Aðeins einn drengur fermist frá Árneskirkju í Árneshreppi nú í vor. Það er Kári Ingvarsson í Árnesi, elsti sonur hjónanna Elísu Valgeirsdóttur og Ingvars Bjarnasonar. Fermingin fer fram í Árneskirkju hinni eldri laugardaginn 13. júní klukkan 16:00 og fermingarveislan hefst í félagsheimilinu klukkan 17:30.
Samið var við Borgarverk ehf í Borgarnesi vegna útboðs við framkvæmdirnar á Gjögurflugvelli, það er að setja bundið slitlag yfir brautina ásamt nýjum ljósabúnaði. En rafvirkjar Isavia setja upp og tengja ljósabúnaðinn. Flugvellinum á Gjögri verður lokað fyrir allri flugumferð mánudaginn 22. júní
Fréttatilkynning.
Sunnudaginn 7. júní opnar í Djúpavík á Ströndum sýningin FALINN SKÓGUR – rekaviður í hönnun. Tuttugu og sex þátttakendur sýna nýleg verk þar sem rekaviður er notaður á fjölbreytilegan hátt jafnt í skartgripi, nytjahluti, útihúsgögn sem arkitektúr. Verkin á sýningunni eru gott dæmi um það hvernig rekaviðurinn býður upp á fjölbreytilega nálgun. Ýmist má vinna úr honum ómeðhöndluðum eða að horfa á hann sem efnivið til frekari vinnslu. Sýningin er sett upp í gömlu síldarverksmiðjunni og verður opinn allt sumarið og er unnin í samvinnu við Hótel Djúpavík. Markmið sýningarinnar er að varpa ljósi
Í gær miðvikudaginn 3. júní var fyrsta hefðbundna áætlun Strandafraktar með flutningabíl til Norðurfjarðar á þessu sumri,en ferðir Strandafraktar hefjast að venju fyrsta miðvikudag í júní og áætlunarferðirnar standa út október. Bíllinn fer úr Reykjavík á þriðjudögum og þann dag til Hólmavíkur um kvöldið og til Norðurfjarðar á miðvikudögum. Einnig hefur Strandafrakt verið að flytja fisk á markað eftir að strandveiðar byrjuðu,enn nokkrir bátar gera út á strandveiðar frá Norðurfirði bæði heimabátar og aðkomubátar, en þær veiðar hafa gengið ílla undanfarna daga vegna ótíðar. Eins
Náttúran er ævintýraheimur. Þar gerast alls konar ævintýri og þar er margt skemmtilegt að sjá og upplifa. Náttúrubarnaskólinn er nýtt verkefni á Sauðfjársetrinu í Sævangi á Ströndum þar sem börn og fullorðnir læra um náttúruna á fjölbreyttum námskeiðum, með því að sjá, snerta, upplifa og framkvæma. Námskeiðin samanstanda af skemmtilegri fræðslu um það sem er að finna í nágrenninu. Þar er talað um fjöruna og leyndardóma hennar, rekadrumba og þöngulhausa, einnig fugla, seli og plöntur. Eins er sagt frá þjóðsagnapersónum og sögunni sem tengist svæðinu. Veðrið verður líka skoðað, skráð og skeggrætt um það með hjálp frá lítilli heimatilbúinni veðurstöð sem verður í Sævangi. Þá verður farið í gönguferðir og leiki. Eins stendur til að föndra og skapa listaverk, búa til jurtaseyði, rannsaka lífríkið, búa til fuglahræður, senda flöskuskeyti og margt fleira. Kennslan fer að miklu leyti fram utandyra og er verkleg, þó auðvitað verði að haga eftir seglum eftir vindum og veðri.
Yfirlit yfir veðrið frá veðurstöðinni í Litlu-Ávík.
Mánuðurinn byrjaði með norðan og norðaustanáttum með éljum og köldu veðri sem stóð til og með tólfta þessa mánaðar. Þá snerist til suðlægrar vindáttar í tvo daga með hlýnandi veðri í bili. Síðan voru hafáttir næstu fjóra daga með svölu veðri að mestu. Þann nítjánda snerist til suðlægra vindátta með aðeins hlýnandi veðri til tuttugusta og fyrsta. En aðfaranótt 22. gerði skammvinna norðanátt með kalsa rigningu og slyddu. Þá voru breytilegar vindáttir í tvo daga með rigningu. Þann 25 snerist til norðlægrar vindáttar með hægum vindi í fyrstu, en þann 27. var allhvasst með snjókomu og síðan slyddu fram á 28. Norðlægar vindáttir voru svo út mánuðinn með svölu veðri.
Mánuðurinn var mjög kaldur í heild, og úrkomusamur eftir miðjan mánuð. Ræktuð tún eru farin að grænka enn ekki stingandi strá eða komin (nál eins og sagt var í gamla daga). Enda étur lambfé úr hey rúllum sem settar eru út á tún sem þær inni væru, og fé gefin fóðurbætir úti þegar þurrt er í veðri. Úthagi er ekkert farin að taka við sér í mánaðarlok, ljósgrár enn.
Mæligögn:
Tónlistarhátíðin Sumarmölin fer fram í þriðja sinn í Samkomuhúsinu Baldri á Drangsnesi þann 13. júní næstkomandi. Hátíðin er rómuð fyrir einstaka stemningu þar sem fólk á öllum aldri kemur saman og nýtur frábærrar tónlistar í einstöku umhverfi.
Fyrir Sumarmölina í ár var rjóminn fleyttur ofan af íslensku tónlistarlífi og sett saman ómótstæðileg dagskrá þar sem allir ættu að geta fundið eitthvað við sitt hæfi.
Á hátíðinni í ár koma fram:
Sóley, Retro Stefson, Tilbury, Ylja, Borko, Kveld-Úlfur og Berndsen
16 ára aldurstakmark er á tónleikana en yngri tónleikagestir eru hjartanlega velkomnir í fylgd með fullorðnum.
Tónleikarnir hefjast klukkan 19:30 en húsið opnar um hálftíma fyrr.
Að tónleikum loknum munu FM Belfast DJar halda upp stuði og stemningu fyrir dansþyrsta tónleikagesti á Malarkaffi fram á nótt.
Miðaverð er 4500 kr. í forsölu
Hægt er að kaupa 2 miða og gistingu fyrir 2 á Malarhorni á aðeins 25.000 kr.
Aðgangur er ókeypis fyrir 12 ára og yngri.
Forsala aðgöngumiða fer fram á tix.is.
Nánari upplýsingar veitir Björn Kristjánsson í s. 8645854
Nokkur orð um hljómsveitirnar:
Í gær var hið besta veður norðvestlæg vindátt með hægum vindi og skýjuðu veðri og hita upp í átta stig. Þannig að bændur gripu tækifærið og settu mikið af lambfé út, sjálfsagt á þetta við á öllum bæjum í Árneshreppi þótt fréttamaður L-H þekki best til í Litlu-Ávík þar sem hann vinnur við sauðburðinn hjá hálfbróðir sínum Sigursteini Sveinbjörnssyni bónda. Þetta mun vera tuttugusta árið í röð sem Jón G Guðjónsson vinnur við sauðburð í Litlu-Ávík, en áður en hann flutti norður aftur 1995 kom Jón oftast norður til að vera við sauðburð þótt hann byggi og inni á höfuðborgarsvæðinu, en Jón er fæddur og uppalin í Litlu-Ávík.
Lambfé sem var komið út á tún fyrir síðasta hret (byl) stóð allt vel af sér þessi ósköp, ær og lömb lágu í skjóli þar sem það var að fá, mikið af lömbum leituðu sér skjóls inn í hey rúllum sem var búið að setja út á tún, þar sem geil myndaðist þar sem fé var búið að éta úr, enda er bölvuð bleytan verst fyrir lömbin. Í Litlu-Ávík er víða gott skjól á túnum vegna kletta og góðra og hjalla sem eru víða á jörðinni. Það voru sjötíu og fjórar lambær úti á túnum í Litlu-Ávík í snjókomunni og óveðrinu 27. og 28 maí. Í gær
Eins og fram kom hér á vefnum var ekki hægt að fljúga til Gjögurs í gær vegna snjókomu, en í dag var flogið fyrir hádegið. Þetta var síðasta ferðin sem vörur koma í útibú Kaupfélags Steingrímsfjarðar á Norðurfirði með flugi, en eftir mánaðarmótin tekur Strandafrakt við á flutningabíl. Í næsta mánuði verður aðeins flogið
Þegar fréttamaður Litlahjalla skrapp í Kaupfélagið eftir hádegið til að versla og fleira brá Jóni við hvað mikill snjór væri þarna norður frá, 15 til 18 cm snjódýpt og mjög sleipt að keyra í þessu, og Vegagerðin segir græna línu norður eða greiðfært, það er gott að taka mark á vef Vegagerðarinnar
