Veðrið í Maí 2011.

Yfirlit yfir veðrið frá veðurstöðinni í Litlu-Ávík.Mánuðurinn byrjaði með hafáttum og oftast hægum vindi enn fremur svölu veðri fram til 16. Þann 17 gekk hann í Norðaustanátt og síðan Norðan,og hret gerði frá 20 sem stóð fram til 24. Síðan hafáttir með frekar svölu veðri.Ræktuð tún farin að takavið sér,(grænka) um 5. maí og úthagi farin að koma til eftir 10. þrátt fyrir svalt veður. Þetta gekk allt til baka aftur í hretinu nema að ræktuð tún tóku strax við sér aftur þegar hlýnaði aðeins aftur eftir hretið. Mánuðurinn var kaldur og úrkomusamur í heild. Lambfé sett út á tún um viku seinna enn venjulega vegna kuldans og gróðurleysis.

Dagar eða vikur:

Meira

Nú í dag hóf Strandafrakt áætlunarferðir með flutningabíl frá Reykjavík Hólmavík-Norðurfjörður.

Bíllinn fer úr Reykjavík á þriðjudögum og þann dag til Hólmavíkur og til Norðurfjarðar á miðvikudögum.Þessar ferðir standa út október.

Í maí var Strandafrakt búin að koma ferðir að sækja grásleppuhrognatunnur.

Eins og í fyrra mun póstur eiga að koma með bílnum á miðvikudögum,enn engin póstur kom með bílnum í dag,Íslandspóstur hafði ekki samið við flutningsaðila það er Strandafrakt.

Kórinn er nú að halda af stað í sína árlegu vorferð.  Að þessu sinni liggur leiðin norður á Strandir sem er sérstök ánægja fyrir kórinn.  Kórinn heldur tónleika í Hólmavíkurkirkju föstudaginn 3. júní kl. 20 og í Árneskirkju laugardaginn 4. Júní kl. 16.Stjórnandi kórsins er Krizstina Szklenár.Efnisskrá tónleikanna er fjölbreytt og skemmtileg, bæði innlend og erlend lög.Það er frítt inn á báða tónleikanna .Allir eru hjartanlega velkomnir.

Það verður sama fyrirkomulag og í fyrra að Flugfélagið Ernir fá aðeins styrk til að fljúga einu sinni í viku í sumar á Gjögur.

Samkvæmt sumaráætlun Flugfélagsins Ernis eru áætlunardagarnir aðeins á mánudögum frá 1 júní til 31 ágúst.Eins verður flogið einu sinni í viku í september,eða í fjóra mánuði eins og í fyrra.

Frá 1 október verður flogið tvisvar í viku á mánudögum og fimmtudögum.

Síðasta fimmtudagsflug var þann 26 maí.

 

Loks hefur verið hægt að setja lambfé út á tún eftir Norðaustan og N hretið sem stóð yfir aðallega í fjóra daga en mjög kalt var líka fyrir hret.Nú hefur hlýnað þótt fari neðri frostmark á nóttunni.

Mikli þrengsli voru orðin í fjárhúsum bænda enda sauðburður langt kominn.

Þetta er um viku seinna enn í fyrra sem lambfé er sett út,enn undanfarin ár hefur einnig verið komið fram til 20 maí sem það hefur verið hægt vegna þessa ríkjandi kulda sem eru alltaf hér um slóðir í maí.

Í gær og í dag hafa bændur verið að setja fé út af fullum krafti,ræktuð tún koma bara vel græn undan síðasta snjó,þannig að fé ætti að fá nóg að býta,einnig eru heyrúllur settar út á tún sem fé fer í,og svo er gefið eitthvað af fóðurbæti með.

Leikfélag Hólmavíkur leggur upp í leikferð um Vestfirði í næstu viku, með uppsetningu á hinum sprellfjöruga gamanleik „Með táning í tölvunni“ eftir Ray Cooney. Nú er endanlega búið að ákveða hvar og hvenær sýningarnar verða, en þær verða þrjár í ferðinni:Fimmtudaginn 2. Júní í Félagsheimilinu á Patreksfirði, föstudaginn 3. júní í Félagsheimilinu í Bolungarvík og laugardaginn 4.júní í Samkomuhúsinu í Súðavík. Allar sýningarnar hefjast kl 20:00.

Menningarráð Vestfjarða styrkir Leikfélagið vegna leikferðarinnar.

Það er Hólmvíkingurinn Arnar S. Jónsson sem leikstýrir og fara sjö leikarar með hlutverk í sýningunni og eru flestir þeirra að stíga sín fyrstu skref með leikfélaginu. Auk þeirra tekur annar eins fjöldi þátt í verkefnum á bak við tjöldin. Uppsetningin hefur fengið fádæma góða aðsókn hingað til. Fimm sýningar eru að baki á Hólmavík og voru samtals hátt í 450 gestir sem sáu þær, sem samsvarar rúmlega íbúafjölda á staðnum. Leikfélagið hefur gegnum tíðina einkennst af mikililli ferðagleði og hefur í gegnum tíðina sýnt á um það bil 50 stöðum á landinu.

Leikfélagið á 30 ára afmæli á þriðjudaginn og auk þessarar uppfærslu er ætlunin að minnast afmælisins með fjölbreyttum hætti síðar á árinu.

 

Í liðinni viku var veðurfar og færð á vegum frekar leiðinlegt og lentu þó nokkrir vegfarendur í vandræðum á fjallvegum vegna snjóa og þurfi að aðstoða nokkra ökumenn vegna þess og voru björgunarsveitir á suðurfjörðum og Hólmavík fengnar til aðstoðar.

Fjögur umferðaróhöpp voru tilkynnt til lögreglu í vikunni.  Þann 16. maí var tilkynnt um tvö minniháttar óhöpp á Ísafirði.  18. maí varð umferðaróhapp í Vestfjarðargöngunum, þar var einn ökumaður fluttur á sjúkrahúsið á Ísafirði til skoðunar.  20. maí hafnaði bifreið út af veginum í Súgundarfirði, ekki slys á fólki.

Tveir voru stöðvaðir fyrir of hraðan akstur, annar í Skutulsfirði og hinn í nágrenni við Reykhóla, sá sem hraðast ók, var mældur á 123 km/klst. þar sem leyfilegur hámarkshraði er 90 km/klst.

Í vikunni var lögregla við eftirlit með veitinga og gististöðum í umdæminu og var einum veitingastað lokað og einnig einum gististað.Segir í tilkynningu frá lögreglu.

Nú er kalt á fróni snjóél eða snjókoma,allt er nú alhvítt  í Árneshreppi.

Í gærkvöldi var Norðaustan allhvass vindur með mjög dimmum éljum þannig að vart sást milli húsa á tímabili.

Á veðurstöðinni í Litlu-Ávík kl 09:00 í morgun var komin hiti 0,8 stig og hafði frostið farið niðrí -1,6 stig í nótt.

Alhvít jörð verður að teljast í morgun og snjódýpt 2 cm.

Haugasjór er búin að vera síðustu þrjá daga.

Lambfé er allt á húsum enn,þeir bændur sem voru búnir að láta lambfé út á tún tóku það inn aftur,aðeins geldfé og hrútar eru úti í kuldanum og snjónum.

Sauðburður er nú víðast hvar hálfnaður og vel það þannig að þröngt er í fjárhúsum bænda.

Stjórn Menningarráðs Vestfjarða hefur lokið vinnu við að fara yfir styrkumsóknir vegna fyrri úthlutunar ráðsins árið 2011 og ákvörðun hennar um framlög til einstakra menningarverkefna liggur fyrir. Samtals bárust 97 umsóknir um stuðning við verkefni að þessu sinni og var úr vöndu að ráða því bæði voru umsóknir óvenju margar og vandaðar. Fjölmörg verkefni voru einnig mjög áhugaverð og verður spennandi að fylgjast með þeim sem verða að veruleika. Samtals var sótt um rúmlega 75,6 milljónir, en samanlögð kostnaðaráætlun verkefna er tæpar 382 milljónir. Hefði stjórn Menningarráðsins gjarnan viljað hafa meira fjármagn til ráðstöfunar að þessu sinni, bæði til að styrkja fleiri góð verkefni og einnig til að upphæðir til einstakra verkefna gætu verið hærri. Menningarráð Vestfjarða samþykkti að veita styrki til 34 verkefna við fyrri úthlutun 2011, samtals að upphæð

14.650.000.-

Í stjórn Menningarráðsins við vinnuna að úthlutunarferlinu sátu Leifur Ragnar Jónsson formaður, Gerður Eðvarsdóttir varaformaður, Jóna Benediktsdóttir, Katrín Gunnarsdóttir og Ásta Sjöfn Kristjánsdóttir.

Sú breyting er gerð á framkvæmd úthlutunar að þessu sinni að niðurstaða Menningarráðsins er kynnt með fréttatilkynningu, en ekki verður um sérstaka úthlutunarathöfn að ræða eins og verið hefur undanfarin ár. Er það gert í sparnaðarskyni. Að venju eru ekki gefnar upplýsingar um þau verkefni sem fá ekki styrk. Menningarráðið þakkar kærlega fyrir allar þær umsóknir sem bárust og óskar umsækjendum velfarnaðar í verkefnum sínum. Aftur verður auglýst eftir umsóknum um styrki í haust.

Framlög Menningarráðs Vestfjarða við fyrri úthlutun ársins 2011:

Meira

Nú er lítið skrifað á vef Litlahjalla vegna sauðburðar sem er nú í fullum gangi.Eins er fréttamaður veikur,með flensu,þótt unnið sé í fjárhúsunum meðan hægt er að standa í lappirnar.

Slæmt veður hefur verið kalt og úrkomusamt og enn á veður eftir að versna jafnvel að frysta og snjóa.

Ekkert fé er komið út hér í Litlu-Ávík enn sem betur fer.

Átta þrílembur af 12 eru bornar í Litlu-Ávík ,samkvæmt fósturtalningu í vetur.Búið er að venja lömb undir einlembur.

Hér koma myndir af fallegum lömbum.