Jón Guðbjörn Guðjónsson í Litlu-Ávík afhenti nú í október Bókasafni Veðurstofu Íslands 16 svart-hvítar hafísmyndir sem hann hafði tekið hafísárið 1968.
Guðrún Pálsdóttir bókasafnsfræðingur skannaði myndirnar bæði í .tif og .jpg.formi og sendi Jóni afrit á diski.
Myndirnar eru nú komnar í myndasafn Veðurstofu Íslands og eru nú vel geymdar.
Nú eru þessar myndir komnar hér á heimasíðuna undir Myndasafn og Hafísmyndir frá 1968.
Flestar myndirnar eru teknar frá Reykjaneshyrnu og frá Nesunum við Litlu-Ávík og Reykjanesi.
Hér kemur svo ein mynd.

Árneskirkja.
Við guðsþjónustu í Árneskirkju í Árneshreppi á Ströndum í dag sunnudaginn 21-10 kl 14:00,var vígður nýr prédikunarstóll sem er hannaður af Guðlaugi Gauta Jónssyni arkítekt sem einnig teiknaði Árneskirkju hina nýju.
Prétekunarstóllinn var gefin af afkomendum hjónanna Jóns Guðlaugssonar frá Steinstúni og Aðalheiðar Magnúsdóttur.
Prédikunarstóllinn er steinn og er af steintegundinni gabbró.
Sr.Guðni Þór Ólafsson prófastur prédikaði,enn fyrir altari þjónuðu Sr.Sigríður Óladóttir sóknarprestur og Kristín Árnadóttir Djákni.
Kirkjukór Árneskirkju sá um söng við undirleik Stefaníu Sigurgeirsdóttur orgelleikara.
Við guðsþjónustuna var einnig afhent ný útgáfa af Bíblíunni og lesið upp úr henni,enn föstudaginn 19.október,kom Bíblían út í nýrri þýðingu og það er fyrsta heildarþýðing hennar sem út kemur á íslensku í heila öld.

Við þessa guðsþjónusu verður vígður nýr prédikunarstóll sem er hannaður af Guðlaugi Gauta Jónssyni arkítekt sem einnig teiknaði Árneskirkju.
Stóllinn er gefin af afkomundum hjónanna Jóns Guðlaugssonar frá Steinstúni og Aðalheiðar Magnúsdóttur.
Sr.Guðni Þór Ólafsson prófastur mun prédika og Sr.Sigríður Óladóttir sóknarprestur mun þjóna fyrir altari.
Kór Árneskirkju mun sjá um söng.

Símamenn komu norður í dag að laga símsamband á bæ hér í sveit og kíktu á veðurstöðina á Gjögurflugvelli í leyðinni og komust að því að sambandsleysi hefði myndast eftir að þeyr löguðu fasta símann á Gjögurflugvelli í daginn,þegar hann datt út.
Og þá var kennt um tækjum frá Flugstoðum sem þeyr settu upp á flugvellinum og átti að trufla sendingar á sjálfvirku veðurstöðinni.
Nú hefur komið í ljós að það þurfti að bæta símasambandið fyrir veðurstöðina vegna truflunar frá flugvitanum.
Stöðin hefur ekki sent í 1 mánuð eða frá 18-9 til 17-10.

Ingibjörg Jónsdóttir við Hafísupplýsingar Háskóla Íslands sendir hér góða ratsjármynd frá því í dag.
Og bendir á að myndin sýni aðallega hversu hrjúft yfirborð er -dökkir tónar merkja slétt yfirborð en hvítir tónar merkja hrjúft.
Skip geta sést sem bjartir blettir (sjáið á mynd hóp af hvítum punktum í efra vinstra horni).
Svona myndir geta sýnt hafísinn þó að dimmt sé og skýjað.
Eins sést hvar lognpollar eða var myndast á sjónum.

Ingibjörg Jónsdóttir Dósent í Landfræði jarðvísindastofnun Háskóla Íslands og sér einnig um Hafísupplýsingar við jarðvísindadeild Háskóla Íslands.
Ingibjörg sendi vefsíðunni Litlihjalli góða mynd af Vestfjarðakjálkanum.
Myndin er Modis mynd af Vestfjörðum sem sýnir mismikinn snjó á kjálkanum afar vel.
Síðu Ingibjargar má sjá hér á síðunni undir tenglar,einnig á vedur.is undir Hafís.

Þorsteinn Sigfússon hjá Orkubúinu á Hólmavík hafði samband við litlahjalla og sagði að bilunin hefði fundist við Víðidalsá þar sem vír var slitin og viðgerð er lokið og rafmagn komst aftur á frá landskerfinu kl 15:20.
Til stóð að fara á Trékyllisheiðina í dag til að rétta og laga staura í línunni norður,enn því sennilega frestað til mánudags 22-10.

Magnús Ólafs Hansson ráðgjafi Vinnumálastofnunar á Vestfjörðum sendi fréttavefnum Litlahjalla þessa nákvæmu og skemtilegu lýsingu
um Árneshrepp.

Fyrir þá sem ekki vita er Árneshreppur nyrsta sveitarfélagið í Strandasýslu og afskaplega landmikið. Í suðri nær hreppurinn frá Spena undir Skreflufjalli á milli eyðibýlanna Kaldbaks og Kolbeinsvíkur og að norðanverðu að Geirólfsgnúp fyrir norðan Skjaldabjarnarvík.
Speni er örnefni í Árneshreppi á Ströndum norður. Um er að ræða nafnið á stórum hól þar sem mörkin eru á milli Árneshrepps á Ströndum norður og Kaldrananeshrepps. Nafnið dregur hóllinn af því að hann er eins og konubrjóst í laginu, með öllu tilheyrandi. Þjóðsaga er til um hólinn Spena þar sem segir að hann hafi orðið til með þeim hætti að tröllkona hafi spyrnt fram skriðu úr fjallinu.
Árneshreppur er stundum nefndur Víkursveit eftir búsældarlegasta hluta sveitarfélagsins, Trékyllisvík, og er það fornt nafn á hreppnum. Trékyllisvík var vettvangur hörmulegra atburða á tímum galdraofsókna á 17. öld, en þar voru þrír galdramenn brenndir árið 1654 í klettagjá sem kallast Kistan.
Á svæðinu urðu til vísar að þéttbýli á 20. öld í Kúvíkum, Gjögri og Djúpavík, einkum í tengslum við hákarlaveiðar og síldveiðar, og eru þar miklar menjar um atvinnulíf og mannlíf.
Gjögur er fornfræg veiðistöð í Árneshreppi á Ströndum norður, þar var vísir að þorpi á 20. öld. Nú býr þar enginn lengur allt árið, en nokkuð er um að fólk hafi þar sumardvöl. Gjögur er utan við Sætrafjall á Reykjanesi, milli Trékyllisvíkur og Reykjarfjarðar. Þar var fræg hákarlaveiðistöð á síðustu öld og margir voru þar í verbúðum yfir veiðitímabilið. Gengu þá oft þaðan 15-18 opin skip til hákarlaveiða samtímis og voru 7-11 menn á hverju skipi. Við Gjögur er bryggja og flugvöllur og þar hefur verið sjálfvirk veðurathugunarstöð síðan 1994.
Ekkert aðalskipulag er í gildi, en samkvæmt lögum þarf að vera búið að vinna slíkt árið 2008. Verslunarstaður er í Norðurfirði, rekinn af Kaupfélagi Steingrímsfjarðar á Hólmavík.

(Upplýsingar Frjálsa alfræðiritið)
Magnús Ólafs Hansson.

Rafmagnið fór af um hálf tíu í morgun og kom á aftur um og uppúr ellefu.
Að sögn Þorsteins Sigfússonar hjá Orkubúinu á Hólmavík er ekki búið að finna bilunina nú um hádeigið,enn bilunin er á línunnu frá Geiradal til Hólmavíkur og viðgerðamenn eru að leita bilunarinnar.
Töfin sem var á spennusetningu á Norðurlínu og Þorpalínu og nokkrum hluta af Hólmavík var vegna þess að ílla gekk að koma Þverárvirkjun inná kerfið með díselvél.

Flugstoðir standa fyrir flugslysaæfingunni í samstarfi við viðbragðsaðila í hreppnum og af höfuðborgarsvæðinu.
Æfingin er talin frekar smá í sniðum enn er mikill áfangi í neyðarbúnaði Gjögurflugvallar enda fyrsta hópslysaæfingin á staðnum.
Á morgun hefst flugslysaæfing á Gjögurflugvelli enn fyrst í félagsheimilinu Árnesi í Trékyllisvík á laugardag kl 09:00 þar verður farið yfir alla atburðarás ef slys verður með heimamönnum,dagskrálok þá er óljós.
Enn á sunnudag kl 09,00 hefst æfing á Gjögurflugvelli og í grennd og lýkur dagskrá þar um kl 11:00 enn síðan frágangur búnaðar og fleyra.Síðan verður farið í félagsheimilið aftur og farið yfir æfinguna og umræður um hana hvað vel tókts og ekki og úrbætur sem má læra af flugslysaæfingunni.