomu eða éljum,lítið festi í byggð. Frá 22. til 31. var hægviðri með næstum úrkomulausu veðri.

Úrkoman var mjög lítil í mánuðinum. Mánuðurinn var með kaldara móti,oft talsvert frost á nóttinni en lofthiti yfir daginn.

Nokkuð var um rafmagnstruflanir og eða rafmagnsleysi í veðrinu fjórða til áttunda,aðallega vegna ísingar og seltu.

 

Yfirlit dagar eða vikur:

Meira

Hið árlega páskabingó foreldrafélags Finnbogastaðaskóla verður haldið í félagsheimilinu í Árnesi Trékyllisvík laugadaginn 30. mars og hefst bingóið klukkan tvö (14:00). Góðir vinningar eru í boði. Allur ágóði af bingóinu rennur í ferðasjóð nemenda við Finnbogastaðaskóla. Foreldrafélag Finnbogastaðaskóla vonast
Meira

Þann 21. mars komu hingað í Árneshrepp 23 meistaranemar í ritlist frá Háskóla Íslands. Þeir dvöldu í Norðurfirði í fimm daga við skapandi skrif sem Vigdís Grímsdóttir rithöfundar hafði umsjón með. Vigdís segir fólkið hafa verið einstaklega skemmtilegt og gefandi og að tíminn með því hafi verið ógleymanlegur. "Já, stemmningin hefur verið bæði rífandi og hrífandi svo vægt sé til orða tekið. Þau hafa svo sannarlega leikið ritlistir sínar hérna í Kaffihúsinu frá því snemma á morgnana þangað til seint á kvöldin. Það var sko ekkert slegið af og ekkert gefið eftir. Þau sváfu raunar varla nema rétt blánóttina, en notuðu allan frítíma sem þau höfðu til að njóta sín hérna í sveitinni. Þetta voru sko góðir og kraftmiklir gestir sem kunnu ekki bara að skapa heldur að gefa líka" segir Vigdís.
Meira

Tveir ökumenn voru stöðvaðir fyrir of hraðan akstur í umdæminu í síðustu viku á Djúpvegi í Álftafirði.

Fjögur umferðaróhöpp voru tilkynnt til lögreglu í vikunni. Miðvikudaginn 19. hafnaði bifreið út fyrir veg í Tungudal í Skutulsfirði,ekki skemmdir á ökutæki eða slys. Ástæða óhappsins var mjög lélegt skyggni. Þann sama dag varð minniháttar óhapp við grunnskólann á Hólmavik.

Fimmtudaginn 20. varð minniháttar óhapp á Patreksfirði,ekki slys á fólki.

Föstudaginn 21. var tilkynnt um dráttarbíl með tengivagn sem lokaði veginum um Þröskulda. Björgunarsveitarmenn á Hólmavík unnu að því að aðstoða við að koma bílnum upp á veginn. Vegurinn var lokaður í  nokkurn tíma.

Einn ökumaður var stöðvaður vegna gruns um fíkniefnaakstur á Ísafirði.

Meira

Tónleikaröðin Mölin heldur áfram göngu sinni á Malarkaffi á Drangsnesi laugardagskvöldið 23. mars næstkomandi. Þar munu koma fram söngvaskáldið Snorri Helgason, hólmvíski dúettinn Andri og Jón ásamt Borko.

Snorra Helgason þarf varla að kynna fyrir fólki, en við gerum það samt. Snorri ákvað 19 ára gamall að helga líf sitt tónlistinni. Þá kenndi hann sjálfum sér að spila á gítar og fór að æfa sig að semja lög. Snorri  var einn af meðlimum Sprengjuhallarinnar sem tröllreið íslensku tónlistarlífi þann skamma tíma sem hún starfaði. Eftir að Sprengjuhöllin lagðist í hýði hóf Snorri að taka upp sitt eigið efni og gaf árið 2009  út plötuna "I'm Gonna Put My Name On Your Door". Árið 2011 kom svo út platan "Winter Sun" þar sem Snorri hefur náð fullkomnu valdi á list sinni. Lagasmíðarnar meitlaðar og textarnir hlaðnir merkingu og spennu. Snorri er nú kominn langt með upptökur á sinni þriðju breiðskífu sem verður gefin út síðar á þessu ári.

Á tónleikunum á Mölinni mun Snorri njóta liðsinnis Sigurlaugar Gísladóttur sem leikur á ýmis hljóðfæri og syngur.
Meira

Nokkrar ær eiga að bera núna í mars í Bæ í Trékyllisvík í Árneshreppi. Þessar ær skiluðu sér ekki í hefðbundnum leitum í haust síðastliðið og náðust ekki fyrr enn  í nóvember. Hrútur var með féinu og hann náðist jafnt og ærnar. Að sögn Gunnars Dalkvists bónda í Bæ hafa ærnar fengið seint í október,nú eru þrjár bornar fyrir nokkrum dögum,og aðrar þrjár munu bera á næstu dögum,og fjórar í viðbót fyrir hefðbundinn sauðburð sem er fljótlega í maí. Ekki er vitað að fé frá öðrum bæjum hafi gengið með þessu fé inní Veiðileysu

Meira

Jón Eiríksson frá Víganesi kemur oft um miðjan vetur og leggur hákarlalóðir,í gær fékk hann fyrsta hákarl vetrararins. Hann lagði hákarlalóðir fyrir fimm dögum á báti sínum Snorra ST 24 útaf svonefndum Hyrnum,en það eru góð hákarlamið útaf Reykjaneshyrnu. Jón er með lóðir áfram í sjó og ætlar að freista þess að fá helst nokkra hákarla
Meira

Vinnuhópur á vegum stjórnar Markaðsstofu Vestfjarða ses og Ferðamálasamstaka Vestfjarða hafa á síðustu vikum rætt saman um slit á starfsemi Markaðsstofu Vestfjarða og fyrirkomulag markaðsmála í framhaldi af því. Unnið er að málinu í samræmi við samþykkt 57. Fjórðungsþings Vestfirðinga um sameiningu starfsemi Markaðsstofu Vestfjarða og Fjórðungssambands Vestfirðinga. Drög að samkomulagi er nú til umfjöllunar hjá eigendum Markaðsstofu Vestfjarða og er að vænta niðurstöðu í apríl n.k. en eigendur Markaðsstofu Vestfjarða eru Atvinnuþróunarfélag Vestfjarða, Ferðamálasamtök Vestfjarða og Fjórðungssamband Vestfirðinga. Stjórn Fjórðungssambands
Meira

Í liðinni viku hafði lögreglan afskipti af einum ökumanni sem grunaður er um akstur undir áhrifum áfengis og fíkniefna. Það var um miðjan dag sunnudaginn 17. mars á Ísafirði.

Fjórir ökumenn voru kærðir í liðinni viku fyrir að aka yfir leyfilegum hámarkshraða. Einn þeirra var að aka í Vestfjarðagöngum, annar í Óshlíðargöngum og hinir tveir í Ísafjarðardjúpi.

Einn ökumaður var kærður fyrir að virða ekki stöðvunarskyldu á gatnamótum einum á Ísafirði. Sekt við slíku broti nemur krónum 15.000.- Það er því dýrt að stöðva ekki við aðstæður sem þessar.

Um miðjan dag þann 15. mars sl. var tilkynnt um vinnuslys á Bíldudal. Starfsmaður meiddist við vinnu en þó ekki lífshættulega. Hann var fluttur á sjúkrahúsið á Patreksfirði.

Gaskút af útigrilli sem stóð við íbúðarhús á Eyrinni
Meira

Árshátíð Félags Árneshreppsbúa verður haldinn næstkomandi laugardag 16. mars í sal Lionsklúbbsins Lundar í Auðbrekku 25-27 í Kópavogi. Húsið opnar klukkan 19:00.

Veislustjóri verður Helga Björk Pálsdóttir. Skemmtispjall flytur Guðmundur Steingrímsson. Hljómsveitin Blek og byttur heldur að vanda uppi stuði og stemningu fram eftir nóttu.

 Matseðillinn er glæsilegur að vanda enn hann hljóðar svo: Forréttir: taðreyktur lax með piparrótarsósu, heimagrafinn lax með gamaldags sinnepssósu, ferskt íslenskt rækjusalat með sherrýsósu, ítölsk brauð með hvítlauk og ólífum.

Aðalréttur: villikryddað ofnsteikt lambalæri, hvítlaukssteiktar kalkúnabringur
Meira