Eru bændur í Árneshreppi búnir að skila haustskírslum?

Frá Matvælastofnun í gær:

Skilafrestur á haustskírslum er nú útrunninn og vill Matvælastofnun upplýsa þá sem enn hafa ekki skilað skírslum að starfsmenn Matvælastofnunar munu frá og með 15. desember n.k. hefjast handa við heimsóknir til þeirra sem ekki hafa skilað skírslum.

Eins og kveðið er á um í lögum verða allar heimsóknir vegna vanskila á haustsskírslum á kostnað viðkomandi baúfjáreiganda. Því eru þeir sem enn hafa ekki lokið skilum hvattir til að gera slíkt nú þegar og forðast þannig óþarfa útgjöld.

Þeim sem þegar hafa gengið hafa frá skráningum á haustskírslum

Hús Björgunarsveitarinnar Strandasólar.

Gamla síldarverksmiðjan Djúpavík.

Fjárhúsgafl og veggir voru klæddir í Litlu-Ávík.

« 1 af 3 »

Hér verður reynt að fara yfir helstu framkvæmdir í Árneshreppi á árinu 2014. Ekki verður þetta tæmandi upplýsingar,eitthvað mun vanta. Fyrst skal nefna sem hlýtur að teljast ein stærsta framkvæmdin er þegar Björgunarsveitin Strandasól réðist í byggingu húss yfir starfssemi sína í haust. Húsið sem er stálgrindarhús 150 fermetrar og var gert fokhelt,en eftir er að leggja í gólf og öll innivinna er eftir.

Á Djúpavík var í sumar byrjað að leggja tjörudúk á þak gömlu síldarverksmiðunnar,sem bræddur er á þakið í lögum. Þessi dúkur kom í stað þess að áður fyrr var þakið bikað eða tjargað. Hluti þaksins var tekin í sumar en á næsta ári stendur til að taka þakið sem snýr til norðurs,en það er um 1200.fm. Á Hótel Djúpavík var eldhús tekið algerlega í gegn og tæki endurnýjuð að miklu leyti.

Í Litlu-Ávík voru fengnir smiðir frá Sparra ehf í Keflavík til að klæða gafl og hliðar á aðalfjárhúsunum með aluzink bárujárni,einnig var skipt um glugga í húsunum og hurðir endurnýjaðar. Einnig settu smiðir upp iðnaðarhurð í Sögunarskemmuna að norðanverðu,en hún er rafmagnsdrifin.

Á Krossnesi voru steypuskemmdir lagaðar á grunni á skemmu. Einnig var þar seint í haust skipt um hluta af þakjárni á fjárhúsum þar.

Sveitarfélagið Árneshreppur stóð að ýmsu viðhaldi á sínum eignum,til dæmis á félagsheimilinu þar sem var skipt um glugga og eða lagaðir og þar var skipt um útihurð. Í kennara íbúð  Finnbogastaðaskóla var baðherbergi alveg endurnýjað,og ýmislegt annað viðhald þar. Einnig lét sveitarfélagið setja upp tvær iðnaðarhurðir á sjávarhúsið í Norðurfirði,þær eru rafmagnsdrifnar. Ýmislegt annað lét sveitarfélagið gera í viðhaldi eins og á íbúðum í kaupfélagshúsinu eins og þau hús eru kölluð,en sveitarfélagið á þær eignir.

Þrír ökumenn voru stöðvaðir í liðinni viku fyrir of hraðan akstur.

Vikan 24. Nóvember til 1. Desember 2014: Þrír ökumenn voru stöðvaðir í liðinni viku fyrir of hraðan akstur, einn ökumaður á Djúpvegi, þjóðvegi nr. 61 og tveir í nágrenni Ísafjarðar.  Tvö umferðaróhöpp voru tilkynnt til lögreglu í vikunni, fyrra óhappið varð miðvikudaginn 26. nóv., en þá var ekið á reiðhjólamann  á gangbrautinni við hringtorgið/ Pólgötu á Ísafirði, og slapp reiðhjólamaðurinn án meiðsla. Seinna óhappið varð daginn eftir á Bíldudalsvegi, þar hafnaði bifeið út fyrir veg í Tálknafirði, ekki slys á fólki, en einhverjar skemmdir á bifreiðinni.  Ástæða óhappsins var hálka.

Einn ökumaður var kærður vegna gruns um meinan akstur undir áhrifum ávana- og fíkniefna.

Flotbryggja sleit sig lausa í Norðurfjarðarhöfn í NA óveðri þann 2,nokkurt tjón.

Selur var oft í mánuðinum í góða veðrinu í Ávíkinni,stundum voru þeir tveir.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðaustan hvassviðri og stormi,rigningu eða slyddu. Síðan var vindur hægari og veður fór kólnandi og var nokkurt frost frá áttunda til ellefta. Þann tólfta gerði norðaustan hvassviðri eða austan enn og aftur,og fór veður þá hlýnandi,síðan voru austlægar eða suðlægar vindáttir með hægviðri oftast,og mjög hlýju veðri frá 18.og fram til 24.,en þá fór heldur að kólna,en suðlægar vindáttir áfram. Þann þrítugasta gekk í SV hvassviðri og storm fyrir miðnætti.

Mánuðurinn verður að teljast mjög hlýr í heild,og úrkomulítill.

Dálítið tjón varð þegar flotbryggja sleit sig lausa í smábátahöfninni á Norðurfirði í NA óveðrinu þann 2.nóvember.

Vindaspá kl:06 á mánudagsmorgun 1.des 2014.

Veðurstofan vekur athygli á spá um illviðri síðdegis á sunnudag og fram á mánudag. Spár gera ráð fyrir að hraðfara og dýpkandi lægð nálgist landið sunnan úr höfum á sunnudag með vaxandi suðaustanátt, meðalvindhraði víða á bilinu 18-25 m/s síðdegis. Suðaustanáttinni fylgir rigning eða slydda og er útlit fyrir talsverða úrkomu S- og V- lands. Það er útlit fyrir þíðu á láglendi, en líkur eru á að það verði slydda eða snjókoma á heiðum og fjöllum.

Á sunnudagskvöldið verður lægðin á norðurleið skammt vestan við landið og sunnan við hana er mikill vindstrengur. Á sunnudagskvöldið og aðfaranótt mánudags mun þessi strengur herja á landið. Má búast við vestan og suðvestan 20-30 m/s á suðurhelmingi landsins um kvöldið en norðantil aðfaranótt mánudags. Með vestanáttinni kólnar og færir úrkoman sig yfir í að vera á formi snjóélja. Það er sem sagt búist við að meðalvindhraði geti farið yfir 28 m/s sem kallast ofsaveður skv. vindstigakvarða Beaufort sem lengi var við lýði. Búast má við hættulegum vindhviðum og að þær geti náð yfir 50 m/s við fjöll, þá einkum hlé megin, norðan og austan þeirra.

Á mánudagsmorguninn er gert ráð fyrir suðvestan stormi (18-25 m/s) en að allhvass eða hvass vindur verði síðdegis (13-20 m/s). Útlit er fyrir éljagang,

Jólaballið er í Vídalínskirkju í Garðabæ.

Árleg jólatrésskemmtun Félags Árneshreppsbúa fer fram í dag, laugardaginn 29. nóvember, í sal Vídalínskirkju, Kirkjulundi 3, Garðabæ klukkan 14. Það verður góð jólastemming og að sjálfsögðu koma jólasveinar að norðan úr Árneshreppi í heimsókn! Og hver veit nema Grýla láti líka sjá sig. Góðar veitingar jafnt fyrir eldri sem yngri.

Tvö umferðaróhöpp voru tilkynnt til lögreglu í liðinni viku,bæði í nágrenni Hólmavíkur.

Vikan 17. nóvember til 24. nóvember 2014: Þrír ökumenn voru kærðir fyrir of hraðan akstur í liðinni viku og sá sem hraðast ók var mældur á 127 km/klst. á þjóðvegi nr. 62. Barðastrandarvegi. Tvö umferðaróhöpp voru tilkynnt til lögreglu í liðinni viku,bæði í nágrenni Hólmavíkur. Ekki var um slys á fólki að ræða,en talsverðar skemmdir á ökutækjum.

Talsverður erill var um liðna helgi vegna skemmtanahalds í umdæminu. Þá vill

Strætó í Mjódd.

Nýr valkostur í ferðum á milli Ísafjarðar og Reykjavíkur hófst í ágúst s.l., en ekið er allt árið á föstudögum og sunnudögum á milli Ísafjarðar og Reykjavíkur með viðkomu á Hólmavík í samvinnu Fjórðungssambandsins og Strætó bs. 

Ekið er frá Ísafirði kl 16.00 og úr Mjódd í Reykjavík kl 15.30 með samtengingu leiðar 57 og leiðar 59.   Pantanir í ferðir eru hjá Hópferðamiðstöð Vestfjarða í síma 8931058 en einnig er hægt að fá upplýsingar í þjónustuborði Strætó bs, í síma 540 2700. Upplýsingar er einnig hægt að nálgast hér:

Margt eigulegra hluta var á tommbólunni.

Allt seldist upp.

« 1 af 2 »

Konur hér í Árneshreppi tóku sig saman og héldu tommbólu í félagsheimilinu í Trékyllisvík í dag eftir hádegið. Sæmileg mæting var á tommbóluna og seldist allt upp sem var á tommbólunni. Að þessu sinni fékk Björgunarsveitin Strandasól andvirði þess sem safnaðist að þessu sinni,en Strandasól fagnaði fyrr í vetur fertugsafmæli sínu. Nú er ekkert kvenfélag starfandi í hreppnum en það var lagt niður fyrir nokkru,en konur hafa oft tekið sig saman og safnað fyrir ýmsum góðum

Í dag um hádegið tók fréttamaður Litlahjalla þetta mynband af sel sem hefur verið hér í Ávíkinni annað slagið. Ávíkin er víkin sem bæirnir Stóra og Litla-Ávík  standa við austast í Trékyllisvík. Selurinn er mjög spakur og hreyfði sig lítið þótt kallað væri í hann og eða steinum hent í átt að honum til að fá hann af skerinu til að synda,en engan vegin tóks það . Ætlun  myndatökumanns var að fá hann