Rafmagn komst aftur á hér í Árneshreppi kl 00:35 og er því búið að vera rafmagnslaust í tæpa 5 tíma,eða síðan um kl 19:45 í kvöld.

Að sögn Orkubúsmanna á Hólmavík er slitin lína frá Hólmavík og inn í Steingrímsfjörð,enn rafstöðin sem er keyrð á Drangsnesi ræður ekki við línuna norður í Árneshrepp.
Verið er að vinna að viðgerð.

Um kl 19:45 fór rafmagn af hér í hreppnum,ekki veit undirritaður hvað veldur,enn talsverð snjókoma er og allhvöss austan átt og hiti orðin 0,7 stig,gæti verið selta eða samsláttur í línum.
Það er ekki slitið norður því það hafa komið blikk.
Hér á veðurstöðinni er keyrð dísel rafstöð.

Það snjóaði talsvert í nótt snjódýpt hér á veðurstöðinni í Litlu-Ávík var kl 09:00 12 cm miðað við jafnfallin snjó,enn mesta snjódýpt á landinu er á Keflavíkurflugvelli 16 cm,eins og sést á korti Veðurstofu Íslands.
Úrkoman mældist í Litlu-Ávík eftir nóttina 12,9 mm og var það mesta úrkoma á landinu,hitin er frá -0,6 upp í 1,6 stig.

Jón Guðbjörn Guðjónsson í Litlu-Ávík afhenti nú í október Bókasafni Veðurstofu Íslands 16 svart-hvítar hafísmyndir sem hann hafði tekið hafísárið 1968.
Guðrún Pálsdóttir bókasafnsfræðingur skannaði myndirnar bæði í .tif og .jpg.formi og sendi Jóni afrit á diski.
Myndirnar eru nú komnar í myndasafn Veðurstofu Íslands og eru nú vel geymdar.
Nú eru þessar myndir komnar hér á heimasíðuna undir Myndasafn og Hafísmyndir frá 1968.
Flestar myndirnar eru teknar frá Reykjaneshyrnu og frá Nesunum við Litlu-Ávík og Reykjanesi.
Hér kemur svo ein mynd.

Árneskirkja.
Við guðsþjónustu í Árneskirkju í Árneshreppi á Ströndum í dag sunnudaginn 21-10 kl 14:00,var vígður nýr prédikunarstóll sem er hannaður af Guðlaugi Gauta Jónssyni arkítekt sem einnig teiknaði Árneskirkju hina nýju.
Prétekunarstóllinn var gefin af afkomendum hjónanna Jóns Guðlaugssonar frá Steinstúni og Aðalheiðar Magnúsdóttur.
Prédikunarstóllinn er steinn og er af steintegundinni gabbró.
Sr.Guðni Þór Ólafsson prófastur prédikaði,enn fyrir altari þjónuðu Sr.Sigríður Óladóttir sóknarprestur og Kristín Árnadóttir Djákni.
Kirkjukór Árneskirkju sá um söng við undirleik Stefaníu Sigurgeirsdóttur orgelleikara.
Við guðsþjónustuna var einnig afhent ný útgáfa af Bíblíunni og lesið upp úr henni,enn föstudaginn 19.október,kom Bíblían út í nýrri þýðingu og það er fyrsta heildarþýðing hennar sem út kemur á íslensku í heila öld.

Við þessa guðsþjónusu verður vígður nýr prédikunarstóll sem er hannaður af Guðlaugi Gauta Jónssyni arkítekt sem einnig teiknaði Árneskirkju.
Stóllinn er gefin af afkomundum hjónanna Jóns Guðlaugssonar frá Steinstúni og Aðalheiðar Magnúsdóttur.
Sr.Guðni Þór Ólafsson prófastur mun prédika og Sr.Sigríður Óladóttir sóknarprestur mun þjóna fyrir altari.
Kór Árneskirkju mun sjá um söng.

Símamenn komu norður í dag að laga símsamband á bæ hér í sveit og kíktu á veðurstöðina á Gjögurflugvelli í leyðinni og komust að því að sambandsleysi hefði myndast eftir að þeyr löguðu fasta símann á Gjögurflugvelli í daginn,þegar hann datt út.
Og þá var kennt um tækjum frá Flugstoðum sem þeyr settu upp á flugvellinum og átti að trufla sendingar á sjálfvirku veðurstöðinni.
Nú hefur komið í ljós að það þurfti að bæta símasambandið fyrir veðurstöðina vegna truflunar frá flugvitanum.
Stöðin hefur ekki sent í 1 mánuð eða frá 18-9 til 17-10.

Ingibjörg Jónsdóttir við Hafísupplýsingar Háskóla Íslands sendir hér góða ratsjármynd frá því í dag.
Og bendir á að myndin sýni aðallega hversu hrjúft yfirborð er -dökkir tónar merkja slétt yfirborð en hvítir tónar merkja hrjúft.
Skip geta sést sem bjartir blettir (sjáið á mynd hóp af hvítum punktum í efra vinstra horni).
Svona myndir geta sýnt hafísinn þó að dimmt sé og skýjað.
Eins sést hvar lognpollar eða var myndast á sjónum.

Ingibjörg Jónsdóttir Dósent í Landfræði jarðvísindastofnun Háskóla Íslands og sér einnig um Hafísupplýsingar við jarðvísindadeild Háskóla Íslands.
Ingibjörg sendi vefsíðunni Litlihjalli góða mynd af Vestfjarðakjálkanum.
Myndin er Modis mynd af Vestfjörðum sem sýnir mismikinn snjó á kjálkanum afar vel.
Síðu Ingibjargar má sjá hér á síðunni undir tenglar,einnig á vedur.is undir Hafís.