Björgunarsveitinni Strandasól í Árneshreppi var boðið til móttöku á Gjögurflugvelli í gær þar sem formleg afhending fór fram á styrknum sem sveitin fékk úr styrktarsjóði Isavia. Strandasól fékk einn hæsta styrkinn úr sjóðnum, 1.400.000 og verður hann notaður til byggingar nýs húsnæðis fyrir sveitina. Sveitin þakkaði fyrir sig og sýndi teikningar af nýja húsinu.

Styrktarsjóður Isavia var stofnaður árið 2011 með það fyrir augum að efla hópslysaviðbúnað björgunarsveita Slysavarnarfélagsins Landsbjargar. Björgunarsveitirnar gegna lykilhlutverki í flugslysaáætlunum og hópslysaviðbúnaði landsins og allra hagur að björgunarsveitir séu sem best búnar.

Sérstök áhersla er lögð á að styrkja sveitir nærri áætlunarflugvöllum Isavia til kaupa á tækjum og búnaði eða til þess að efla menntun og þjálfun björgunarsveitarmanna.
Meira

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum sem stóðu fram til 12.enn úrkomulitlu veðri. Þann 13. gekk í ákveðna Norðaustanátt,einnig með úrkomulitlu veðri sem stóð fram til 17. þessa mánaðar. Eftir það gerði suðlægar vindáttir með hægviðri og hlýju veðri,enn hvassari eftir 22,og allhvasst eða hvassviðri af SV þann 27. Mánuðurinn endaði síðan með hægri austlægri og síðan suðaustlægri vindátt. Snjó tók mikið upp í þessum hlýundum og varð auð jörð á láglendi. Mánuðurinn telst mjög hlýr í heild. Úrkoman var ekki mikil þótt þurrir dagar væru ekki nema 5. í mánuðinum,úrkoma var oft enn aldrei mikil á degi hverjum.

Yfirlit dagar eða vikur:

Meira

Rafmagn fór af í Árneshreppi norðan við Bæ í gær,slitinn lína reyndist vera við Mela,viðgerðarmenn frá Orkubúinu á Hólmavík komu til að gera við línuna þrátt fyrir hvassviðrið sem var í gær af suðvestri,hviður fóru allt uppí 29 m/s. Viðgerðin tók ekki langan
Meira

Í vikunni var lögreglunni tilkynnt um tvö umferðaróhöpp en þau voru bæði af svipuðum toga. Annað þeirra mun hafa orðið á Klettshálsi þann 19. febrúar. En þá var bifreið ekið yfir grjót sem reyndist á veginum og varð bifreiðin óökufær á eftir. Hitt óhappið mun hafa orðið í Tungudal,skammt fyrir neðan jarðgangaopið,þann 20. febrúar. En þá var fólksbifreið ekið yfir grjót sem var á veginum og við það skemmdist undirvagn bifreiðarinnar og varð hún óökufær eftir atvikið. Svo virðist sem auðir vegir hafi haft þau áhrif að ökumenn auki hraðan. En í vikunni sem leið voru alls 10 ökumenn kærðir fyrir að aka yfir leyfilegum hámarkshraða. Þessi atvik voru öll í Skutulsfirði og sá sem hraðast ók mældist á 102 km,hraða þar sem aðeins má aka á 80.
Meira

Nú hefur verið nokkuð hlítt í veðri frá því um 18. þessa mánaðar,og sérlega hlítt í dag hitinn komin í 9 stig á hádegi. Jörð hefur verið flekkótt undanfarið á láglendi,svell á túnum hafa minkað mikið undanfarna daga og á vegum. Fært hefur verið norður í Árneshrepp frá átjánda en bæði eru svell á vegum norður og aurbleyta víða sérstaklega inn með Reykjarfirðinum,enda er frost að fara úr jörð. Eftir veðurspám er kólnandi veður í lok þessa mánaðar.
Meira

Nú nýlega var opnuð ný fréttasíða á Hólmavík sem heitir Strandamenn. Systkinin Ingibjörg og Hafþór Benediksbörn sem standa að fréttasíðunni hafa lengi gengið með þá hugmynd að stofna fréttasíðu og slógu til fyrir nokkru. Hafþór Benediksson er margmiðlunarfræðingur og sér um öll tæknimál fréttasíðunnar ásamt því að hafa búið hana til. Ingibjörg Benediksdóttir er húsmóðir á Hólmavík og sér einnig um að skrifa fréttir á síðuna. Ljósmyndari þeirra á Strandamenn.is er ekki af verri endanum,engin annar en Jón Halldórsson frá Hrófbergi,en hann gerir líka út sínar frægu og vinsælu myndasíður  http://holmavik.123.is/ og  http://nonni.123.is/. Á fréttasíðunni eru sér tenglar á byggðarlögin í sýslunni, Hólmavík sér Bjarnarfjörður sér og Drangsnes sér
Meira

Menningarráð Vestfjarða minnir á að umsóknarfrestur til ráðsins rennur út á föstudaginn kemur, 22. febrúar. Hægt er að skila inn umsóknum sem viðhengi í tölvupósti eða í gegnum vefsíðuna www.vestfirskmenning.is til miðnættis þann dag. Á vefsíðu ráðsins má einnig nálgast umsóknareyðublöð og allar leiðbeiningar. Hægt er að sækja um styrki í tveimur flokkum, bæði til afmarkaðra menningarverkefna og líka stofn- og rekstrarstyrki til menningarstofnana í fjórðungnum. Starfsemi Menningarráðsins byggist á samningi milli ríkisins og sveitarfélaga á Vestfjörðum og er tilgangur styrkjanna að efla menningarstarfsemi og menningartengda ferðaþjónustu á Vestfjörðum. Umsóknir og verkefni hverju sinni eru borin saman á samkeppnisgrundvelli. 
STOFN- OG REKSTRARSTYRKIR  
Menningarráð Vestfjarða auglýsir nú í annað skipti eftir umsóknum um stofn- og rekstrarstyrki. Umsækjendur þurfa að skila ítarlegum upplýsingum um starfsemi sína. Ákveðið hefur verið að við úthlutun stofn- og rekstrarstyrkja 2013 verði horft sérstaklega til umsækjenda sem uppfylla eitt eða fleiri eftirtalinna atriða:   
Meira

Þann 12. febrúar var lögreglu tilkynnt um að brotist hafi verið inn í einbýlishús sem stendur við Fitjateig í Hnífsdal. Um er að ræða sumardvalarstað. Lögreglan hvetur alla þá sem telja sig búa yfir upplýsingum um verknaðinn að hafa samband í síma 450 3730. Þann 13. febrúar handtók lögreglan karlmann á Ísafjarðarflugvelli. Sá var grunaður um að hafa ætlað að taka á móti fíkniefnasendingu sem senda átti með áætlunarflugi frá Reykjavík. Í ljós kom að í sendingunni, sem var stöðvuð, voru alls 19 grömm af kannabisefnum. Maðurinn var yfirheyrður og sleppt að henni lokinni. Hann hefur áður komið við sögu lögreglu vegna fíkniefnamála. Við rannsókn þessa máls naut lögreglan aðstoðar lögreglunnar á höfuðborgarsvæðinu og einnig tollgæslunnar í Reykjavík, sem lagði til fíkniefnaleitarhund.
Meira

Þá er komið að því!  Spurningakeppni átthagafélaganna sem haldin verður í Breiðfirðingabúð, Faxafeni 14 (fyrir ofan Bónus) hefst 28. febrúar. 

Sextán liða úrslit fara fram 28. febrúar og 7. mars.  Átta liða úrslit 21. mars, undanúrslitin verða 11. apríl og úrslitin verða á síðasta vetrardag, 24. apríl.   Eftir úrslitin munum við ljúka keppninni með heilmiklu húllumhæi og dansi fram á nótt.

Húsið opnar klukkan 19:30 og keppnirnar hefjast stundvíslega klukkan 20:00.  Aðgangseyrir er 500 krónur og hægt verður að kaupa kaffi og gos.

Dregið hefur verið í 16 liða úrslitin og líta fyrstu kvöldin svona út:

Meira

Unglingahljómsveitin Gógó píurnar voru efst í kjörinu um Strandamann ársins 2012. Hljómsveitin er skipuð þeim Brynju Karen Daníelsdóttur, Gunnu Arndísi Halldórsdóttur, Margréti Veru Mánadóttur, Söru Jóhannsdóttur og Fannari Frey Snorrasyni. Mjög góð þátttaka var í kjörinu. Aðrir sem kepptu til úrslita í annarri umferð kosningarinnar voru Björn Kristjánsson á Drangnesi (Borkó), Ester Sigfúsdóttir á Kirkjubóli og Viðar Guðmundsson í Miðhúsum. Þau fengu öll tilnefningar sínar fyrir framlag til menningar og mannlífs
Meira