Snjódýpt er þar 13 cm og það jafnfallinn blautur snjór,hitastig í nótt hefur verið um núll stig.
Nú er Vegagerðin á Hólmavík að láta moka frá Hólmavík til Djúpavíkur og til Gjögurs,einnig er verið að moka frá Gjögri til Norðurfjarðar hér innansveitar.
Í dag, fimmtudaginn 14.apríl, verður vorhátíð Finnbogastaðaskóla haldin hátíðleg í Félagsheimilinu í Trékyllisvík. Góður matur og fjölbreytt dagskrá verður í boði fyrir gesti. Verð er 2200 krónur á mann en frítt fyrir börn yngri en 6 ára. Vonandi sjá sem flestir sér fært að mæta og gera sér glaðan dag með nemendum og starfsfólki skólans.
Vorhátíðin hefst klukkan 18:00.
Í dag verður unnið norðast á Trékyllisheiðinni og skipt um línu þar sem línan liggur fram af brúninni af heiðinni niðrí Kjós og spenna þar og stög og ýmislegt.
Þetta verður í síðasta sinn sem viðhaldsvinna verður nú um tíma.Enn í sumar stendur til viðhaldsvinna verði einhver í Árneshreppi það verður sagt frá því þegar þar að kemur,en það verður ekki á næstunni.
Rafmagnleysið í dag hefur ekki áhrif á Sparisjóðs Strandamanna á Norðurfirði í dag vegna þess að sparisjóðurinn er lokaður á miðvikudögum.Og Kaupfélagið einnig.
Í vikunni sem var að líða voru fjögur umferðaróhöpp tilkynnt til lögreglu.
Miðvikudaginn 6. apríl varð útafakstur á Holtavörðuheiðinni, um að ræða minniháttar óhapp og ekki slys á fólki. Fimmtudaginn 7. apríl varð óhapp í Vestfjarðargöngunum með þeim hætti að ekið var utan í vinnulyftu Vegagerðarinnar þar sem unnið var við viðgerð á ljósum. Ekki urðu miklar skemmdir og ekki slys á fólki. Föstudaginn 8. apríl varð bílvelta á Súðavíkurhlíð, þar hafnaði bifreið utan í vegriði með þeim afleiðingum að hún valt. Ökumaður og farþegi voru fluttir með sjúkrabíl á sjúkrahúsið á Ísafirði til skoðunar, um minniháttar meiðsl að ræða. Sunndaginn 10. apríl hafnaði bifreið út fyrir veg á veginum um Þröskulda, um minniháttar óhapp var að ræða og ekki slys á fólki.
Sjö ökumenn voru stöðvaðir fyrir of hraðan akstur í umdæminu í vikunni.
Húsið lét Kristján Andri Guðjónsson byggja í haust í Steinstúnslandi rétt fyrir ofan svonefnt Sýki í Norðurfirði.Ekki var búið að innrétta húsið enn það stóð til í sumar.
Húsið er mjög illa farið eins og meðfylgjandi myndir sýna.
Þetta var ofsaveður í Sunnanáttinni í gærkvöldi vindur frá 30 m/s uppí 50 m/s í kviðum.
Áherslur við fyrri úthlutun 2011.
Hægt er að sækja um stuðning við hverskyns menningarverkefni, svo framarlega að umsókn eða verkefni stangist ekki á við úthlutunarreglur sem samþykktar eru við hverja úthlutun. Umsækjendur geta verið einstaklingar, félög, fyrirtæki, stofnanir og sveitarfélög.
Menningarráð Vestfjarða hefur ákveðið að við fyrri úthlutun ársins 2011 verði horft sérstaklega til verkefna sem uppfylla eitt eða fleiri eftirtalinna atriða:
Verkefni sem efla samstarf á sviði menningarmála á Vestfjörðum.
Verkefni sem stuðla að nýsköpun og fjölbreytni í menningartengdum verkefnum.
Verkefni sem fjölga atvinnutækifærum á sviði menningar.
Menningarstarfsemi sem styður við ferðaþjónustu.
Verkefni sem stuðla að þátttöku barna og unglinga í listsköpun og menningarstarfi.
Pósturinn vill tryggja að allir landsmenn fái eingöngu þann póst sem þeim er ætlaður. Margir þekkja það áreiti og fyrirhöfn sem hlýst af því að fá annarra manna póst inn á sitt heimili og einnig ef póstur berst ekki til réttra aðila. Því er mikilvægt að allir íbúar heimilisins séu vel merktir til að póstur berist til þeirra og sé ekki endursendur til sendanda.
Nánar hér hja Póstinum.
Hjá póstinum er hægt að skoða hvað þú getur gert í merkingum og þar með leiðbeint póstinum við sína vinnu,að dreifa póstinum til þín Hjá Póstinum geta allir fengið hurðar-eða póstkassamerkingar á verði þar sem öllu er stillt mjög í hóf.
Skoðið hér.
Fundinn opnaði Albertína F. Elíasdóttir, formaður Fjórðungssambands Vestfirðinga, þá kom Ásthildur Sturludóttir, sveitarstjóri úr Vesturbyggð, svo Eyrún I. Sigþórsdóttir, sveitarstjóri Tálknafjarðarhrepps og Elías Jónatansson, bæjarstjóri Bolungavíkurkaupstaðar. Lestina rak í hópi framsögumanna, Ingibjörg Valgeirsdóttir, sveitarstjóri Strandabyggðar. Fleiri tóku til máls í umræðunum og má þar nefna Daníel Jakobsson, bæjarstjóra á Ísafirði.
Rauði þráðurinn í málflutningi sveitarstjórnarfólksins var öllum augljós: Við viljum sitja við sama borð og aðrir landsmenn í samgöngumálum, hvað varðar húshitunarkostnað, flutningskostnað og velferðarþjónustu. Ekkert meira, ekkert minna, bara sama og aðrir.
Margt var vel sagt á þessum fundi. Eftirminnileg eru orð Ingibjargar, sveitarstjóra Strandabyggðar, sem minntist æskuára sinna í Trékyllisvík. Sú vík væri ekki smá í sínum huga heldur stór og hefði farið vaxandi í vitund sinni eftir því sem á ævina hefði liðið og hún sjálf farið víðar um heiminn. Henni mæltist á þá leið að sér fyndust forréttindi að færa ungu barni sínu þennan stað til fá rótfestu fyrir lífið. Það sem Ingibjörg Strandakona og valkyrjurnar af Vestfjöðrum voru að segja - fyrirgefið strákar, þið voruð líka flottir - var ef til vill fyrst og fremst þetta: Við megum aldrei gleyma því að alls staðar búa í fólki hæfileikar og sköpunarkraftur. Á hann má ekki stíga. Hann verður að virkja og láta blómstra okkur öllum til góðs.
Undanfarna níu mánuði hafa staðið yfir framkvæmdir við verslunina þar sem reist var 150 fermetra viðbygging sem hýsir nú veitingasal og salerni. Talsverðar breytingar voru gerðar í versluninni sjálfri til að koma eldhúsi og afgreiðslulínu fyrir. Viðbyggingin sem tekin verður í notkun 7. apríl mun leysa af hólmi húsnæði sem tekið var í notkun 23. júlí 1982.
Óhætt er að segja að um talsverðar breytingar séu að ræða, sér í lagi þar sem opnunartími verslunar mun lengjast og allt aðgengi verða betra. Í veitingasal eru stólar fyrir 60 manns sem er ríflega tvöföldun frá því sem hægt var að bjóða í fyrri skála.
Margvísleg opnunartilboð verða helgina 8.-10. apríl og verða þau kynnt betur á heimasíðunni á föstudag og í verslun.
Opnunartími mun verða sem hér segir:
Mánudaga til föstudaga: 09:00 - 22:00Laugadaga og sunnudaga: 10:00 - 22:00.
Nánar á www.ksholm.is og fleyri myndir.
