Síðsumars mun nýtt búnaðarblað hefja göngu sína. Blaðið hefur hlotið nafnið Freyja til heiðurs Frey sem gefin var út í rúm 100 ár þar til fyrir nokkrum árum síðan. Útgáfufélagið Sjarminn mun gefa blaðið út en að bak því standa Axel Kárason, Eyjólfur Ingvi Bjarnason og Gunnfríður Elín Hreiðarsdóttir sem öll hafa numið landbúnaðarfræði við Landbúnaðarháskóla Íslands og er áhugafólk um framþróun innlends landbúnaðar. Jafnframt sjá þau um ritstjórn blaðsins.

Í Freyju verður miðlað hagnýtu fræðsluefni tengdu landbúnaði. Fyrsta árið mun Freyja koma fjórum sinnum út á ári og verður efni hvers blaðs nokkuð tengt árstíðum hverju sinni. Ýmsir fastaliðir verða í blaðinu þar sem sögunni verða gerð skil sem og að skyggnst verður út fyrir landssteinana. Meginuppistaða hvers blaðs verður þó ætíð fræðsluefni þar sem fræðimönnum og ráðgjöfum á sviði landbúnaðar gefst kostur á að miðla fróðleik til lesenda blaðsins.

Að baki ritstjórn er ritnefnd sem í sitja Gunnar Guðmundsson, sviðstjóri hjá Bændasamtökum, Bjarni Guðmundsson, Landbúnaðarsafni Íslands, Emma Eyþórsdóttir, Landbúnaðarháskóla Íslands, Magnús B. Jónsson, nautgriparæktarráðunautur hjá Bændasamtökunum og Eiríkur Loftsson, ráðunautur hjá Leiðbeiningamiðstöðinni í Skagafirði.

Meira

Veðrið í Júní 2011.

Yfirlit yfir veðrið frá veðurstöðinni í Litlu-Ávík.

Fyrstu daga mánaðar var vindur vestlægur,síðan Norðan og NA út mánuðinn,nema síðasta dag mánaðar,með úrkomu,slyddu snjóéljum rigningu og súld og þokulofti.Hiti komst í 10 til 11 stig dagana 3 og 4,annars mjög svalt.Snjó og slydduél voru dagana 8 og 15 og snjóaði þá niður undir byggð.Slydda var um tíma þann 10.Mánuðurinn endaði síðan á síðasta degi mánaðarins með austlægri vindátt og léttskýjuðu veðri með ágætis hita loks.Tún hafa síðustu daga mánaðar tekið við sér á ný og aðeins farin að spretta.Einnig er úthagi farin að lagast.Eins og sjá má á meðalhita við jörð var mánuðurinn mjög kaldur.

Það mætti halda að verið væri að lýsa september veðri enn ekki júní veðri.

Dagar eða vikur:

Meira

Hamingjan svífur og sólin skín á Hólmavík þessa dagana, en þar eru Hamingjudagar nú haldnir í sjöunda sinn. Hátíðin nær hámarki nú um helgina, en þá mæta m.a. hamingjufrömuðirnir Ásdís Olsen og Karl Ágúst Úlfsson á staðinn með hamingju-vinnustofu og trommuhring. Auk þess er margvísleg afþreying í boði. Meðal þess sem er á dagskránni Íslandsmet í hópplanki, Pollapönkarar láta í sér heyra, Geirmundur Valtýsson spilar á dansleik og trúbadorinn Svavar Knútur spilar á tónleikum á fimmtudagskvöldi þar sem allar ömmur með ömmubörn í eftirdragi fá frítt inn. Auk þess er hægt að fara á leiksýningar, listsýningar og Furðuleika svo fátt eitt sé nefnt. Heimamenn standa einnig sjálfir fyrir afskaplega fjölbreyttum og skemmtilegum atriðum.

 

Þá ætlar sveitarstjórn Strandabyggðar að taka fyrir á sérstökum hátíðarfundi nýja hamingjusamþykkt sveitarfélagsins, en ekki er vitað til þess að slík samþykkt sé til hjá nokkru sveitarfélagi í heiminum. Ekki má síðan gleyma að minnast á Hnallþóruhlaðborð að kveldi laugardags, en þá bjóða íbúar í Strandabyggð öllum gestum Hamingjudaga upp á ókeypis kræsingar í tertuformi.

 

Svo má ekki gleyma því að veðurspáin segir að besta veðrið um helgina verði á Norður og Norðvesturlandi. Það er ekki leiðinlegt innlegg í hamingjuna á Hólmavík. Dagskrá hátíðarinnar má nálgast á vefnum www.hamingjudagar.is.

Í gær var haldinn fundur í Félagsheimilinu Trékyllisvík til að ákveða flugslysaæfingu fyrir Gjögurflugvöll í haust,en þá verða um fjögur ár síðan að slík æfing var þar á vellinum.

Fyrirfundinum stóð Isavía og Lögreglustjóri Vestjarða.

Fyrir hönd Isavía var mættur Bjarni Sighvatsson sem sér um æfingarnar og fyrir Lögreglustjóra Vestfjarða mætti Jónas Sigurðsson yfirlögregluþjónn.

Einnig voru mætt á fundinn Oddný Þórðardóttir oddviti Árneshrepps og Sveindís Guðfinnsdóttir flugvallarvörður Gjögurflugvallar og nokkrir aðrir.

Farið var yfir nokkur mál sem tengjast æfingunni og var sú ákvörðun tekin að halda æfinguna 7 til 8. október 2011.

Hvítabjörninn sem var felldur í Rekavík á Hornströndum 2. maí sl. var ung birna. Dýrafræðingur á Tilraunastöðinni á Keldum segir að hún hafi verið 95 kílóa og 173 cm á hæð. Birnan var ekki smituð af tríkínum en í maga fannst sníkjuþráðormur sem oft finnst í maga til dæmis kampsels og hringanóra.

Karl Skírnisson dýrafræðingur segir í tilkynningu að mikilvægt sé að hindra að tríkínur nái fótfestu hér á landi, en Ísland sé eitt fárra landa þar sem þessir sníkjuormar, sem reynst geti mönnum lífshættulegir, sé ekki landlægir.

Karli var fengið að sjá um rannsóknir á dýrinu. Hún var gerð í samvinnu við Ólöfu Guðrúnu Sigurðardóttur, dýralækni og dýrameinafræðing á Keldum og Þorvald Björnsson, hamskera Náttúrufræðistofnunar Íslands.
Hann segir að aldursgreining birnunnar, sem byggi á talningu árhringja á tannrótum, sýndi að birnan var ríflega þriggja ára (talin fædd í janúar 2008).
Hér má sjá fréttatilkynninguna í heild.
Þetta kom fram á vef Morgunblaðsins í gær.

Reimar Vilmundarson á Sædísi ÍS-67 sem sér um ferðir á Hornstrandir frá Norðurfirði hefur aflýst ferðum að minnsta kosti í fjóra daga vegna veðurs.

Ekkert sjóveður hefur verið frá því í fyrradag til skemmtisiglinga norður á Strandir með fólk,haugasjór og vindur af Norðri og Norðaustri með stinningskalda rigningu og súld.

Veðurspáin fyrir þetta svæði er ekki góð næstu daga og biður Reimar ferðafólk sem átti pantað með Sædísi norður,að hafa samband í síma 893-6926. www.freydis.is
Eitthvað hefur verið um það að fólk hafi afpantað í ferðir á Hornstrandir.

Eftir nær hálfa öld í háloftunum er flugkappinn Hörður Guðmundsson hættur störfum sem flugmaður. Hann fagnaði 65 ára afmæli sínu á föstudaginn var og flaug sitt síðasta áætlunarflug, frá Bíldudal og til Reykjavíkur. Stór hópur vina og vandamanna var saman kominn við flugbrautina á Reykjavíkurflugvelli, þegar Hörður Guðmundsson lenti vél sinni um hádegisbilið á föstudag. Þótt hann sé hættur í áætlanafluginu kveðst hann ekki vera endanlega lentur. Þessi dagur sé mjög svipaður þeim á undan. Alltaf nóg að gera og hann horfi bjartur til framtíðar. Örninn er lentur, eins og einhver sagði, en hann haldi áfram að þjálfa og kenna og prófa sitt fólk og kannski einhverja fleiri.Hörður stofnaði flugfélagið Erni árið 1970 og gegndi það veigamiklu hlutverki í samgöngu- og öryggismálum Vestfjarða um áratuga skeið. Auk þess tók það að sér verkefni í hjálparflugi á vegum Alþjóðlega Rauðakrossinn og þróunarverkefni á vegum Sameinuðu þjóðanna.

Árið 2007  hóf Ernir  áætlunarflug til Bíldudals, Gjögurs, Sauðárkróks og Hafnar í Hornafirði.

Þetta kom fram í fréttum RÚV föstudaginn 24 júní.

Fréttatilkynning:
"Hrafnarnir" Hermann Ingi og Hlöðver
,ásamt Elísabetu flytja eigin lög og texta,ásamt írskri tónlist.
Tónleikar á Hótel Djúpavík,laugardagskvöldið 25. júní kl. 21:30

Aðgangseyrir kr. 1.500,-Sjáumst á laugardagskvöldið.

Nú fyrir stuttu var endurútgefið ferðaþjónustukort og sögustaðir fyrir Árneshrepp,en eldri útgáfan var uppurin.

Inná kortið hefur verið bætt  nokkrum stöðum,svo sem ný hús hjá Urðartindi en þau hús voru byggð í fyrrasumar eftir að fyrri útgáfa kom út.Einnig Ferðaþjónustan í Ófeigsfirði.Eins voru sett tákn við auglýsingar frá þjónustuaðilum sem er á aftari hluta kortsins.

Þeyr aðilar sem tóku þátt eru kynntir á bakhlið kortsins eru:

Hótel Djúpavík-Flugfélagið Ernir-Litlihjalli.is-Æðardúnn úr Árnesey-Minja og handverkshúsið Kört-Assa,þekking&þjálfun-Sumardvöl á Melum í Trékyllisvík-Ferðaþjónustan Urðartindur-Ferðafélag Íslands-Kaupfélag Steingrímsfjarðar Norðurfirði-Gistiheimili Norðurfjarðar-Kaffi Norðurfjörður-Sparisjóður Strandamanna Norðurfirði-Gamla kjötfrystihúsið-Gistiheimilið Bergistanga-Siglingar á Hornstrandir og Árneshreppur með þrjár auglýsingar:Finnbogastaðaskóli,Félagsheimilið og Norðurfjarðarhöfn.

Um hönnun og teikningu sá Ómar Smári Kristinsson og umbrot sá Nína Ivanova á Ísafirði,prentun fór fram í Svansprenti.

Um enska þýðingu sá Ingibjörg Ágústsdóttir.

Kortið liggur frammi á flestum viðkomustöðum í Árneshreppi og á Upplýsingamiðstöðinni á Hólmavík og víðar.

Fréttatilkynning:

Myndlistakonurnar Ása Ólafsdóttir, Bryndís Jónsdóttir, Kristín Geirsdóttir og Magdalena Margrét Kjartansdóttir opna sýninguna Samspil II í Gallerí Lækjarkoti í Borgarbyggð laugardaginn 25. júní klukkan 15.00. Þar verða sýnd olíuverk, akryl- og vatnslitaverk, textílverk, ljósmyndir, þrykk og myndbandsverk.

 

Gallerí Lækjarkot tengist vinnustofu Ásu Ólafsdóttur, en Lækjarkot stendur við þjóðveg númer eitt um sex km. ofan við Borgarnes.
Listakonurnar eiga fjölbreyttan sýningarferil að baki. Þær námu allar í Myndlista- og handíðaskóla Íslands í Reykjavík og hafa látið að sér kveða í íslensku myndlistarlífi síðustu áratugina.
Sýningin er opin í allt sumar frá fimmtudegi til sunnudags milli kl. 14.00 - 18.00 eða eftir samkomulagi við Ásu í síma 699-0531 og asa@asaola.is. Aðgangur er ókeypis.

Tvær af þessum konum sýndu í Ingólfsfirði fyrir tveim árum.